একাদমীয়া, রিসর্চরশিং, এম.এস.এম.ই.শিং অমসুং ওইল এক্সপ্লোরেসন, ফ্লদ প্রেদিক্সন, জিনোমিকশিং অমসুং দ্রগ দিস্কোভরী হিরমশিংদা লৈরিবা স্তার্তঅপশিংগী হেনগৎলক্লিবা কম্প্যুতেস্নেল দিমান্দশিং অসি ভারতনা মেনশিনবা ঙম্নবা হোৎনরিবা অসিদা নেস্নেল সুপর কম্প্যুতিং মিসন(এন.এস.এম.)না মতেং পাংদুনা হাই পৱার কম্প্যুতিংগী হিরম অসিদা ভারতনা লিদর অমা ওইনা মাংজিন থানা থোক্লক্লি৷

ভারতকী মমিং নিংথীনা লৈরবা ইন্সতিত্যুসন মরিদা কম্প্যুতিং ইনফ্রাস্ত্রকচর অসি মাংজৌননা ইন্সতোল্দ তৌখ্রে অমসুং অহেনবা ইন্সতিত্যুসন ৯দা খোঙজেল য়াংনা ইন্সতোল্দ তৌবগী থবক চত্থরি৷ ২০২১গী সেপ্তেম্বর থাদা মপুং ফানা লোইশিনগদবা এন.এস.এম.গী ফেস II অসিনা লৈবাক অসিগী কম্প্যুতিং পৱার অসি পেতাফ্লোপ(পি.এফ.) ১৬ য়ৌনা হেনগৎহল্লগনি৷ ভারততা এসেম্বল অমসুং মেনুফেকচরিং তৌদুনা সুপর কম্প্যুতিং ইনফ্রাস্ত্রকচর অসি শেমগৎনবগীদমক ভারতকী মমিং লৈরবা ইন্সতিত্যুসন ১৪গা য়ানা ৱারোল শহি পীনখ্রে৷ মসিগী মনুংদা য়াওরিবশিং অদুদি আই.আই.তি.শিং, এন.আই.তি.শিং, নেস্নেল লেবশিং অমসুং আই.আই.এস.ই.আর.শিং অসিনি৷

এন.এস.এম. ফেস Iদা প্লান তৌরিবা ইনফ্রাস্ত্রকচর অদু মাংজৌননা ইন্সতোল্দ তৌখ্রে অমসুং ফেস IIগী অয়াম্বা শরুক অথুবা মতমদা মফম চানা ইন্সতোল্দ তৌরগনি৷ হন্দক্কী চহী অসিদা হৌদোকখিবা ফেস III অসিনা কম্প্যুতিং স্পিদ অসি পেতাফ্লোপ ৪৫গী চাংদা য়ৌহল্লগনি৷ মসিগী মনুংদা নেস্নেল ফেসিলিতী অমা ওইনা পি.এফ. ২০গী সিস্তেম অমা অমসুং পি.এফ.৩ খুদিংগী সিস্তেম অহুম মনুং চল্লগনি৷

নেস্নেল নোলেজ নেতৱার্ক(এন.কে.এন.)পু য়াম্না মরু ওইবা য়াংলেন শরু অমগুম থমদুনা লৈবাক অসিগী লৈরিবা রিসর্চ কেপাসিতীশিং অমসুং কেপাবিলিতীশিং অসি পুনশিন্নদুনা সুপরকম্প্যুতিং গ্রিদ অমা শেম্ননবা নেস্নেল সুপরকম্প্যুতিং মিসন অসি লোঞ্চ তৌখিবনি৷ এন.এস.এম. অসিনা লৈবাক অসিদা লৈরিবা একাদমিক অমসুং রিসর্চ ইন্সতিত্যুসনশিং অসিদা সুপরকম্প্যুতিংগী গ্রিদ অমা শেমগৎলি৷ মসিগী মনুংদা শরুক খরদি মপান লমশিংদগী পুশিল্লকপনি অমসুং শরুক খরনা লৈবাক অসিদা শাজবনি৷ মিসন অসি সাইন্স অমসুং তেক্নোলোজী দিপার্তমেন্ত(দি.এস.তি.) অমসুং ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়(মৈতী) অনিনা খুৎশম্নদুনা লমজিংলি অমসুং পুনেগী সেন্তর ফোর দিবলপমেন্ত ওফ এদভান্স কম্প্যুতিং(সি-দি.এ.সি.) অমসুং বেঙ্গলুরুগী ইন্দিয়ন ইন্সতিত্যুত ওফ সাইন্স(আই.আই.এস.সি.)না চৎনরি৷

লৈবাক অসিদা ইহান হান্না এসেম্বল তৌজবা সুপর কম্প্যুতর পারম শিভে আই.আই.তি.(বি.ঐচ.য়ু.)দা ইন্সতোল্দ তৌখ্রে অমসুং মতুং তারকপদা পারম শক্তি, পারম য়ুক্তি, পারম শঙ্গনাক আই.আই.তি.-খরগপুর আই.আই.এস.ই.আর., পুনে, জে.এন.সি.এ.এস.আর., বেঙ্গলুরু অমসুং আই.আই.তি. কানপুরদা মথং-শিৎনা ইন্সতোল্দ তৌখ্রে৷

ঐচ.পি.সি. অমসুং আর্তিফিসিয়েল ইন্তিলিজেন্স(এ.আই.) অসি পুনশিন্নদুনা সুপরকম্প্যুতিংগী হিরম অসিদা ভারতনা লিদরশিপকী মফম অমা কনবা ঙম্নবা চংশিল্লক্লিবা অসিদা হৌজিক্তি অনৌবা দাইমেন্সন অমা হাপচিনখ্রে৷ ২০০ এ.আই. পি.এফ. আর্তিফিসিয়েল ইন্তিলিজেন্স কম্প্যুতিং সিস্তেম অমা শেমখ্রে অমসুং সি-দি.এ.সি.দা ইন্সতোল্দ তৌখ্রে অমসুং মসিনা লার্জ-স্কেল এ.আই. ৱার্কলোদশিং  চলাইদুনা এ.আই.গা মরী লৈনবা কম্প্যুতিংগী স্পিদ অসি শরুক কয়ারক হন্না হেনগৎহল্লি৷ হাই-পর্ফেমেন্স কম্প্যুতিং-আর্তিফিসিয়েল ইন্তিলিজেন্স(ঐচ.পি.সি.-এ.আই.) সুপরকম্প্যুতর, পারম সিধি-এ.আই.না ২০২০গী নবেম্বর ১৬তা থাদোরকখিবা মালেম অসিগী খ্বাইদগী শক্তি লৈরবা মকোক থোংবা সুপর কম্প্যুতর সিস্তেম ৫০০গী মনুংদা ৬২শুবা মফম কনবা ঙমখ্রে৷

মিসন অসিনা ঙসি ফাওবদা ঐচ.পি.সি.গী মতাং খঙলবা মেনপৱার অমসুং ফেকল্তী ৪৫০০ হেন্না ত্রেন তৌদুনা সুপরকম্প্যুতর এক্সপর্তশিংগী মথংগী জেনেরেসন অদুসু শেমখ্রে৷ ঐচ.পি.সি. ত্রেনিংগী থবক-থৌরমশিং অদু হেন্না পাকথোক চাওথোকহন্নবা, আই.আই.তি. খরগপুর, আই.আই.তি. মদ্রাস, আই.আই.তি. গোৱা অমসুং আই.আই.তি. পলক্কদতা ঐচ.পি.সি. অমসুং এ.আই.দা ত্রেনিং তৌননবগীদমক এন.এস.এম. নোদেল সেন্তর মরি শেমগৎখ্রে৷ মসিগী সেন্তরশিং অসিনা ঐচ.পি.সি. অমসুং এ.আই.দা এনলাইন ত্রেনিং প্রোগ্রামশিং পাংথোকখ্রে৷

এন.এস.এম.না পৱার তৌদুনা ভারতকী লৈরিবা রিসর্চ ইন্সতিত্যুসনশিংগী নেকৱার্ক অসি ইন্দস্ত্রী অসিগা খুৎশম্নদুনা ভারততা পার্তশিং হেন্না-হেন্না শানবা তেক্নোলোজী অমসুং মেনুফেকচরিং কেপাবিলিতী অসি হেনগৎহল্লি৷ ফেস Iদদি, ভেল্যু এদিসনগী চাদা ৩০দি ভারততা তৌখি অমসুং ফেস IIদদি চাদা ৪০ য়ৌনা হেনগৎখ্রে৷ পি.এস.য়ু.শিং অমসুং সরকার পুম্নমক্কী ৱাৎতুনা লৈরিবা ঐচ.পি.সি. অসি মেনশিনবা ঙম্নবা ভারতনা ইন্দিজিনিয়র্স সর্বর(রুদ্রা) অমা শেমগৎখ্রে৷

ফেস অহুম অসিনা ইন্সতিত্যুসন ৭৫ হেনবদা অমসুং সুপরকম্প্যুতিং সিস্তেমশিংগী য়াংলেন শরু ওইরিবা –নেস্নেল নোলেজ নেতৱার্ক(এন.কে.এন.)কী খুৎথাংদা নৈনরিবা একাদমিসিয়নশিং, এক্তিব রিসর্চর লিশিং কয়াদা হাই-পর্ফোমেন্স কম্প্যুতিং(ঐচ.পি.সি.) ফেসিলিতীশিং ফংহল্লগনি৷

*****