প্রধানমন্ত্রীগী লোইশঙ

পি.এম.না কোবিদ-১৯গী মতাংদা মুখ্য মন্ত্রীশিংগা ৱারী শানখ্রে


ভেক্সিনেসন সেন্তরশিংগী মশীং হেনগৎহনবা অমসুং আর.তি.-পি.সি.আর. তেস্ত হেনগৎহনবা: পি.এম.

ভেক্সিন দোজ মাংহনবদগী ঙাকথোকপা

মাইক্রো কন্তেন্মেন্ত জোনশিং মরুওইনা লৌবা অমসুং ‘তেস্ত, ত্রেক অমসুং ত্রীত’

Posted On: 17 MAR 2021 3:32PM by PIB Imphal

প্রধান মন্ত্রী শ্রী নরেন্দ্র মোদীনা ঙসি স্তেত কয়াগী মুখ্য মন্ত্রীশিংগা কোবিদ-১৯গী ফিবম অসিদা ভিদিও কনফরেন্সকী খুত্থাংদা ৱারী শান্নখখ্রে।

মুখ্য মন্ত্রীশিংনা প্রধান মন্ত্রীবু কোবিদ লান্থেংদা মহাক্কী লুচিং অসিবু থাগৎপা ফোংদোকখি। মখোয়না প্রধান মন্ত্রীবু লৈবাক শিনবা থুংনা ভেক্সিনেসন দ্রাইব অসি চৎথবা অমসুং ভেক্সিনেসন অসি মখা তানা শন্দোক্নবা মহাক্কী পাউতাক পীরিবা অসিদা থাগৎপা ফোংদোকখি।

মীয়াম প্রজা মরক্তা কোবিদকী চৎনগদবা মওংশিং অসি কায়দনা থম্নবগী অৱাবা অসিশু খন্নখি, হায়রিবা অসি স্তেত খরদা থৌদোক খর থোকপদগীনি। মুখ্য মন্ত্রীনা অহেনবা মিয়েং অমসুং য়েংশিন্নবা য়ান্নখি।

ভাইরস অসিবু নমথনবা হোম মিনিস্তরনা মুখ্য মন্ত্রীশিংদা অখন্ননা মিয়েং থম্নবা দিস্ত্রীক্তশিং খন্দোক্তুনা পীখ্রে। য়ুনিয়ন হেলথ সেক্রেতরীনা লৈবাক অসিদা হৌজিক ওইরিবা কোবিদকী ফিবম অমসুং ভেক্সিনেসনগী লালোংগী প্রজেন্তেসন অমা উৎখি।

মুখ্য মন্ত্রীশিংদা ৱা ঙাংলদুনা প্রধান মন্ত্রীনা হায় মদুদি ইন্দিয়াদা কেস ৯৬% অমদি ফগৎলে অমসুং ইন্দিয়া অসিনা মালেম অসিদা শিবগী চাং খ্বায়দগী নেম্না লৈরি। মহাক্না মহারাস্ত্রা অমসুং এম.পি. অনিগী তেস্ততা পোজিতিব য়াম্না ৱাংনা লৈবা অমসুং পঞ্জাব অমসুং মহারাস্ত্রদা কেসশিং হেনগৎলকপা অসিগী মরমদা ফোংদোকখি। লৈবাক অসিগী দিস্ত্রীক্ত ৭০দা হৌখিবা চয়োল অসিগী মনুংদা চাদা ১৫০ হেনগৎপা উরি। মহাক্না কোরোনা অসিগী “সেকেন্দ পীক” অসি খুদক্তা লেপহন্নবা তকশিনখি অমসুং করিগুম্বা লায়চৎ অসি হৌজিক থিংহৌদ্রবা তারবদি লৈবাক শিনবা থুংনা শন্দোরকপা য়াই হায়রি।

কোরোনা অসিগী “সেকেন্দ পীক” অসি খুদক্তা থিংনবা প্রধান মন্ত্রীনা অথুবা অমসুং অচেৎপা খোঙথাং লৌনবা  মরুওইবা লৌদুনা হায়খি। মহাক্না লোকেলগী ওইবা লৈঙাকশিংদা পাম্বৈ অমা পুথোক্নবা মরুওইবা পুথোক্তনা হায়খি। মহাক্না খঙহনখি মদুদি কোরোনা অসিদা লান্থেংনদুনা মায় পাকখিবা অসিনা থৌৱা শাদব মওং ওইহল্লোইদবনি। মহাক্না মখা তানা মরুওইবা পীদুনা হায়খি মদুদি প্রজাশিংবু অকি-তুজুংবা ফাওহল্লোইদবনি অমসুং অৱবা কয়া অমদগী নান্থোকহনগদবনি।  

প্রধান মন্ত্রীনা মাইক্রো কন্তেন্মেন্ত জোনশিং অসিগী তঙাইফবশিং পল্লি। মহাক্না হৌখিবা চহি চুপ্পা অমা ‘তেস্ত, ত্রেক অমসুং ত্রীত’ অসি য়াম্না লুনা লৌনবা হায়খি। মহাক্না হায়খি মদুদি অনাবা অমনা শোক্নখিবা পুম্বা ত্রেক তৌবা অসি য়াম্না মরু ওই অমসুং আর.তি. পি.সি.আর. তেস্ত অসি চাদা ৭০দা থমগদবনি হায়খি। মহাক্না রেপিদ এন্তিজেন্ত তেস্ত তৌরিবা স্তেত হায়বদি কেরলা, ওরিশা, ছত্তিসগর অমসুং য়ু.পি. আর.তি. পি.সি.আর. তেস্ত তৌনবা হায়রি।   

প্রধান মন্ত্রীনা তেস্তিং হেনগৎনবা অমসুং সহর মচাশিংদা “রিফরেল সিস্তেম” অমসুং “এম্বুলেন্স নেতৱার্ক” অসিদা মরুওইননা লৌনবা কন্না তকশিনখি। মহাক্না হায় মদুদি হৌজিক অসি লৈবাক পুম্বা চথোক চৎশিন তৌবদা অথিংবা লৈতনা চৎনরে অমসুং চথোক চৎশিন তৌবা মীগী মীশিংশু হেনগৎলক্লি। মখোয় অসিদা ই-পাউ পীবা অমগী মথৌ তাবা অসি পীখি। মসিগা মান্ননা মীরমদগী লাকপাশিংদা এস.ও.পি. অসিগী মথৌ য়াম্না তারি।

প্রধান মন্ত্রীনা হায়খি মদুদি ঐখোয়না কোরোনাভাইরস অসিগী ম্যুতেন্ত অসি খঙদোকপা অমা মথৌ তারি হাযখি। মহাক্না লেপ্পা লৈতনা লৈবাক অসিদা ভেক্সিনেসন পীবা হেনগৎলক্লিবা অসিদা থাগৎপা ফোংদোকখি অমসুং ভেক্সিনেসন অসি নোংমদা মিল্লিয়ন ৩ হেন্না লানখ্রে। অদুবু মরক অসিদা মহাক্না ভেক্সিন অসিগী দোজশিং অসি মাংহল্লিবা অসি য়াম্না লুম্না লৌনবা খঙহল্লি। মহাক্না খঙহনখি মদুদি তেলঙ্গনা, আন্ধ্র প্রদেশ অমসুং উত্তর প্রদেশতা মাংহল্লিবা ভেক্সিন অসি চাদা ১০নি। মহাক্না হায়রিবা অসি য়াম্না অথুবা মতমদা থৌরাং অমা পায়খৎতুনা মাংহল্লিবা অসি হন্থনবা হায়খি।

প্রধান মন্ত্রীনা মখা তানা হায়খি মদুদি হায়রিবা মথক্কীশিং অসিগী লোয়ননা অহানবা ওইনা লায়না অসিবু ঙাকথোক্নবা উপায়দি মায়খুম উপ্পা, লাপ্না লৈনবা, লু-নান্না লৈবা অসিনচিংবা অসি ঙাক্না চৎনবা হায়খি। মহাক্না খোঙথাংশিং অসি চেকশিন্দবা তৌদনবা অমসুং হিরম অসিদা মীয়ামদা পাউজেল পীনবা কন্না তকশিনখি।  মহাক্না ভেক্সিনেসন সেন্তর মশীং য়ামখৎনবা অমসুং ভেক্সিন অসিগী অরোইবা মতম য়েংশিন্নবা হায়রি। ‘দৱাই ভী ঔর কদাই ভী’ হায়না প্রধান মন্ত্রীনা তকশিল্লি।

***



(Release ID: 1705565) Visitor Counter : 217