তোল প্লাজা ৩৪৩ মনুং চন্দুনা মপুং ফানা শাবা লোইশিনখ্রবা কি.মি. ১৮,৬৬৮ শাংবা ৪/৬ লেন এন.ঐচ.গী রেতিং অদু রোদ ত্রান্সপোর্ত অমসুং হাইৱেজকী মন্ত্রালয়না থাদোরকখ্রে৷ মসিগী থবক অসি এন.ঐচ.এ.আই.না এম.ও.আর.তি.ঐচ.কী মখাদা পাংথোকখিবনি অমসুং মসিনা রোদ য়ুজরশিং অসিগীদমক মহাক্কী একাউন্তেবিলিতী অসি হেন্না ইমপ্রুব তৌনবা ইনিসিয়েতিব লৌখৎখ্রে৷ পব্লিক সর্ভিসেস্কী ক্বালিতী অসি হেন্না ফহন্নবগী মংলান অসিগা লোইননা মসিগী ইনিসিয়েতিব অসি লৌখৎখিবনি৷ হাইৱে য়ুজরশিং অসিগী মাইকৈদগী য়েংলগা হাইৱে রেতিংগী মরু ওইবা ওবজেক্তিব অদুদি “স্ত্রেস ফ্রী ওইবা এনবাইরোনমেন্তদা অতেনবা মতমদা মেক্সিমম সেফতী লৈহনবা” অসিনি৷

হাইৱেগী তোল প্লাজা খুদিংমক মরু ওইবা ক্রাইতরিয়া অহুমদা মখা পোল্লি, মখোয়শিং অদুদি ইফিসিয়েন্সী, সেফতী অমসুং য়ুজর সর্ভিসেস অসিনি৷ মসিগী ক্রাইতরিয়াশিং অসি মখাতানা পেরামিতর পুন্না ৩৯ থোক্না খায়দোকই, মসিগী মনুং চল্লিবশিং অদুদি এবেরেজ স্পিদ, রোদ কন্দিসন, পব্লিক্কী ফেসিলিতী খুদম ওইনা ভি.য়ু.পি./পি.য়ু.পি./এফ.ও.বি., সর্ভিস রোদ, এক্সিদেন্তশিং, ইন্সিদেন্ত রেস্পোন্স তাইম, ৱেসাইত এমিনিতীশিং, জেনেরেল ক্লিনিনেস অসিনচিংবনি৷ মসিগী ক্রাইতরিয়াশিং অসি এম.ও.আর.তি.ঐচ./জি.ও.আই.না ফাইনেল এপ্রুবেল পীদ্রিঙৈগী মমাংদা এন.ঐচ.এ.আই. অমসুং এম.ও.আর.তি.ঐচ.তা য়াম্না কুপথনা খন্ন-নৈনরবা মতুংদা মসিগী ক্রাইতরিয়া অসি শেমখিবনি৷ য়ুজরশিংগী মাইকৈদগী য়েংলগা হাইৱেশিংগী পর্ফোমেন্স লেপ্লিবা অসিগুম্বা ক্রাইতরিয়া অসি মমাংগী মতমদা মালেম অসিদা অমুক্তা ফাওবা শেমখিদ্রি৷

মন্ত্রালয় অসিনা লৈবাক অসিদা লৈরিবা তোল প্লাজাশিং য়েংশিনবা হৌখ্রে৷ মসিনা এনালাইতিক্স কয়া অমগা অমসুং দিসিজন থুনা লৌবা ঙম্বা আউতপুতশিং অসিগা লোইননা সেন্ত্রেল মোনিতরিং সিস্তেম শিজিন্নদুনা তোল প্লাজাশিং/সিতী রোদশিং/হাইৱেশিং অসিদা লৈরিবা ত্রাফিক কঞ্জেসন প্রোব্লেম অসি ইমপ্রুব তৌহনবদা মতেং ওইরগনি৷

হায়রিবা তেক্নোলোজীশিং অসি শিজিন্নদুনা লম্বী শেম্বদা অমসুং মেনেজমেন্তদা লৈরিবা লুকেনি অদু খন্দোকপা ঙমহল্লগনি হায়না রোদ ত্রান্সপোর্ত অমসুং হাইৱেজকী কেন্দ্রগী মন্ত্রীনা থৌরম অসিদা ফোংদোকখ্রে৷ মসিনা অরানবশিং অদু য়াম্না লাইনা অমসুং থুনা চুমথোকপা ঙম্লগনি হায়না মহাক্না ফোংদোকখ্রে৷

হন্দক্কী চহী অসিদা কি.মি. ১১,০৩৫ শাংবা এন.ঐচ. লম্বী শেম-শাবা লোইখ্রে, লম্বী শেম্বগী খোঙজেল অসি নোংমদা কি.মি. ৩৫গী চাং ওই হায়না মন্ত্রী অসিনা ফোংদোকখ্রে৷ চৎলিবা ফাইনান্সিয়েল চহী অসিগী লেমহৌরিবা থাশিং অসিদা লম্বী শেম-শাবগী খোঙজেল অসি হেনগৎহনদুনা নোংমদা কি.মি. ৪০গী চাংদা শেম-শাবা মন্ত্রী অসিনা পাম্লি৷

                                                                                     ******