پوسٹ کرنے کی تاریخ:
02 APR 2021 2:15PM by PIB Delhi
نئی دلّی ،02 اپریل / 21-2020 ء میں ایک ہی سال کے دوران بھارتی ریلوے نے اب تک کی سب سے زیادہ برق کاری کرتے ہوئے 6015 روٹ کلو میٹر ( آر کے ایم ) کا احاطہ کیا ہے ۔
کووڈ – 19 عالمی وباء کے باوجود برق کاری میں 19-2018 ء کے مقابلے ، جو 5276 آر کے ایم تھی ، برقی کاری میں اضافہ ہوا ہے۔
بھارتی ریلوے کے لئے 21-2020 ء کے مشکل وقت میں 6000 کلو میٹر سے زیادہ کی برق کاری کا پروجیکٹ مکمل کرنے کا ہدف حاصل کرنا ایک فخر کی بات ہے ۔ بھارتی ریلوے ماحول دوست اور توانائی میں بچت کرنے والا بن رہا ہے ۔
بھارتی ریلوے کا موجودہ براڈ گیج نیٹ ورک 63949 روٹ کلو میٹر ( آر کے ایم ) ہے ، جس میں کونکن ریلوے کا 740 کلو میٹر شامل کیا جائے تو یہ 64689 آر کے ایم ہوتا ہے ، جس میں 31 مارچ ، 2021 ء تک 71 فی صد یعنی 45881 آر کے ایم کی برق کاری کی جا چکی ہے ۔
حالیہ برسوں میں ریلوے کی برق کاری پر زیادہ توجہ دی گئی ہے ، جس کا مقصد درآمد شدہ پیٹرولیم پر مبنی توانائی پر ملک کے انحصار کو کم کرنا اور ملک میں ماحول دوست ، تیز تر اور کم توانائی والے ٹرانسپورٹ کی فراہمی کے ویژن کے ساتھ ملک میں توانائی کی سکیورٹی میں اضافہ کرنا ہے ۔
سال 2007 ء سے 2014 ء کے دوران 7 سال میں کی گئی برق کاری کے مقابلے 2014 ء سے 2021 ء کے دوران سات برسوں میں 5 گنا برق کاری کی گئی ہے ۔ 2007 ء سے 2014 ء کے دوران 4337 آر کے ایم ( موجودہ براڈ گیج کےروٹس کا 7 فی صد ) پر برق کاری کی گئی تھی ، جب کہ 2014 ء سے اب تک 24080 آر کے ایم ( موجودہ براڈ گیج کا 37 فی صد ) پر برق کاری کی گئی ہے ۔
اب تک برق کاری شدہ کل 45881 آر کے ایم میں 34 فی صد برق کاری صرف پچھلے 3 برسوں میں کی گئی ہے ۔
بھارتی ریلوے نے 21-2020 ء کے دوران ریکارڈ 56 ٹی ایس ایس ( ٹریکشن سب اسٹیشن ) لگائے ہیں ، جب کہ اس سے پہلے سب سے زیادہ 42 ٹی ایس ایس تھے ۔ اس سے کووڈ وباء کے باوجود 33 فی صد کی بہتری کا اظہار ہوتا ہے ۔
پچھلے 7 برسوں کے دوران اب تک 201 ٹریکشن سب اسٹیشن قائم کئے گئے ہیں ۔
بھارتی ریلوے نے ، جن اہم سیکشن پر برق کاری کی ہے ، ان میں سے کچھ مندرجہ ذیل ہیں :
|
نمبر شمار
|
اہم روٹ
|
|
1 ۔
|
جبل پور کے راستے ممبئی – ہاوڑہ
|
|
2 ۔
|
دلّی – دربھنگا – جے نگر
|
|
3 ۔
|
اونریہار کے راستے گورکھپور – وارانسی
|
|
4 ۔
|
جبل پور – نین پور – گونڈیا - بلّر شاہ
|
|
5 ۔
|
چنئی – تریچی
|
|
6 ۔
|
اندور – گنا – گوالیار - امرتسر
|
|
7 ۔
|
دلّی - جے پور – ادے پور
|
|
8 ۔
|
نئی دلّی - نئی کوچ بہار – سری رام پور – آسام براستہ پٹنہ اور کٹیہار
|
|
9 ۔
|
اجمیر – ہاوڑہ
|
|
10 ۔
|
ممبئی – مارواڑ
|
|
11 ۔
|
دلّی – مراد آباد – ٹنک پور
|
بھارتی ریلوے نے دسمبر ، 2023 ء تک اپنے تمام ٹریکس پر پوری طرح برق کاری کرنے کا منصوبہ بنایا ہے ۔
ریل کی مکمل برق کاری سے 2030 ء تک اپنی پوری بجلی کا لوڈ قابلِ تجدید توانائی کے وسائل سے حاصل کرکے پوری طرح صفر اخراج کےہدف کو حاصل کرنے میں مدد ملے گی ۔
۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔
( ش ح ۔ و ا ۔ ع ا ۔ 02.04.2021 )
U. No. 3304