প্রধানমন্ত্রীগী লোইশঙ

প্রধান মন্ত্রীনা দিজাস্তর রেজিলিএন্ত ইনফ্রাস্ত্রকচরগী মতাংদা পাঙথোকপা ইন্তরনেস্নেল কনফরেন্সতা ৱা ঙাংখ্রে

অমনা অমগী মতেং লৌনরিবা অমসুং মরী লৈনরিবা খুন্নাই অমদা লৈবাক অমত্তনা মালেমগী খুদোংথিবশিংগী চৈথেংদগী ঙাকথোকপা ঙম্লোই: পি.এম.

লাইচৎ অসিদগী তমশিলহৌবা পরাশিং কাউরোইদবনি: পি.এম.

“রিজিলিএন্ত ইনফ্রাস্ত্রকচর”গী ৱাখল্লোন অসি মীয়ামগী ইহৌ অমা ওইহনগদবনি: পি.এম.

Posted On: 17 MAR 2021 2:58PM by PIB Imphal

প্রধান মন্ত্রী, শ্রী নরেন্দ্র মোদীনা ভিদিও কনফরেন্সকী খুত্থাংদা দিজাস্তর রেজিলিএন্ত ইনফ্রাস্ত্রকচরগী মতাংদা পাঙথোকপা ইন্তরনেস্নেল কনফরেন্সকী থৌরম হৌদোকপদা ৱা ঙাংখ্রে। থৌরম অসিদা ফিজীগী প্রধান মন্ত্রী, ইতালীগী প্রধান মন্ত্রী, য়ুনাইতেদ কিংদমগী প্রধান মন্ত্রী মখোয়না শরুক য়াখ্রে। কনফরেন্স অসিদা লৈবাকশিংগী সরকারশিং, ইন্তরনেস্নেল ওর্গনাইজেসনশিং, একাদেমিক ইন্সতিত্যুসনশিংগী এক্সপর্তশিং অমসুং লনাই সেক্তরসু শরুক য়াখ্রে।

হৌজিক ওইরিবা ফীভম অসি মমাংদা অমুক্তা ওইখিদ্রি হায়না ফোঙদোক্লদুনা প্রধান মন্ত্রীনা হায়, “ঐখোয়না চহি চামাগী মনুংদা অমুক্তং থোকপা খুদোংথিবনি হায়না হায়নরিবা থৌদোক অমা থেংনরি। কোবিদ-১৯ লাইচৎ অসিনা ঐখোয়দা অমনা অমগী মতেং লৌনরিবা অমসুং মরী লৈনরিবা খুন্নাই অমদা ইনাক খুনবা নত্ত্রগা লায়রবা, নোংপোক নত্ত্রগা নোংচুপতা, অৱাং নত্ত্রগা খাদা লৈবা লৈবাক্তা মালেমগী খুদোংথিবশিংগী চৈথেং ঙাকথোকপা ঙমদে হায়না পরা তম্বিখি।”

প্রধান মন্ত্রীনা হায় লাইচৎ অসিনা মালেম অসি করম্না চুংশিন্নগনি তাকপীখি। “লাইচৎ অসিনা মালেমগী শিংনবশিং কোকহনবা ঙম্বা ইন্নোভেসন মফম অমদগী হেক্তা পুথোকপা য়াই উৎখি” হায়না প্রধান মন্ত্রীনা ফোঙদোকখি। মসিগীদমক শ্রী মোদীনা মালেমগী শরুক পুম্নমক্কী ইন্নোবেসন মতেং পাংগদবা গ্লোবেল ইকোসিস্তেম অমা শেমগৎনবা অমসুং মদু খ্বাইদগী হেন্না মথৌ তারিবা মফমশিংদা ত্রান্সফর তৌনবা অপাম্বা ফোঙদোকখি। ২০২১গী চহি অসি লাইচৎ অসিদগী তপ্না-তপ্না ফগৎলকপা চহি অমা ওইরসবনু হায়না মহাক্না আশা থমখি।

প্রধান মন্ত্রীনা হায় লাইচৎ অসিদগী তমশিলহৌবা পরাশিং অসি কাউথোকপা তৌদনবা চেকশিন ৱা থমখি। মসি পব্লিক হেল্থ দিজাস্তরশিং খক্তা নত্তনা অতোপ্পা খুদোংথিবশিংদসু শিজিন্নগদবনি। মহাক্না অইং-অশাগী অহোংবা লাক্লিবা অসি হন্থহন্নবা লেপ্তনা অমসুং অকনবা মওংদা হোৎনবা চংঙি হায়না ফোঙদোকখি।

প্রধান মন্ত্রীনা হায় ভারতকুম্বা ইনফ্রাস্ত্রকচরদা চাউনা ইনবেস্তমেন্তশিং তৌরিবা লৈবাকশিংনা  রিস্ককী মহুৎ রিজিলিএন্সতা ইনবেস্তমেন্ত তৌবা ওইহনগদবনি। ইনফ্রাস্ত্রকচত সিস্তেম কয়ানা – দিজিতেল ইনফ্রাস্ত্রকচর, শিপ্পিং লাইনশিং, এভিএসন নেৎৱার্কশিং – মালেম পুম্ববু কোনশিল্লি অমসুং মালেমগী শরুক অমদা খুদোংথিবা থোকপগী চৈথেংনা মালেম পুম্বদা খোঙজেল য়াংনা শন্দোরকপা য়াই। মালেমগী লৈরিবা পথাপ অসিদা রিজিলেএন্স লৈহন্নবা কোওপরেসন য়াম্নমক মথৌ তাই।

প্রধান মন্ত্রীনা হায় ২০২১ অসি তশেংনা য়াম্না মরু ওইবা চহি অমনি। ঐখোয়না সস্তেনেবল দিবেলপমেন্ত গোলশিং, পেরিস এগ্রীমেন্ত অমসুং সেন্দাই ফ্রেমৱার্ক্কী থবক থৌরম ময়াই চনশিনবা ঙম্লি। চহি অসিগী অরোইবা শরুক্তা য়ু.কে অমসুং ইতালীনা য়ুম্বু ওইদুনা পাঙথোক্কদবা সি.ও.পি.-২৬তা চাউনা থজবশিং থম্লি। মহাক্না হায় রিজিলিএন্ত ইনফ্রাস্ত্রকচরদা চুংশিন্নবা অসিনা থাজবশিং অসি খরা থুংহন্নবা মতেং পাংবদা মরু ওইবা থৌদাং লৌগদবনি।

প্রধান মন্ত্রীনা মরুওইনা মীৎয়েং চংলিবা লমশিংদা শন্দোক্না ৱা ঙাংখি। অহানবদা, সি.দি.আর.আই.না সস্তেনেবল দিবেলপমেন্ত গোলশিংগী কেন্দ্রগী ৱাশক, মদুদি “লীফ নো ৱন বিহাইন্দ” অদু থুংহনবদা য়াওগদবনি। মসিগী অর্থদি ঐখোয়না খ্বাইদগী শোত্থরবা লৈবাকশিং অমসুং কাংলুপশিংদা হন্না মীৎয়েং চংগদবনি হায়বনি। অনিশুবদা, ঐখোয়না লাইচৎ মনুংদা মপুং ওইবা থৌদাং অমা লৌখিবা মরু ওইবা ইনফ্রাস্ত্রকচর সেক্তর খরা– মরু ওইনা হেল্থ ইনফ্রাস্ত্রকচর অমসুং দিজিতেল ইনফ্রাস্ত্রকচর হায়রিবশিং অসিগী পর্ফোর্মেন্স য়েংশিনবা তাই। সেক্তরশিং অসিদগী করি পরাশিং তমহৌবগে? অমসুং তুংলমচৎকীদমক ঐখোয়না মদু করম্না হেন্না মপাঙ্গল কলহনগনি?  অহুমশুবা অসিনা মপাঙ্গল কনখৎহন্নবা ঐখোয়না হোৎনবদা তেক্নোলোজিকেল সিস্তেম অমত্তা য়াম্না চম্মি নত্ত্রগা য়াম্না এদভান্স ওই হায়না লৌরোইদবনি। সি.দি.আর.আই.না তেক্নোলোজী শিজিন্নবগী দেমোন্সত্রেসন তৌবগী শাফু অদু হেনগৎহনবা মথৌ তাই। অমসুং অরোইবদা “রিজিলিএন্ত ইনফ্রাস্ত্রকচর”গী ৱাখল্লোন অদু এক্সপর্তশিং অমসুং ফোর্মেল ইন্সতিত্যুসনশিংগী ইনর্জী হেনগৎহনবা খক্তা নত্তনা মীয়ামগী ইহৌ অমসু ওইহনগদবনি হায়না ফোঙদোক্লদুনা প্রধান মন্ত্রীগী ৱারোল লোইশিনখি।

***



(Release ID: 1705567) Visitor Counter : 7