সোসিয়েল জস্তিস অমসুং ইম্পৱার্মেন্ত মন্ত্রালয়
শ্রী থাৱরচন্দ গহলোদনা “সুম্যা ভারত এপ” অমসুং হেন্দবুক “এক্সেস – দি ফোতো দাইজেস্ত” ভর্চ্যুএল ওইনা হৌদোকখ্রে
Posted On:
02 MAR 2021 2:46PM by PIB Imphal
সোসিএল জস্তিস অমসুং এম্পাৱরমেন্তগী কেন্দ্রগী মন্ত্রী শ্রী থাৱরচন্দ গহলোদনা ঙসি নই দিল্লীদা ভিদিও কনফরেন্সকী খুত্থাংদা “সুগম্যা ভারত এপ” অমসুং “এক্সেস – দি ফোতো দাইজেস্ত” কৌবা হেন্দবুক অমা ভর্চ্যুএল ওইনা হৌদোকখ্রে। সোসিএল জস্তিস অমসুং এম্পাৱরমেন্তগী রাজ্যগী মন্ত্রী শ্রী রত্তন লাল কতারিয়া, দি.ই.পি.দবল্যু.দি.গী সেক্রেতরী শ্রীমতি শাকুন্তলা দি. গেমলিন অমসুং দি.ই.পি.দবল্যু.দি.গী জ.এস. শ্রীমতি তরিকা রোইসু শরুক য়াখ্রে। এপ অমসুং হেন্দবুক অসি সোসিএল জস্তিস অমসুং এম্পাৱরমেন্ত মন্ত্রালয়গী মখাদা দিপার্তমেন্ত ওফ এম্পাৱরমেন্ত ওফ পর্সন্স ৱিথ দিসএবিলিতীজ (দি.ই.পি.দবল্যু.দি)না দিবেলপ তৌখিবনি। মোবাইল এপ অসি এন্দ্রোইদ য়ুজরশিংনা প্লে স্তোরদগী দাউনলোদ তৌবা য়াগনি। এপ অসিগী আই.ও.এস. ভর্জন মার্চ ১৫, ২০২১দগী ফংলগনি।
থৌরম অসিদা ৱা ঙাংলদুনা শ্রী থাৱরচন্দ গহলোদনা হায় সুগম্যা ভারত এপ – ক্রাউদ সোর্সিং মোবাইল এপ্লিকেসন অসি এক্সেসিবল ইন্দিয়া কেম্পেনগী য়ুম্বী ৩ হায়বদি ভারত্তা এনভাইর্নমেন্ত, ত্রান্সপোর্তেসন সেক্তর অমসুং আই.সি.তি সেক্তর শেমগৎপা অসিগী মতাংদা ভাব তাহন্নবা অমসুং খুদোংচাবা ফংবা হেনগৎহন্নবা পাম্বৈ অমনি। এপ অসিনা মপুং ওইবা ফীচর মঙা ফংহল্লি, মসিগী মনুংদা ৪দি এক্সেসিবিলিতী হেনগৎহন্নবগা হকথেংননা মরী লৈনৈ অমরোমদা মঙাশুবা অসিনা মীমান্নদ্রবা মীওইশিংগী কোবিদকা মরী লৈনবা সমস্যাশিংগী খক্তা ওইবা অখন্নবা ফীচর অমনি। এক্সেসিবিলিতীগা মরী লৈনবা ফীচরশিং অদুদি: সুগম্যা ভারত অভিয়ানগী মপুং ওইবা য়ুম্বী ৩দা এক্সেসিবিলিতী ফংদবগী ৱাকৎশিং রেজিস্ত্রেসন তৌবা; জন-ভাগীধারী ওইনা মীয়াম্না পাউদম্লকপা মতৌ তম্বা য়াবা খুদমশিং অমসুং অফবা থৌওংশিংগী পোজিতিব ফীদবেক; বোভাগকী ওইবা অপদেৎশিং; অমসুং এক্সেসিবিলিতীগা মরী লৈনবা গাইদলাইনশিং অমসুং সর্ক্যুলরশিং।
মহাক্না হায় মীয়াম্না শরুক য়াদুনা এক্সেসিবিলিতী অসি পব্লিক দোমেন্দা থম্নবা প্রধান মন্ত্রীনা মীমান্নদ্রবশিং অমসুং অতোপ্পশিংনা এক্সেসিবিলিতীগা মরী লৈনবা সমস্যাশিং মায়োক্নবদা মদু জন-ভাগীরথিগী খুত্থাংদা ক্রাউদ সোর্স তৌনবা মোবাইল এপ্লিকেসন অমা পুথোকপা পামখি। এক্সেসিবিলিতীগী মথৌ তাবগী মতাংদা সেন্সিতাইজেসন অমসুং এৱের্নেস পীনবা অমসুং বিল্দ-অপ স্পেসশিং, ত্রান্সপোর্তেসন সেক্তর অমসুং অতোপ্পা সর্ভিসেস্তা ফংহনখিবা এক্সেসিবল ফীচরশিংদা মরু ওইবা অহোংবা পুরক্নবা ক্রাউদ সোর্সিং অসিনা হিরম অনিদা মথৌ তৌগনি।লৈবাক অসিগী এক্সেসিবিলিতীগা মরী লৈনবা থবক-থৌরমশিং ইমপ্লিমেন্তেসন অসিনা এক্সেসিবল ইন্দিয়া কেম্পেনগী মখাদা য়ুনিভর্সেল ওইনা এক্সেসিবল অমসুং ইনক্লুসিব ইন্দিয়া অমা শেম্নবা মঙলান অদুদা মতেং ওইরগনি।
শ্রী গহলোদনা হায় সুগম্যা ভারত এপ অসি মমিং, মোবাইল নম্বর অমসুং ইমেল আই.দি. ফিল্দ ৩ খক্তা মথৌ তারিবা অরায়বা রেজিস্ত্রেসনগী প্রোসেস ওইবা লায়না শিজিন্নবা য়াবা মোবাইল এপ অমনি। রেজিস্তর তৌরবা য়ুজরশিংনা এক্সেসিবিলিতীগা মরী লৈনবা সমস্যাশিং পুখৎপা য়াগনি। এপ অসি ইজী দ্রোপ-দাউন মেন্যুশিং, হিন্দী অমসুং ইংলিশতা ভিদিওশিং অসিগুম্বা মখল কয়াগী য়ুজর-ফ্রেন্দলী ওইবা ফীচরশিং ফংহনখি লোইননা রেজিস্ত্রেসন অমসুং ফোতোগ্রাফশিংগা লোইননা ৱাকৎশিং অপলোদ তৌবগী থৌওংশিং উৎনবা সাইন লেংগ্বেজ ইন্তরপ্রিতেসনসু হাপখ্রে। এপ অসি ময়েক্কী অপীকপা-অচাউবা শেম্বা য়াবা, মচু শেমদোক্নবগী ওপ্সন, তেক্স তু স্পীচ অমসুং হিন্দী অমসুং ইংলিশতা ইন্তিগ্রেতেদ স্ক্রীন রীদর অমা অসিগুম্বা ফীচরশিংগা লোইননা মীমান্নদ্রবা মীওইশিংনা লায়না শিজিন্নবা য়াহন্নবা শেমখি। মসি হিন্দী, ইংলিশ, মরাথি, তামিল, ওরিয়া, কন্নাদা, তেলিগু, গুজরাতি অমসুং মলয়ালম হায়রিবা রিজনেল লোল ১০দা ফংগনি। এপ অসিদা এক্সেসিবিলিতীগী ইন্তরবেন্সন মথৌ তাবা মফমগী ওইনা জিওতেগ্গিংগী ওপ্সনগা লোইননা লায়না ফোতো অপলোদ তৌনবা প্রোবিজনসু য়াওহনখি। এপ অসিদা রেজিস্ত্রেসন তৌবা মতমদা, চাং নাইনা স্তেতস অপদেৎশিং তৌবা লোইননা ৱাকৎশিং কোকহনবা অমসুং লোইশিনবা মতমদা য়ুজরশিংদা নোতিফিকেসনশিং থানবগী প্রোবিজন য়াওরি।
মহাক্না হায় “এক্সেস – দি ফোতো দাইজেস্ত” হায়না কৌবা হেন্দবুক অসি তোঙান তোঙানবা রাজ্যশিং অমসুং য়ু.তি.শিংদগী ফোতোগ্রাফশিংগী কল্লেক্সন অমনি। লাইরিক অসি তঙাই ফদবা ফীচর ১০গী এক্সেসিবিলিতীগী অমসুং লায়না খঙনবা অয়েকপা লাইগী মওংদা মরী লৈনবা অফবা-ফত্তবা থৌওংশিংগী মতাংদা খুৎলাই অমা ওইনা অমসুং স্তেকহোল্দরশিং ভাব তাহন্নবা ওইনা শেমখিবনি। হেন্দবুক অসিগী ইলেক্ত্রোনিক ভর্জনসু এপ অসিদা অমসুং বিভাগকী ৱেবসাইৎতা ফংলগনি।
মহাক্কী ৱারোলদা শ্রী রত্তন লাল কতারিয়ানা হায় সুগম্যা ভারত এপ অসি ভারত্তা পব্লিক ইনফ্রাস্ত্রকচর অমসুং সর্ভিসশিংগী এক্সেসিবিলিতী হেনগৎহনবদা মতেং পাংবা খুৎলাই অমা ওইবা খক্তা নত্তনা পুন্সিগী হিরম পুম্নমক্তা সুগম্যাতাগী মরু ওইবগী মতাংদা মীয়ামদা ভাব তাহন্নবা নদজ কেম্পেন অমসু ওইনা মথৌ তৌনবা শেমখি। মসিগী মোবাইল এপ অসি আর.পি.দবল্যু.দি. এক্ত ২০১৬গী সেক্সন ৪০-৪৬কী সেক্সনশিংদা পীরিবা এক্সেসিবিলিতী ফংনবা অমসুং মসি মাই পাক্নবা খোঙথাং অমনি।
শ্রীমতি শকুন্তলা দি. গেমলিন, সেক্রেতরী, দি.ই.পি.দবল্যু.দি.না মহাক্কী ৱারোলদা এপ অসি দিপার্তমেন্ত ওফ এম্পাৱরমেন্ত ওফ পর্সন্স ৱিথ দিসএবিলিতীজ (দি.ই.পি.দবল্যু.দি)গী মখাদা প্রোজেক্ত মোনিতরিং য়ুনিৎ (পি.এম.য়ু.) অমগী খুত্থাংদা য়েংশিনগনি হায়না ফোঙদোকখ্রে। পি.এম.য়ু.না এপ অসিগী খুত্থাংদা লাকপা ৱাকৎশিং মরী লৈনবা ওথোরিতীশিংদা ফোর্ৱার্দ তৌগনি। মসিদা রাজ্য সরকারগী বিল্দিংশিংগী ওইনা দিস্ত্রিক্ত মেজিস্ত্রেৎশিং/কল্লেক্তরশিং নত্ত্রগা মখোয়গী জুরিসদিক্সনগী মখাদা লৈবা প্রাইবেৎ ফোল্লিং য়াওনা অতোপ্পা বিল্দিং অমা হেক্তগী ওইনা অর্বান লোকেল বোদীজ (য়ু.এল.বি.)গী একজিক্যুতিব হেদশিং য়াওরি। কেন্দ্র সরকারগী মখাদা লৈবা মফমশিং নত্ত্রগা সর্ভিসশিংগা মরী লৈনবা এক্সেসিবিলিতীগী ৱাকৎশিং অসি মরী লৈনবা মন্ত্রালয়শিং/বিভাগশুংনা হিরম অসিগীদমক খনখিবা নোদেল ওফিসরশিংদা ফোরৱার্দ তৌগনি। করিগুম্বা ৱাকৎ অদুগী এক্সন লৌখৎতবা থোক্লবদি ৱাফম অদু মথক্তা লৈরিবা ওথোরিতীদা পুখৎকনি।
থৌরম অসিদা এক্সপর্তশিং; মমিং ওইনা পল্লবদা শ্রী প্রনাব সেদাই, ফাউন্দর, ভোইস ওফ স্পেসিএল্লী এবল্দ পীপল, য়ু.এস.এ.; শ্রী সন্তোশ কুমার রুঙ্গতা, জেনরেল সেক্রেতরী, নেস্নেল ফেদরেসন ওফ দি ব্লাইন্দ; শ্রী এস.এস. নরায়নন, প্রসিদেন্ত, নেস্নেল এসোসিএসন ওফ দেফ অমসুং শ্রী অর্মান অলি, একজিক্যুতিব দিরেক্তর, নেস্নেল সেন্তর ফোর প্রমোসন ওফ ইমপ্লোইমেন্ত ফোর দিসএবল্দ পীপল হায়রিবশিং অসিনা ভিদিও মেসেসশিংসু লান্থোকখ্রে। সুগম্যা ভারত এপ্তা মীমান্নদ্রবশিংগী ৱাখল্লোনশিংগী মতাংদসু ভিদিও অমসু উৎখ্রে।
*****
(Release ID: 1701965)
Visitor Counter : 161