লৌউ-শিংউ অমসুং লৌমীশিংগী য়াইফ-থৌরাংগী কেন্দ্রগী রাজ্য মন্ত্রী শ্রী পর্শোত্তম রুপালা অমসুং শ্রী কাইলাশ চৌধরীনা ‘ফোর্মেসন এন্দ প্রমোসন ওফ ১০,০০০ ফার্মর প্রদ্যুস ওর্গনাইজেসন্স (এফ.পি.ও.এস.)’ হায়না মীংথোনবা সেন্ত্রেল সেক্তর স্কীমগী অহানবা চহিগী কুমওন থৌরমদা সি.ই.ও.শিং, বোর্দ ওফ দিরেক্তরশুং, এফ.পি.ও.শিংগী একাউন্তেন্তশিংগীদমক দিজাইন অমসুং দিবেলপ তৌবা প্রোফেস্নেল ত্রেনিং প্রোগ্রামশিং হৌদোকখ্রে। স্কীম অসি বজেৎতরী প্রোবিজন লুপা করোর ৬৮৬৫গী প্রোবিজন অমগা লোইননা চিত্রাকুৎতা (উত্তর প্রদেশ) ২৯.০২.২০২০দা প্রধান মন্ত্রীনা হৌদোকখি। শ্রী রুপালানা কোর্পোরেৎ এফিয়র্স মন্ত্রালয়না পীবা রেজিস্ত্রেসন সর্তিফিকেৎশিং অনৌবা এফ.পি.ও.শিংদসু য়েন্থোকখ্রে।

স্কীম অসিদা মচাখাইনা শেমদোক্লবা ত্রেনিং স্ত্রকচরশিং লৈ অমসুং বেঙ্কর্স ইন্সতিত্যুত ওফ রুরেল দিবেলপমেন্ত (বি.আই,আর.দি), লখনৌ অমসুং লক্ষমনরাও ইনমদর নেস্নেল একাদেমী গোর কো-ওপরেতি রিসর্চ এন্দ দিবেলপমেন্ত (এল.আই.এন.এ.সি.), গুরুগ্রাম অসিগুম্বা ইন্সতিত্যুসনশিংবু এফ.পি.ও.শিংগী কেপাসিতী দিবেলপমেন্ত অমসুং ত্রেইং পীনবা মকোক থংবা ত্রেনিং ইন্সতিত্যুতশিং ওইনা হনখ্রে। এফ.পি.ও.শিং চাউখৎহন্নবা ত্রেনিং অমসুং স্কিল দিবেলপমেন্ত মোদ্যুলশিং দিবেলপ তৌখ্রে।

মীতিন অদুদা ৱা ঙাংলদুনা শ্রী রুপালানা হায় এফ.পি.ও.শিংনা লম এগ্রিগেৎ তৌদুনা হেন্না কনবা ওইহল্লগনি। মহাক্না হায় এফ.পি.ও.শিং শেম্বা অসি স্কীম অমা খক্তা নত্তে অদুবু মসিনা অনৌবা ভারত্তা ভারতকী লৌউ-শিংউগী অনৌবা দাইমেন্সনশিং পীনবা থৌরাং অমনি।

শ্রী চৌধরীনা স্কীম অসি রিভোল্যুস্নরী ওই অমসুং মসিনা লৌমীশিংগী পুন্সিদা অওনবা পুরক্কনি। মহাক্না ওফিসিএলশিংদা রিজনেল লোলশিংদা এফ.পি.ও.শিং শেম্বগী গাইদলাইনশিংগী পোক্কেৎবক অমা শেমদুনা লৌমীশিং মশিং কয়ানা মসিগী মরমদা হেন্না খঙহন্নবা পাউতাক পীখ্রে।

লৌউ-শিংউ অমসুং লৌমীশিংগী য়াইফ-থৌরাংগী সেক্রেতরী শ্রী সঞ্জে অগরৱালনা হায় ব্লোক অমমমদা এফ.পি.ও. অমা লৈহনফগদবনি মসিনা ইন্সতিত্যুস্নেল ইনফ্রাস্ত্রকচরগী কেতলিস্ত ওইনা মথৌ তৌগনি।

চৎলিবা চহি অসিদা এফ.পি.ও.শিং শেম্নবা এফ.পি.ও. প্রদ্যুস ক্লস্তর ২২০০ হেন্না এল্লোকেৎ তৌখি মসিগী মনুংদা ভেল্যু চেন দিবেলপমেন্ত লোইননা স্পেসিএলাইজ ওর্গানিক প্রদ্যুসকী এফ.পি.ও. ১০০, থাও শুনবা মরুশিংগী এফ.পি.ও. ১০০ অমসুং কম্মোদিতী-স্পেসিফিক এফ.পি.ও. ৫০ শেমগনি। এস.এফ.এ.সি., এন.এ.বি.এ.আর.দি. অমসুং এন.সি.দি.সি.গী মথক্তা এফ.পি.ও.শিং শেম্নবা অমসুং থৌগৎনবা অহেনবা ইমপ্লিমেন্তিং এজেন্সী ০৬ অয়াবা পীখ্রে।

ইমপ্লিমেন্তিং এজেন্সীশিং (আই.এ.শিং)না চহি ৫গী মতমগী ওইনা এফ.পি.ও. অমমমবু এগ্রিগেৎ, রেজিস্তর অমসুং প্রোফেস্নেল হেন্দহোল্দিং সপ্পোর্ত পীনবা ক্লস্তর-বেজ বিজিনেস ওর্গনাইজেসনশিং (সি.বি.বি.ও.শিং)গা থবক তৌমিন্নরি। সি.বি.বি.ও.শিংনা এফ.পি.ও. থৌগৎপগা মরী লৈনবা সমস্যা পুম্নমক্কী এন্দ তু এন্দ নোলেদজকী প্লেৎফোর্ম অমা ওইগনি। এফ.পি.ও.শিং হান্নদগী কাশ্মির, রাজস্থান, মহারাস্ত্র, মধ্য প্রদেশ, ওরিশা, বিহার, ৱেস্ত বেঙ্গল, উত্তর প্রদেশ, তামিল নাদু অমসুং অৱাং নোংপোক্কী অরুনাচল প্রদেশতা রেজিস্তর তৌখ্রে। অতোপ্পা রাজ্যশিংদা মসিগী থবক পাইখৎলি। রেজিস্তর তৌরবা এফ.পি.ও.শিংনা শেম, অলমোন্দ, খোহী, চা, নুং হৱাই, লশিং, নুং হৱাই, লিনসীদ, চু, মনা-মশিং অসিনচিংবগী ললোন-ইতিক তৌরি।

এফ.পি.ও.শিংদা চহি ০৩গী মতমগী ওইনা এফ.পি.ও. অমমমদা লুপা লাখ ১৮.০০ ফাওবগী শেলগী তেংবাং ফংহনগনি। মসিগী মথক্তা এফ.পি.ও. অমদা লুপা লাখ ১৫.০০গী লিমিৎকা লোইননা এফ.পি.ও.গী লৌমী মীহুৎ অমদা লুপা ২,০০০ ফাওবগী চান্নবা ইক্বিতী গ্রান্ত পীনবা অমসুং এফ.পি.ও.শিংদা ইন্সতিত্যুস্নেল ক্রেদিৎ একসেসিবিলিতী ফংহন্নবা ইলিজিবল ওইবা লেন্দিং ইন্সতিত্যুসনদগী এফ.পি.ও. অমদা লুপা করোর ২ ফাওবগী ও্রোজেক্ত লোনগী ক্রেদিৎ গরেন্তী ফেসিলিতী অমগী প্রোবিজন শেমখ্রে।

জাতিগী থাক্তা নেস্নেল প্রোজেক্ত মেনেজমেন্ত এজেন্সী (এন.পি.এম.এ.)না প্রোফেস্নেল ওর্গনাইজেসন অমা ওইনা প্রোজেক্তকী লমজিং-লমতাক্নবা, থবক তৌমিন্ননবা, এফ.পি.ও.শিংগা মরী লৈনবা ই-পাউ খোমজিন্নবা, এম.আই.এস. য়েংশিন্নবা অমসুং মোনিতর তৌনবা থবক তৌখি।

এফ.পি.ও.শিং অসি প্রদ্যুস ক্লস্তর ওইনা শেমগৎকনি, মসিদা হোর্তিকলচরগী পোত্থোকশিং অসি থাদুনা শেন্মীৎলোনশং হেনগৎহনগনি অমসুং মেম্বরশিংদা মার্কেৎ একসেস লৈহনগনি। “ৱন দিস্ত্রিক্ত ৱন প্রদক্ত” ক্লস্তরনা স্পেসিএলাইজেসন থৌগৎকনি অমসুং প্রোসেসিং, মার্কেতিং, ব্রান্দিং অমসুং এক্সপোর্ত হেনগৎহনগনি। মখা তানা এগ্রিকলচর ভেল্যু চেন ওর্গনাইজেসনশিংনা এফ.পি.ও.শিং শেম্লি অমসুং মেম্বরগী পোত্থোকশিংগী মার্কেৎ লিঙ্কেজ ৬০% ফংহল্লি।

এফ.পি.ও. ১০,০০০ শেম্বগী স্কীম অসিনা লৌমীশিংগী ফার্মগী থোঙ্গালদগী লৌমীশিংনা পোত্থোকশিং য়োনবা থৌগৎকনি অসুম্না লৌমীশিংগী শেন্থোক হেনগৎহনগনি। মসিনা সপ্লাই চেন তেনশিনহনগনি অমসুং অসুম তৌদুনা মার্কেতিংদা চংবা শেলসু হন্থহনদুনা লৌমীশিংদা শেন্থোক হেনগৎহল্লগনি। মসিনা ফার্মগী থোঙ্গালগী অনকপদা মার্কেতিং অমসুং ভেল্যু এদিসন ইনফ্রাস্ত্রকচরদা ইনবেস্তমেন্ত হেনগৎহন্দুনা খুঙ্গংগী নহারোলশিংদা থবক্কী খুদোংচাবশিং হেন্না ফংহনগনি।

*****