ঙসি নই দিল্লীদা পাঙথোকপা ৱেব ইভেন্ত অমদা ভারত সরকারনা পাঙথোকপা এন্যুএল ক্লিনিনেস সর্ভেগী তরুক শুবা ইদিসন স্বাচ্ছ সুর্বেক্ষন (এস.এস.) ২০২১গী ফিল্দ এসেসমেন্ত হাউসিং এন্দ হাউসিং এফিয়র্স মন্ত্রালয় (এম.ও.ঐচ.য়ু.এ.)গী সেক্রেতরী শ্রী দুর্গা শঙ্কর মিশ্রানা হৌদোকখ্রে। এস.এস. অসি প্রজা মীয়াম মশিং য়াম্না শরুক য়ান্নবা থৌগৎপগা লোইননা অর্বান সেনিতেসনগী ফীভম ফগৎহন্নবা সহরশিংদা থৌগৎনবা কম্পিতিতিব ফ্রেমৱার্ক অমা ওইনা এম.ও.ঐচ.য়ু.এ. ২০১৬দা হৌদোকখি।

ৱেবিনার অসিদা ৱা ঙাংলদুনা শ্রী মিশ্রানা হায়, “এস.এস.না ভারতকী সহরশিং অমসুং তাউনশিংগী মরক্তা অফবা মওংদা চাংদম্ননবা ৱাখল্লোন পোকহল্লি। ২০১৬দা মীশিং মিলিয়না হেন্না লৈবা সহর ৭৩ খক্তনা শরুক য়ারম্বদগী হৌখিবা খোঙচৎ অসি ২০১৭দা সহর ৪৩৪, ২০১৮দা সহর ৪,২০৩, ২০১৯দা সহর ৪,২৩৭ অমসুং এস.এস. ২০২০দা কন্তনমেন্ত বোর্দ ৬২ য়াওনা সহর ৪,২৪২ ওইনা শরক কয়া হেনগৎলকখি। সহরশিংনা চাং নাইনা এম.আই.এস.তা মখোয়গী দেতা মেল্লি, মখোয়গী থবক্কী অপদেৎ তৌরি লোইননা এস.এস. ২০২১গী শেম-শাবা ওইনা মখল কয়াগী সিতিজেন সেন্ত্রিক কেম্পেনশিং চল্লাইরি। ঙসি এসেসর ২,০০০ হেনবনা ফিল্দদা চৎতুনা সহরশিংগী পর্ফোর্মেন্স এসেস তৌনবা শেম শাদুনা সর্ভে অসি হৌনবীগী মতুং ইন্না হৌদোকপা অসিদা ঐখোয়না নুংঙাইবা পোকই”।

চহি খুদিংগী এস.এস.কী ওন-ফিল্দ এসেসমেন্ত জনুৱারী ৪-৩১গী মনুংদা পাঙথোকই। অদুম ওইনমক হায়রিবা অসি কোবিদ লাইচৎনা মরম ওইদুনা থা অনি থেংথখি অমসুং মসি হৌজিক মার্চ ১-২৮, ২০২১দা পাঙথোক্লগনি। স্বাচ্ছ সর্বেক্ষন ফ্রেমৱার্ক অসি হেন্না কান্নবা পুরক্নবা অনৌবা মওংদা চহি খুদিংদা অমুক হন্না দিজাইন তৌখি। মন্ত্রালয়না সেনিতেসন ভেল্যু চেনগী সস্তেনেবিলিতী লৈহন্নবা হোৎনরিবা অসি য়েংলগা এস.এস. ২০২১গী ইন্দিকেতরশিংনা ফীকেল স্লদজগা লোইননা ৱেস্তৱাতর ত্রীৎমেন্ত অমসুং অমুক হন্না শিজিন্নবা য়ান্নবগা মরী লৈনবা পেরামিতরশিংদা মীৎয়েং থম্লি। মসিগা চপ মান্না সর্বেক্ষনগী হন্দক্কী ইদিসন অসিদা লেগেসী ৱেস্ত মেনেজমেন্ত অমসুং লেন্দফিলশিংগী রিমেদিএসনগী মরু ওইবা সমস্যাশিং মাংদা পুখৎখি।

শ্রী মিশ্রানা এস.এস.না ‘জন অন্দোলন’গী তশেংবা ৱাখল্লোন্দা প্রজানা শরুক য়াহন্নবা খুৎলাই অমা ওইরক্লে হায়না ফোঙদোকখ্রে। হাবরিবা অসি মচা খাইনা ঙাংলদুনা শ্রী মিশ্রানা হায়, “ভোৎ ফোর য়োর সিতী এপ, স্বচ্ছতা এপ অমসুং স্বচ্ছ সুর্বেক্ষন পোর্তেল অমদি তোপ্পা মখল কয়াগী প্লেৎফোর্মশিংগী খুত্থাংদা প্রজা করোর ৩ হেনবদগী এস.এস. ২০২১না ফীদবেক ফংবা ঙমখিবদা ঐহাক্না নুংঙাইবা পোকই”। মন্ত্রীনা মখা তারদুনা সহরশিং অমসুং রাজ্যশিং রেঙ্ক পীবগী মথক্তা এস.এস.না জিলাশিং রেঙ্ক পীরগনি হায়না লাউথোকখ্রে (মখোয়গী সহরশিংগী পর্ফোর্মেন্সতা য়ুম্ফম ওইরগা)।

২০১৪দগী হৌদোকখিবদগী হৌদুনা স্বাচ্ছ ভারত মিসন-অর্বান (এস.বি.এম.-য়ু.) অসিনা সেনিতেসন অমসুং সোলিদ ৱেস্ত মেনেজমেন্ত লম অনিমক্তা চাউনা খুমাং চাউশিনখি। অর্বান য়ু.এল.বি. ৪২৬০ ও.দি.এফ. হায়না লাউথোকখি, সহর ২১৫৮ ও.দি.এফ.+ অমসুং সহর ৫৫১ ও.দি.এস. ++ সর্তিফাইদ তৌখি। মসিগী মথক্তা য়ুমথোং লাখ ৬৬কী অমাংশঙ অমসুং কম্ম্যুনিতী/পব্লিক তোইলেৎ লাখ ৬ হেন্না শাখ্রে/ নত্ত্রগা শারি। সহর ২৯০০+তা অমাংশঙ ৬০,০০০গী ময়াদা গুগল মেপশিংদা লাইফ ওইহনখ্রে। সোলিদ ৱেস্ত মেনেজমেন্তগী লমদা ৱার্দ ৯৭%দা য়ুমথোং ১০০%দা য়ুম-য়ুমদা চৎতুনা  খোমগৎখি অমরোমদা অপুনবা ৱেস্ত ৬৮% প্রোসেস তৌরি। গার্বেজ ফ্রী সিতীজকী স্তার রেতিং প্রোতোকলগী মখাদা পুন্না সহর তরুক ৫ স্তার সর্তিফাইদ তৌখি, ৮৬না ৩ স্তার অমসুং ৬৫না ১ স্তার সর্তিফাইদ তৌখি।

২০২১গী কেন্দ্রগী বজেৎতা চহি ৫গী মতমগী (২০২১-২৬)কী এস.বি.এম.-য়ু.গী অনিশুবা ফেস হন্দক্তা লাউথোকখি। মিসন অসিগী মথংগী ফেস অসিনা সিঙ্গল-য়ুজ প্লাস্তিক (এস.য়ু.পি.) শিজিন্নবা মপুং ফানা মুথৎপা ঙম্নবা, কনস্ত্রক্সন অমসুং দেমোলিসন ৱেস্ত মপুং ফানা মেনেজমেন্ত তৌবগী খুত্থাংদা এয়র পোলুসন হন্থহনবা অমসুং লেগেসী দম্পসাইৎশিংগী রিমেদিএসনগী খুত্থাংদা সোইল পোলুসন হন্থহন্নবা পান্দমদা হোলিস্তিক সোলিদ ৱেস্ত মেনেজমেন্ত লোইননা ফীকেল স্লদজ অমসুং ৱেস্তৱাতর মেনেজমেন্ত য়াওনা সস্তেনেবল সেনিতেসনগী হিদমশিংদা চাউনা মীৎয়েং থমগনি।

চাংনাইনা অপদেৎশিং লৌনবা, মসিদা ফোলো তৌবীয়ু:

ফেসবুক স্বচ্ছ ভারত মিসন –অর্বান | ত্বিত্তর - @SwachhBharatGov

ফেসবুক: স্বচ্ছ সুর্বেক্ষন ইন্দিয়া | ত্বিত্তর - @SwachhSurvekshan

ইনস্তাগ্রাম: স্বচ্ছ_সুর্বেক্ষন

***