ਕਾਰਪੋਰੇਟ ਮਾਮਲੇ ਮੰਤਰਾਲਾ ਅਤੇ ਵਿੱਤ ਮੰਤਰਾਲੇ ਦੇ ਸੈਂਟਰਲ ਬੋਰਡ ਆਫ਼ ਇਨਡਾਇਰੈਕਟ ਟੈਕਸੇਜ਼ ਐਂਡ ਕਸਟਮਜ਼ —ਦੋਹਾਂ ਸੰਸਥਾਵਾਂ ਨੇ ਡਾਟਾ ਅਦਾਨ ਪ੍ਰਦਾਨ ਕਰਨ ਲਈ ਇੱਕ ਸਮਝੌਤੇ ਤੇ ਦਸਤਖ਼ਤ ਕੀਤੇ ਹਨ । ਐੱਮ ਸੀ ਏ ਦੇ ਸੰਯੁਕਤ ਸਕੱਤਰ ਸ਼੍ਰੀ ਮਨੋਜ ਪਾਂਡੇ ਅਤੇ ਸੀ ਬੀ ਆਈ ਸੀ ਦੇ ਏ ਡੀ ਜੀ ਸ਼੍ਰੀ ਬੀ ਬੀ ਗੁਪਤਾ ਨੇ ਐੱਮ ਸੀ ਏ ਦੇ ਸਕੱਤਰ ਸ਼੍ਰੀ ਰਾਜੇਸ਼ ਵਰਮਾ ਅਤੇ ਸੀ ਬੀ ਆਈ ਸੀ ਦੇ ਚੇਅਰਮੈਨ ਸ਼੍ਰੀ ਐੱਮ ਅਜੀਤ ਕੁਮਾਰ ਦੀ ਹਾਜ਼ਰੀ ਵਿੱਚ ਸਮਝੌਤੇ ਤੇ ਦਸਤਖ਼ਤ ਕੀਤੇ ਹਨ ।


 

ਇਹ ਸਮਝੌਤਾ ਐੱਮ ਸੀ ਏ ਅਤੇ ਸੀ ਬੀ ਆਈ ਸੀ ਦੀ ਦ੍ਰਿਸ਼ਟੀ ਨਾਲ ਮੇਲ ਖਾਂਦਾ ਹੈ , ਜੋ ਡਾਟਾ ਸਮਰੱਥਾਵਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਲਈ ਸੁਨਿਸ਼ਚਿਤ ਕਰਦਾ ਹੈ । ਦੋਹਾਂ ਸੰਸਥਾਵਾਂ ਨੂੰ ਇੱਕ ਦੂਜੇ ਦੇ ਡਾਟਾ ਬੇਸ ਤੱਕ ਪਹੁੰਚ ਨਾਲ ਲਾਭ ਮਿਲਣ ਜਾ ਰਿਹਾ ਹੈ । ਦੋਵੇਂ ਸੰਸਥਾਵਾਂ ਦੇਸ਼ ਵਿੱਚ ਪੰਜੀਕ੍ਰਿਤ ਕੰਪਨੀਆਂ ਦੀਆਂ ਦਰਾਮਦ — ਬਰਾਮਦ ਲੈਣ ਦੇਣ ਦੇ ਵਿਸਥਾਰ ਅਤੇ ਵਿੱਤੀ ਸਟੇਟਮੈਂਟਸ ਦੀ ਜਾਣਕਾਰੀ ਪ੍ਰਾਪਤ ਕਰ ਸਕਣਗੀਆਂ । ਐੱਮ ਸੀ ਏ 21 ਵਰਜ਼ਨ 3 ਦੇ ਵਿਕਾਸ ਦੀ ਰੌਸ਼ਨੀ ਵਿੱਚ ਇਹ ਡਾਟਾ ਸਾਂਝਾ ਕਰਨ ਵਾਲਾ ਪ੍ਰਬੰਧ ਹੋਰ ਮਹੱਤਵਪੂਰਨ ਹੋ ਜਾਂਦਾ ਹੈ , ਕਿਉਂਕਿ ਐੱਮ ਸੀ ਏ 21 ਵਰਜ਼ਨ 3 ਦੇਸ਼ ਵਿੱਚ ਈਜ਼ ਆਫ਼ ਡੂਇੰਗ ਬਿਜ਼ਨਸ ਨੂੰ ਵਧਾਉਣ ਲਈ ਅੱਤਿ ਆਧੁਨਿਕ ਤਕਨਾਲੋਜੀ ਦੀ ਵਰਤੋਂ ਕਰੇਗਾ । ਇਸ ਨਾਲ ਨਿਯੰਤਰਣ ਵਿੱਚ ਵੀ ਸੁਧਾਰ ਹੋਵੇਗਾ ਅਤੇ ਇਸੇ ਤਰ੍ਹਾਂ ਦੇ ਕਦਮ ਸੀ ਬੀ ਆਈ ਸੀ ਚੁੱਕ ਰਿਹਾ ਹੈ , ਜਿਵੇਂ ਉਸਨੇ ਏ ਡੀ ਵੀ ਏ ਆਈ ਟੀ ਲਾਂਚ ਕੀਤਾ ਹੈ । ਏ ਡੀ ਵੀ ਏ ਆਈ ਟੀ (ਅਡਵਾਂਸਡ ਵਿਸ਼ਲੇਸ਼ਕ ਇਨ ਇਨਡਾਇਰੈਕਟ ਟੈਕਸਸ) ਇੱਕ 360 ਡਿਗਰੀ ਕਰ ਦਾਤਾ ਬਾਰੇ ਜਾਣਨ ਲਈ ਇੱਕ ਸਾਧਨ ਹੈ । ਇਸ ਨੂੰ ਪ੍ਰਾਪਤ ਕਰਨ ਲਈ ਏ ਆਈ / ਐੱਮ ਐੱਲ /  ਡਾਟਾ ਵਿਸ਼ਲੇਸ਼ਕ ਇੱਕ ਮਹੱਤਵਪੂਰਨ ਭੂਮਿਕਾ ਨਿਭਾਉਣਗੇ । ਇਹ ਸਮਝੌਤਾ ਐੱਮ ਸੀ ਏ ਤੇ ਸੀ ਬੀ ਆਈ ਸੀ ਵਿਚਾਲੇ ਆਟੋਮੈਟਿਕ ਅਤੇ ਰੋਜ਼ਾਨਾ ਅਧਾਰ ਤੇ ਡਾਟਾ ਅਤੇ ਜਾਣਕਾਰੀ ਸਾਂਝੀ ਕਰਨ ਦੀ ਸਹੂਲਤ ਦੇਵੇਗਾ । ਇਹ ਵਿਸ਼ੇਸ਼ ਜਾਣਕਾਰੀ ਜਿਵੇਂ ਬਿੱਲ ਦਾਖ਼ਲਾ ਵਿਸਥਾਰ (ਦਰਾਮਦ) , ਸਿ਼ਪਿੰਗ ਬਿੱਲ (ਬਰਾਮਦ) ਸੀ ਬੀ ਆਈ ਸੀ ਤੋਂ ਸੰਖੇਪ ਜਾਣਕਾਰੀ ਅਤੇ ਕਾਰਪੋਰੇਟਸ ਵੱਲੋਂ ਰਜਿਸਟਰਾਰ ਕੋਲ ਦਾਇਰ ਕੀਤੇ ਵਿੱਤੀ ਬਿਆਨਾਂ ਅਤੇ ਸ਼ੇਅਰਜ਼ ਅਲਾਟਮੈਂਟ ਦੀ ਰਿਟਰਨਸ ਨੂੰ ਸਾਂਝਾ ਕਰਨਯੋਗ ਬਣਾਏਗਾ । ਡਾਟੇ ਦੇ ਰੋਜ਼ਾਨਾ ਅਦਾਨ ਪ੍ਰਦਾਨ ਤੋਂ ਇਲਾਵਾ ਐੱਮ ਸੀ ਏ ਅਤੇ ਸੀ ਬੀ ਆਈ ਸੀ ਜਾਂਚ ਪੜਤਾਲ , ਨਿਰੀਖਣ ਅਤੇ ਜਾਂਚ ਅਤੇ ਮੁਕੱਦਮਾ ਚਲਾਉਣ ਦੇ ਆਦੇਸ਼ ਨਾਲ ਆਪੋ ਆਪਣੇ ਡਾਟਾ ਬੇਸਾਂ ਵਿੱਚ ਉਪਲਬਧ ਕੋਈ ਵੀ ਜਾਣਕਾਰੀ ਬੇਨਤੀ ਕਰਨ ਤੇ ਇੱਕ ਦੂਜੇ ਨਾਲ ਸਾਂਝਾ ਕਰਨਗੇ ।

ਤਕਨਾਲੋਜੀ ਅਤੇ ਡਾਟਾ ਸਰਕਾਰ ਦੇ ਘੱਟੋ ਘੱਟੋ ਸਰਕਾਰ ਤੇ ਵੱਧ ਤੋਂ ਵੱਧ ਗਵਰਨੈਂਸ ਦੀ ਦ੍ਰਿਸ਼ਟੀ ਨੂੰ ਪੂਰਾ ਕਰਕੇ ਅੱਗੇ ਵਧਣ ਲਈ ਇੱਕ ਮਹੱਤਵਪੂਰਨ ਭੂਮਿਕਾ ਨਿਭਾਉਣਗੇ । ਦੋਨੋਂ ਐੱਮ ਸੀ ਏ ਅਤੇ ਸੀ ਬੀ ਆਈ ਸੀ ਇਸ ਦ੍ਰਿਸ਼ਟੀ ਨੂੰ ਪੂਰਾ ਕਰਨ ਲਈ ਪੂਰੀ ਤਰ੍ਹਾਂ ਸਮਰੱਥ ਹਨ । ਇਹ ਸਮਝੌਤਾ ਦਸਤਖ਼ਤ ਕਰਨ ਵਾਲੀ ਤਰੀਕ ਤੋਂ ਲਾਗੂ ਹੋਵੇਗਾ ਅਤੇ ਐੱਮ ਸੀ ਏ ਅਤੇ ਸੀ ਬੀ ਆਈ ਸੀ ਦੀ ਚਾਲੂ ਪਹਿਲਕਦਮੀ ਹੈ । ਇਹ ਦੋਨੋਂ ਪਹਿਲਾਂ ਹੀ ਵੱਖ ਵੱਖ ਮੌਜੂਦਾ ਢੰਗ ਤਰੀਕਿਆਂ ਨਾਲ ਇੱਕ ਦੂਜੇ ਨਾਲ ਸਹਿਯੋਗ ਕਰ ਰਹੇ ਹਨ । ਪਹਿਲ ਲਈ ਇੱਕ ਡਾਟਾ ਐਕਸਚੇਂਜ ਸਟੀਅਰਿੰਗ ਗਰੁੱਪ ਵੀ ਗਠਿਤ ਕੀਤਾ ਗਿਆ ਹੈ , ਜੋ ਸਮੇਂ ਸਮੇਂ ਤੇ ਅਦਾਨ ਪ੍ਰਦਾਨ ਡਾਟੇ ਦੀ ਸਥਿਤੀ ਦੀ ਸਮੀਖਿਆ ਕਰੇਗਾ ਅਤੇ ਡਾਟਾ ਸਾਂਝਾ ਕਰਨ ਦੇ ਢੰਗ ਤਰੀਕੇ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਹੋਰ ਸੁਧਾਰਨ ਲਈ ਕਦਮ ਚੁੱਕੇਗਾ ।

ਇਹ ਸਮਝੌਤਾ ਦੋਵਾਂ ਸੰਸਥਾਵਾਂ ਦਰਮਿਆਨ ਸਹਿਯੋਗ ਤੇ ਸਹਿਕਾਰਤਾ ਦੇ ਨਵੇਂ ਯੁੱਗ ਦੀ ਸ਼ੁਰੂਆਤ ਹੈ ।

ਆਰ ਐੱਮ / ਕੇ ਐੱਮ ਐੱਨ