نئی دہلی 11 مارچ 2021: ثقافت اور سیاحت کے وزیر مملکت (آزاد چارج) جناب پرہلاد سنگھ پٹیل نے کہا ہے کہ وزیر اعظم جناب نریندر مودی کل احمد آباد میں آزادی کا امرت مہوتسو کا آغاز کریں گے اور سابرمتی آشرم سے پدیاترا کو روانہ کریں گے۔ آج یہاں ایک پریس کانفرنس سے خطاب کرتے ہوئے انھوں نے کہا کہ حکومت نے بھارت کی آزادی کے 75 سال مکمل ہونے کی یاد میں کئی پروگرام منعقد کرنے کا فیصلہ کیا ہے اور آزادی کا امرت مہوتسو 12 مارچ 2021 سے 15 اگست 2022 تک چلے گا۔ انھوں نے مطلع کیا کہ ریاستی سرکاریں اور مرکز کے زیر انتظام علاقے بھی 12 مارچ 2021 کو پروگراموں کا انعقاد کریں گے۔

وزیر موصوف نے کہا کہ مہاتما گاندھی نے 81 افراد کے ساتھ 12 مارچ سے 6 اپریل 1930 تک مشہور ڈانڈی پدیاترا کی تھی۔ کل وزیر اعظم جس پدیاترا کو روانہ کریں گے وہ احمد آباد میں سابرمتی آشرم سے نوساری میں ڈانڈی مقام تک کا 241 میل کا سفر طے کرے گی اور 5 اپریل 2021 کو 25 دن بعد اختتام پذیر ہوگی۔ پدیاترا میں 81 افراد حصہ لیں گے اور ڈانڈی کے ان کے راستے میں مختلف گروپ ان کے ساتھ چلیں گے۔

جناب پٹیل نے یہ بھی اعلان کیا کہ وہ پدیاترا کے 75 کلو میٹر کے پہلے مرحلے کی قیادت کریں گے ۔ جناب پٹیل نے کہا کہ حکومت نے آزادی کے 75 برس مکمل ہونے کی  یاد میں امرت مہوتسو منانے کا فیصلہ کیا ہے آنے والے 75 ہفتوں میں 15 اگست 2022 تک ہفتہ وار پروگرام منعقد کئے جائیں گے۔ انھوں نے کہا کہ ہر ہفتے ایک پروگرام ہوگا۔ اس مہوتسو میں تمام لوگوں کی شمولیت کو یقینی بنانے کے لئے ان کی دلچسپی کے متعددپروگراموں کا اہتمام کیا جائے گا جن میں ثقافت کی وزارت کا تعاون شامل ہوگا۔

Hon’ble Union MoS (IC) Ministry of Culture and Tourism Shri @prahladspatel briefed the press about Azadi ka #AmritMahotsav and discussed the modalities relating to the celebration which start from march 12th 2021. pic.twitter.com/9wvoMEnWmy

— Ministry of Culture (@MinOfCultureGoI) March 11, 2021

****

U.No. 2427

م ن۔ ر ف ۔س ا