হ্যুমেন রিসোর্স চাউখৎ-থৌরাংগী মন্ত্রালয়

ভারত্তা মপান লমগী মহৈরোইশিংনা লাইরিক তম্বা লাকহন্নিংনবগী স্তেজ অদু সেন্তরনা শেমখ্রে


ত্রেদিৎ ত্রান্সফর মেকানিজমগা লোইননা ত্বিনিং, জোইন্ত অমসুং দ্যুল দিগ্রীশিংগী মখাদা মপান লমগী য়ুনিভর্সিতীশিং অসিগা অফবা মরী শেমগৎনবা খঙহনখ্রে

মপান লমগী মহৈরোইশিং অসিদা নুংঙাই য়াইফবা অমসুং অয়েৎ-অপন লৈতবা লিবিং এক্সপরিয়েন্স লৈহনবগী তঙাই ফদবা লৈ

মালেমগী থাক্তা লৈবা ইনফ্রাস্ত্রকচর শেমগৎনবগী, ওন-কেম্পস সপোর্ত ফংহন্নবা অমসুং সোসিয়েলাইজেসন ওপোর্চুনিতীশিং ফংহন্নবগী তঙাই ফদবা অদুগী মতাংদা ফোংদোকখ্রে

অহেনবা ইন্সতিত্যুসনশিংনা হেন্না শরুক য়াবা য়ানবা ইন্দিয়া প্রোগ্রামদা লৈরিবা স্তদী বেজ অসি হেন্না পাকথোক চাওথোকহল্লগনি হায়না ফোংদোকখ্রে

ইন্তরনেস্নেলাইজেসনগী মতাং অসিদা পব্লিক অমসুং প্রাইভেৎ ইন্সতিত্যুসনশিং অসিগী মরক্তা খেন্নবা অমতা থম্লোই

Posted On: 20 MAR 2021 1:32PM by PIB Imphal

হাইয়র স্তদীগীদমক ভারত্তা লাক্লিবা মপান লমগী মহৈরোইশিংগী মশিং অসি হেনগৎনবা লৌখৎকদৌরিবা খোঙথাংশিং অদুগী মতাংদা এদজুকেসন মন্ত্রালয়না খন্নরি৷ ঙরাং পার্তর ইন্সতিত্যুসনশিং অসিগা খুৎশম্নদুনা মন্ত্রালয় অসিগী স্তদী ইন ইন্দিয়া প্রোগ্রাম অসিগী মতাংদা পাংথোকখিবা রিবিয়ু মীফম অমদা তঙাই ফদবা খুদোংচাবা ফংহল্লিবা ইন্সতিত্যুসনশিং অমসুং একাদেমিক ক্বালিতী লৈরিবা ইন্সতিত্যুসনশিং অসিনা প্রোগ্রাম অসিদা শরুক য়াবা য়ানবা প্রোগ্রাম অসিগী মখাদা ইন্তিত্যুসনশিং পার্তনর শেম্নবগী ক্রাইতরিয়া অদু অথুবা মতমদা পুথোক্লগনি হায়না হাইয়র এদজুকেসনগী সেক্রেতরী শ্রী অমিত খেয়রনা ফোংদোকখ্রে৷ ইন্তরনেস্নেলাইজেসন অসি সোপোর্ত তৌবা মতমদা প্রাইভেৎ অমসুং পব্লিক ইন্সতিত্যুসনশিং অসিগী মরক্তা খেন্নবা অমতা থম্লোই হায়না মহাক্নসু ফোংদোকখ্রে৷

স্তদী ইন ইন্দিয়া অসি ভারত সরকারগী প্রোগ্রাম অমনি, মসিনা মালেম অসিগী মহৈরোইশিং অসি ভারত্তা লাক্তুনা হাইয়র এদজুকেসন ইন্সতিত্যুসনশিং অসিদা লাইরিক তম্ননবগী পুক্নিং হেন্না চিংশিন্নবা পান্দম থম্লি৷ ২০১৮দা পুথোকখিবা প্রোগ্রাম অসিগী মখাদা খন্দোক্লবা ইন্সতিত্যুসন ১১৭না পার্তনর তৌদুনা শরুক য়ারি৷ এদমিসনশিং তৌবগী মওং অসি মেরিত বেজনি অমসুং কম্মোন ওইবা পোর্তেল অমগী মখাদা পাংথোকই৷ হৌজিক ফাওবদা প্রোগ্রাম অসিগী মখাদা মালেম অসিগী লৈবাক ৫০ হেনবদগী মহৈরোই ৭৫০০রোম্না ভারত্তা লাক্তুনা ইন্দিয়ন ইন্সতিত্যুসনশিং অসিদা লাইরিক তম্লি৷

মপান লমশিং অসিদগী লাক্লিবা মহৈরোইশিং অসিদা ক্বালিতী লৈবা একাদেমিক ইনপ্যুতশিং ফংহনবা অসিদগী হেন্দোক্তুনা মখোয়না লৈবদা হেন্না সেফ ওইবা ফাওজনবা, অয়েৎ-অপন লৈতনা নুংঙাইনা লৈহন্নবা, মপান লমগী মহৈরোইশিং অসিগীদমক কনদ্যুসিব, ওন-কেমপস ইকোসিস্তেম অমা শেমগৎনবগী তঙাই ফদবা লৈ হায়বা অসি সরকারনা অসিনা খঙবা ঙমখ্রে৷ হিরম অসিগী মতাংদা মালেম অসিগী মফমশিং অসিদগী লাক্লিবা মহৈরোইশিং অসিগীদমক মালেমগী থাক্তা লৈবা হোতেলশিং শেমগৎনবা সেক্রেতরীনা পার্তনর ইন্সতিত্যুসনশিংদা খঙহনখ্রে৷ মসিগীদমক ইন্সতিত্যুসনশিং খরদা এস.আই.আই. সপোর্ত তৌরিবা চেমপিয়ন সর্ভিসেস সেক্তর স্কিম অসিগী মখাদা শেল-থুংগী ওইবা মতেং পীনবগী প্রোভিজন লৈ৷ অসিগীসু মথক্তা, মালেম অসিগী মহৈরোইশিং অসিবু লৌশিল্লিবা ইন্সতিত্যুসন খুদিংমক্তা অথুবা মতমদা ইন্তরনেস্নেল মহৈরোইশিং অসিগী ওফিসশিং শেমগৎনবগী তঙাই ফদবা লৈ৷ মপান লমগী মহৈরোইশিং ইন্সতিত্যুসনশিং অসিদা মহৈ তম্নবা খল্লিবা নুমিৎ অদুদগী হৌদুনা মহৈরোইশিং অদুনা দরকার লৈরিবা পুম্নমক ফংহন্নবা, মসিগী ওফিস অসিনা সিঙ্গল ৱিন্দো সোপোর্ত ওইনা মথৌ তৌরগনি৷ মসিগীসু মথক্তা, ফেমিলীশিং, মেন্তরশিংগী নেতৱার্ককুম্বা এবিনিয়ুশিং শেমগৎকদবনি, মসিনা লৈবাক অসিদা মপান লমগী মহৈরোইশিং অসিনা নিংথীনা তংদু-লৈতাদুনা, অমগা-অমগা তোৎনা-তিন্ননা হিংমিন্নহনবদা মতেং পাংলগনি৷

ত্রেদিৎ ত্রান্সফর মেকানিজমগা লোইননা ত্বিনিং, জোইন্ত অমসুং দ্যুল দিগ্রীশিংগী মখাদা ইন্দিয়ন অমসুং ইন্তরনেস্নেল ইন্সতিত্যুসনশিং অসিগী মরক্তা একাদেমিক কোলাবোরেসনশিং হেন্না-হেন্না পাংথোক্নবা মন্ত্রালয় অসিনা হোৎনরি৷ হিরম অসিগীদমক য়ু.জি.সি. মাংজৌননা দ্রাফত রিগুলেসনশিং পুথোক্তুনা হৌজিক হৌজিক স্তেকহোল্দরশিংগী মরক্তা খন্ন-নৈন্নবা থম্লি৷ মসিগী রিগুলেসনশিং অসিনা সেমিস্তর অমা নত্রগা অনিগী মহৈরোইশিংগী সোর্ত প্রোগ্রামশিং অমসুং মহৈরোইশিংনা প্রোগ্রামশিং এক্সচেঞ্জ তৌনবা মতমদা মতেং পাংলগনি৷

সরকার অসিগী মরী লৈনবা দিপার্তমেন্তগা লোইননা ইন্তরনেস্নেল মহৈরোইশিং অসি ইন্তর্নশিপ তৌবা য়াহন্নবগী ইসু অসিগী মতাংদা মন্ত্রালয় অসিগী প্লান লৈ৷ ইন্তরনেস্নেল মহৈরোইশিং অসিগীদমক ইন্তর্নশিপ পীদবা অসি ভারত্তা হাইয়র স্তদীশিংগী লৈরিবা প্রোগ্রামশিং অসিগী অশোইবা অমনি হায়না পার্তনর ইন্সতিত্যুসনশিংনা পুথোরকখ্রে৷ ইন্তরনেস্নেল মহৈরোইশিং অসিগীদমক বিসাগী ইসুশিং য়াওনা মরী লৈনবা ইসুশিং য়েংশিন্নবা মন্ত্রালয় অসিনা হোৎনরি৷

ইন্সতিত্যুসন পুম্নমক্তা মখোয় মখোয়গী এলম্নি নেতৱার্ক অসি এক্তিবেত তৌনবা অমসুং মসিগী কন্নেক্ত অসি শিজিন্নদুনা ইন্দিয়ন ইন্সতিত্যুসনশিং অসিদা অহেনবা মহৈরোইশিংগী পু্ক্নিং চিংশিন্নবা খঙহনখ্রে৷

                                                                                   *****



(Release ID: 1706373) Visitor Counter : 155