প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং স্বুইদেনগী প্রধান মন্ত্রী ঐচ.ই. শ্রী স্তেফেন লোফভেনগী মরক্তা ভর্চুএল সমিৎ
Posted On:
04 MAR 2021 6:28PM by PIB Imphal
প্রধান মন্ত্রী শ্রী নরেন্দ্র মোদীনা শ্বেদেন কিংদমগী প্রধান মন্ত্রী ঐচ.ই. শ্রী স্তেফান লোফভেনগা লোয়ননা ২০২১গী মার্চকী ৫দা ভর্চুএল ওইনা উন্নগনি।
হায়রিবা অসি ২০১৫গী হেক মতুংদা লুচিংবা অনি অসিগী মঙাশুবা উন্নবনি। প্রধান মন্ত্রী শ্রী নরেন্দ্র মোদীনা ২০১৮গী এপ্রিলদা ভারতকী অহানবা নোর্দিক সম্মিত্তা স্তোকহোল্মদা চৎখি। প্রধান মন্ত্রী ঐচ.ই. শ্রী স্তেফান লোফভেন্না ২০১৬গী ফেব্রুৱারীদা মরুওইবা মেক ইন ইন্দিয়া ৱীক্কীদমক ইন্দিয়াদা লাকখি।মমাংদা লুচিংবা অনি অসিনা ২০১৫গী সেপ্তেম্বরদা পাংথোকপা য়ু.এন. জেনেরেল এসেমব্লিগী মরক্তা থেংনখি। ২০২০গী এপ্রিলদা প্রধান মন্ত্রী অনিনা কোবিদ-১৯গী লায়চৎ অসিগী মতাংদা হেনগৎলক্লিবা ফিবম অসিদমক খন্ননবা তেলেফোন্দা ৱারী শান্নখি। মখা তানা, মখোয়গী মেজেস্তিশিং মদুদি কার্ল ১৬ গুস্তাফ অমসুং মহারানী সিলভিয়ানা ২০১৯গী দিসেম্বরদা ইন্দিয়াদা লাক্লমখি।
ভারত অমসুং শ্বেদেন অনিগী মরক্তা দেমোক্রেসি, নিংতম্বা, প্লুরালিজম মালেমগী ওইবা চৎনবা অসিদা য়াম্না ফবা মরী লৈনৈ। লৈবাক অনিনা ললোল ইতিক অমসুং ইনভেসমেন্ত, অনৌবা পুথোকপা, সাইন্স অমসুং তেক্নোলোজি লোয়ননা রিসর্স অমসুং দিবলপমেন্তদা য়াম্না নক্নবা মরী লৈনৈ। চাওরাক্না শ্বেদেনগী কম্পনি ২৫০রোম ইন্দিয়াগী মফম কয়া অমদা হায়বদি হকশেল অমসুং পুন্সিগী ওইবা সাইন্সশিং, ওতো ইন্দস্ত্রী, ক্লিন তেক্নোলোজি, দিফেন্স, হেভী মেচিনরি অমসুং মচাকশিং অসিদা মপুং ফানা থবক তৌরি। ভারতকী কম্পনি ৭৫ রোম শ্বেদেন্দশু মপুং ফানা থবক তৌরি।
উন্নবগী থৌরম অসিদা, লুচিংবা অনি অসিনা নাকন অনিগা মরীদা লৈরিবা পুম্বদা খুমাং চাওশিন্না ৱারী শান্নগনি অমসুং কোবিদ গী এরা মতুং অসিদা মফমগী ওইবা অমসুং মালেমগী ওইবা হিরম কয়াদা মখা তানা মপাঙ্গল কনখৎনবা মিয়েং থমগনি।
*****
(Release ID: 1702581)
Visitor Counter : 157
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam