“অনৌবা ভেহিকল স্ক্রেপ্পিং পোলিসী অসি স্তেকহোল্দর পুম্নমক্কী ওইনদম ইকান্দা কান্নরবা ফিভম অমা ওইরগনা” হায়না রোদ ত্রান্সপোর্ত অমসুং হাইৱেজকী মন্ত্রী শ্রী নিতিন গদকরিনা ফোংদোকখ্রে৷ শগোলশেল নুমিৎতা পার্লিয়ামেন্তদা ভেহিকল স্ক্রেপ্পিং পোলিসী অসি লাওথোকখ্রবা মতুং অসিদা ত্রান্সপোর্ত ভাবনদা পাংথোকখিবা প্রেস মীফম অমদা, “গারি থৌবদা সেফতী ওইহনবা, থাউ শিজিন্নবগী চাং অমসুং পোলুসন হন্থহনবা হায়বা এস্পেক্তশিং অসিনা পোলিসী অসিগী রিজল্তশিং ওইনা লৈরগনি” হায়না শ্রী গদকরিনা ফোংদোকখ্রে৷

“পোলিসী অসিদা পেনাল্তীগুম্বা পনিশমেন্ত প্রোভিজনশিং অমতা য়াওদে অমসুং পোলিসী অসি লাইরবা মীয়ামশিং অসিগীদমক যেংলগা পুথোক্লিবনি”হায়না মন্ত্রী অদুনা ফোংদোকখ্রে৷ ভেহিকল স্ক্রেপ্পিং পোলিসী অসিগী কান্নবশিং অদু পল্লদুনা, “স্ক্রেপ ভেহিকলশিং অসিদগী রো মেতরিয়েল অদু শিজিন্নবনা মরম ওইবনা নৌনা শেমদুনা পুথোক্লিবা গারিশিং অদুগী মমলশিং অদু হন্থহনবা অসি খক্তা নক্তনা গারিশিং অদুগী মেন্তিনেন্স কোস্ত অদু হন্থহল্লগনি অমসুং মসিনা সেক্তর অসিদা থবক্কী খুদোংচাবা ফংহনবগী চাং অসি হেনগৎহল্লগনি” শ্রী গদকরিনা অসুম্না ফোংদোকখ্রে৷ লাক্কদৌরিবা চহী অমগা মখায়দগী চহী অনি ফাওবগী মনুংদা লৈবাক অসিদা ভেহিকল স্ক্রেপ্পিং সেন্তর ১০০রোম ওপরেসন তৌদুনা লৈরবা য়াই অমসুং মশিং অসি মতমগী মতুং ইন্না লেপ্পা লৈতনা হেনগৎলক্লগনি হায়না থাজৈ হায়না মহাক্না ফোংদোকখ্রে৷

নৌনা লৈরিবা গারিশিং অসিদা থিরিবা গুদস অমসুং সর্ভিসেস তেক্স অসিদা কন্সেসন খরদা ওইরবসু পীননবা মন্ত্রী অসিনা কেন্দ্রগী ফাইনান্স মন্ত্রীদা হায়জখ্রে হায়না মন্ত্রী অসিনা ফোংদোকখ্রে৷ বিন্তেজ কারশিং অসিদি স্ক্রেপ্পিং পোলিসী অসিগী মনুং চল্লোই হায়না মহাক্না ফোংদোকখ্রে৷ ইকোনোমিক মোদেল কারশিং অসিদা শুংশোই শোইদনা এয়রবেগশিং অসি অহেনবা সেফতী মিজর অমা ওইনা হাপচিন্নবা রোদ ত্রান্সপোর্ত মন্ত্রালয়না খঙহনখ্রে হায়না মহাক্নসু ফোংদোকখ্রে৷

পোলিসি অসি ৱেস্ত অমসুং নোলেজ অসি ৱেল্থদা ওন্থোক্নবা পাম্বৈ অমনি হায়না মন্ত্রী অসিনা ফোংদোকখ্রে৷

                                                                                      *****