ਕੇਂਦਰੀ ਸੱਭਿਆਚਾਰ ਤੇ ਸੈਰ ਸਪਾਟਾ ਰਾਜ ਮੰਤਰੀ (ਸੁਤੰਤਰ ਚਾਰਜ) ਸ਼੍ਰੀ ਪ੍ਰਹਲਾਦ ਸਿੰਘ ਪਟੇਲ ਸ਼ਾਨਦਾਰ "ਆਜ਼ਾਦੀ ਕਾ ਅੰਮ੍ਰਿਤ ਮਹਾਉਤਸਵ" (ਇੰਡੀਆ ਐਟ 75) ਦੀ ਸ਼ੁਰੂਆਤ ਮੌਕੇ 12 ਮਾਰਚ 2021 ਨੂੰ ਅਹਿਮਦਾਬਾਦ ਦੇ ਸਾਬਰਮਤੀ ਆਸ਼ਰਮ ਤੋਂ ਪਦ ਯਾਤਰਾ (ਆਜ਼ਾਦੀ ਮਾਰਚ) ਦੀ ਅਗਵਾਈ ਕਰਨਗੇ । ਇਹ ਪਦ ਯਾਤਰਾ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਹਰੀ ਝੰਡੀ ਦਿਖਾ ਕੇ ਸ਼ੁਰੂ ਕਰਨਗੇ । ਸ਼੍ਰੀ ਪਟੇਲ ਵੱਖ ਵੱਖ ਸੂਬਿਆਂ ਦੇ 81 ਸਮਾਜਿਕ ਕਾਰਜਕਰਤਾਵਾਂ ਨਾਲ ਗੁਜਰਾਤ ਦੇ ਨਾਡੀਆਡ ਤੱਕ 16 ਮਾਰਚ ਤੱਕ ਪਹਿਲੇ 75 ਕਿਲੋਮੀਟਰ ਲਈ ਅਗਵਾਈ ਕਰਨਗੇ । ਗਾਂਧੀ ਜੀ ਨੇ ਨਮਕ ਕਾਨੂੰਨਾਂ ਖਿਲਾਫ 81 ਪਦ ਯਾਤਰੀਆਂ ਨਾਲ ਸਾਬਰਮਤੀ ਆਸ਼ਰਮ ਤੋਂ ਡਾਂਡੀ ਮਾਰਚ 12 ਮਾਰਚ 1930 ਨੂੰ ਸ਼ੁਰੂ ਕੀਤਾ ਸੀ ।

आज़ादी के 75 वर्ष को #अमृतमहोत्सव #AmritMahotsav के रूप में मनाया जा रहा है।मा प्रधानमंत्री @narendramodi जी के मुख्य आतिथ्य में 12मार्च 2021 को साबरमती से इस महोत्सव का शंखनाद होगा ।प्रधानमंत्री के नेतृत्व में देश के 75 स्थानों पर आज़ादी के अमृत महोत्सव की शुरुआत होगी @PMOIndia

— Prahlad Singh Patel (@prahladspatel) March 10, 2021

ਇਸ ਪਦ ਯਾਤਰਾ ਦੌਰਾਨ ਸੱਭਿਆਚਾਰ ਮੰਤਰੀ ਪਦ ਯਾਤਰੀਆਂ ਨਾਲ ਰਸਤੇ ਵਿੱਚ ਰਾਤ ਪੈਣ ਸਮੇਂ ਉਸੇ ਥਾਂ ਤੇ ਹੀ ਠਹਿਰਣਗੇ ਅਤੇ ਪਦ ਯਾਤਰਾ ਅਗਲੇ ਦਿਨ ਉਸੇ ਥਾਂ ਤੋਂ ਸ਼ੁਰੂ ਹੋਵੇਗੀ । ਸ਼੍ਰੀ ਪਟੇਲ ਰਾਤ ਦੇ ਵਿਸ਼ਰਾਮ ਵਾਲੀ ਜਗ੍ਹਾ ਤੇ ਸਥਾਨਕ ਲੋਕਾਂ ਨੂੰ ਮਿਲਣਗੇ ਤੇ ਗੱਲਬਾਤ ਕਰਨਗੇ । 12 ਮਾਰਚ ਨੂੰ ਸਾਬਰਮਤੀ ਤੋਂ ਸ਼ੁਰੂ ਹੋਣ ਵਾਲਾ ਇਹ ਮਾਰਚ ਨਾਡੀਆਡ 16 ਮਾਰਚ ਨੂੰ ਪਹੁੰਚੇਗਾ । ਇਸੇ ਤਰ੍ਹਾਂ ਗੁਜਰਾਤ ਤੋਂ 81 ਨੌਜਵਾਨਾਂ ਦਾ ਇੱਕ ਗਰੁੱਪ ਸਾਬਰਮਤੀ ਤੋਂ 12 ਮਾਰਚ ਨੂੰ ਪਦ ਯਾਤਰਾ ਸ਼ੁਰੂ ਕਰੇਗਾ ਤੇ ਇਹ ਪਦ ਯਾਤਰੀ ਡਾਂਡੀ ਤੱਕ ਜਾਣਗੇ ।
 

ਐੱਨ ਬੀ / ਐੱਸ ਕੇ / ਓ ਏ