খঙহৌদনা খঙদনা থোরকখিবা কোবিদ-১৯ লাইচৎ অসিনা হেল্থকিয়র সরক্তরদা খুদাংচাদবা কয়া থোকহনখি অমসুং সি.এস.আই.আর.গী কন্সতিত্যুন্ত লেবোরেতোরী কয়ানা প্রোসেস দিবেলপ তৌদুনা অমসুং ক্লিনিকেল ত্রাইএলশিং পাঙথোকপগী খুত্থাংদা ইন্দস্ত্রীগা লোইননা চুংশিন্নদুনা রিপর্পজ দ্রগশিং পুথোক্নবা লেপ্পা লৈতনা হোৎনরি। সি.এস.আই.আর.গী লেবশিং অসিনা ফেলুদা য়াওনা দিইগ্নোস্তিক কিৎশিং অমসুং সার্স-কোব-২ স্ক্রীনিংগী দ্রাই স্বাব দাইরেক্ত আর.তি.-পি.সি.আর. মেথদ লোঞ্চ তৌবদসু চাউনা মতেং পাংখি।

লৈবাক অসিদা ভারত বাইতেক ইন্তরনেস্নেল লিমিতেদ (বি.বি.আই.এল.)না কোবিদ-১৯গী ইন্দিজিনস ওইবা বেক্সিন, কোভাক্সিন™ দিবেলপ তৌবদা মাংজিল থারিবা অমা ওইরি। বি.বি.আই.এল.না দিবেলপ তৌবা বেক্সিন অসি য়াম্না প্যুরিফাইদ ওইবা, হোল বিরিওন, ইনএক্তিবেতদ সার্স-কোব২ অমনি। বেক্সিন অসি মথৌ তাবা ইম্ম্যুন রেস্পোন্সশিং পুথোক্নবা এলুমিনিয়ম হাইদ্রোক্সাইদ জেলদা কেমিসোর্বেদ তি.এল.আর.৭/৮ এগোনিস্ত য়াওবা অলগেল-আই.এম.দি.জি.গা লোইননা ফোর্ম্যুলেৎ তৌখি। বেক্সিন অমগী পর্ফোর্মেন্সতা তি.এল.আর.৭/৮ এগোনিস্ত মোলিক্যুলনা লৌরিবা মরু ওইবা থৌদাং অসিনা মরম ওইরগা হায়দ্রাবাদতা লৈবা ইন্দিয়ন ইন্সতিত্যুত ওফ কেমিকেল তেক্নোলোজী (আই.আই.সি.তি.), সি.এস.আই.আর.গী কন্সতিত্যুন্ত লেব অসিদা বি.বি.আই.এল.না অহোংবা মমল অমসুং প্যুরিতী ৱাংবা ইন্দিজিনস কেমিকেলশিং য়াওবা এগোনিস্ত মোলিক্যুলগী সিন্থেতিক রুৎ দিবেলপ তৌনবা হায়খি। মসিগী এগোনিস্ত মোলিক্যুল অসিনা বি.বি.আই.এল.না এদজুভেন্ত পুথোকপা হেনগৎহনখি।

প্রোজেক্ত অসু আই.আই.সি.তি.গী দিরেক্তর, দা. চন্দ্রসেখর অসুং মকোক থোংবা সাইন্তিস্ত দা. রাজী রেদ্দীনা লুচিংখি অমসুং রেকোর্দ ওইনা থা ৪গী মনুংদা লোইশিনখি। অমসুং মকোক থোংবা প্রিন্সিপল সাইন্তিস্ত অমসুং প্রোফেসর (এ.সি.সি.এস.আই.আর.) দা. মোহানা কৃষ্ণ মুদিয়মনা লুচিংবা সি.এস.আই.আর.-আই.আই.সি.তি. তীমনা তি.এল.আর.৭/৮ এগোনিস্ত মোলিক্যুলগী তেস্ত তৌনবা এনলাইতিকেল মেথদ অমসুং এন.এ.বি.এল. এক্রেদিতেদ লেবকী খুত্থাংদা মসিগী ভেলিদেসন প্রোসিজরশিং দিবেলপ তৌবদা মরু ওইবা থৌদাং অমা লৌখি।

নোবেল এগোনিস্ত অসি দিবেলপ তৌবদা সি.এস.আই.আর.-আই.আই.সি.তি.না পাঙথোকখিবা থবক অদুবু শকখঙবা ওইনা ভারত বাওতেককী চিয়রমেন অমসুং মেনেজিং দিরেক্তর দা, কৃষ্ণ ইল্লানা হায়, “সি.এস.আই.আর.-আই.আই.সি.তি.না এগোনিস্ত মোলিক্যুলগী দিবেলপ তৌখিবা প্রোসেস তেক্নোলোজী অসিনা কোভাক্সিন™গী এদজুভেন্ত পুথোকপদা মরু ওইবা থৌদাং অমা লৌরি।” সি.এস.আই.আর.গী দি.জি. অমসুং দি.এস.আই.আর.গী সেক্রেতরী, দা. শেখর মান্দেনা সি.এস.আই.আর.-আই.আই.সি.তি. তীমনা মতাং চানা থোরক্তুনা রেকোর্দ ওইনা অতেনবা মতমগী মনুংদা প্রোসেস অসি হোংনা অমসুং এগোনিস্ত মোলিক্যুল দিবেলপ তৌবা ঙমহনবা অসিগীদমক থাগৎখ্রে অমসুং মহাক্না হায় মসি সি.এস.আই.আর.শিংনা ‘আত্মানির্ভর ভারত’কী মাইকৈদা চংশিনবগী অতোপ্পা খুদম অমনি।

*****