পেত্রোলিয়ন অমসুং নেচরেল গ্যাস এন্স স্তেলগী মন্ত্রী শ্রী ধর্মেন্দ্র প্রধান্না মেতল্স অমসুং মাইনিং সেক্তরনা আত্মানির্ভর ভারত অমা ওইহন্নবা হোৎনবদা মরু ওইবা থৌদাং লৌবা ঙমগনি হায়না ঙসি ফোঙদোকখ্রে। ৫৮শুবা জাতিগী মেতল্লর্জিস্তশিংগী নুমিৎ অমসুং ইন্দিয়ন ইন্সতিত্যুত ওফ মেতল্স (আই.আই.এম.)গী ৭৪শুবা এন্যুএল তেক্নিকেল মীফমদা ৱা ঙাংবদা মহাক্না হায় মসি আশা লৈবা অমসুং চাউখৎলক্লিবা সেক্তর অমনি অমসুং মসিনা সেক্তর অসিদা খক্তা নত্তনা শেন্মীৎলোনগী ওইনসু মতিক-ময়াই চাউনা লৈ অমসুং চাউখৎহনবা ঙমগনি।

আত্মানির্ভর ভারতকী মতাংদা ৱা ঙাংলদুনা মহাক্না হায় মসিনা তোখাই তাবা ভারত অমা হায়বা নত্তে। আত্মানির্ভর ভারতনা অচৌবা, আশানা থনবা ভারত ওইথোকহনবা পাম্মি, মসিনা ভারতকী মথৌ তাবশিং থুংহনবা খক্তা নত্তনা ৱসুধৈৱ কুতুম্বকমগী অশেংবা ৱাখল্লোন ওইরিবা মালেম মীয়ামগী ওইনা অনীংবশিং থুংহনবা হায়বা অসিসু থুংহনগনি। মহাক্না হায় ইকাই খুম্নরবা প্রধান মন্ত্রীনা শ্রী নরেন্দ্র মোদিনা ভারতকী দেমোক্রেসীগী লাইশঙদগী লন শেমগৎলিবশিংগী মরু ওইবা অদুগী মতাংদা ৱা ঙাংখি। “করিগুম্বা ইন্দস্ত্রী, সরকার অমসুং একাদেমিয়ানা পুন্না ঐখোয়গী খুন্নাই অমসুং লৈবাক অসি চাউখৎহন্নবগীদমক পুন্না হোৎনবা তারবদু ঐখোয়না শোইদনা আত্মানির্ভর ভারতকী মঙলান অসি মঙ ফাওনবা ঙমগনি।”

শ্রী প্রধান্না হায় সরকারনা স্পেসিএল্তী স্তীলগীদমক প্রদক্সন লিঙ্ক স্কীম (পি.এল.আই.) লাউথোকখ্রে অমসুং মসি ইন্দিজিনস প্রদক্সন হেনগৎহন্নবা সেক্তর অসিগী অচৌবা রিফোর্ম অমনি। ইন্দস্ত্রীদা অনৌবা থৌরাং অসিগী খুদোংচাবা মপুং ফানা লৌনবা বর্তন তৌরদুন মন্ত্রীনা লৈবাক অসিদা অনৌবা মেন্যুফেকচরিংগী ইকোসিস্তেম অমা শেমগৎনবা অপাম্বা ফোঙদোকখ্রে।

মন্ত্রীনা হায় লৈবাক অসিদা মিনরেল রিসোর্সেস য়াম্না লৈ। সরকারনা লৈবাক অসিদা লৈরিবা নেচরেল রিসোর্সশিং অসি প্রজাশিংগীনি হায়বা ময়েক শেংনা খংঙি। “মসিনা মরম ওইরগা ঐখোয়না নেচরেল রিসোর্সশিং এল্লোকেসন তৌবগী মনুং-মপান ফাউবা উবা, মপুং ফানা থৌদাং লৌবা ঙম্বা মেকানিজম অমা শিজিন্নখি।”

শ্রী প্রধান্না হায় কোবিদ-১৯ লাইচৎতগী ফগৎলকপা অসি ঐখোয়না তপ্না-তপ্না হেন্না খুদোংচারবা পুংফমশিং তম্না চংশিল্লি। হৌখিবা চহি অসি ঐখোয়না অখাং কনবা অমসুং লৈবাক অসিনা পুন্না হোৎনদুনা করি তৌবা ঙম্বগে হায়বগী চাংয়েং অমনি। মহাক্না হায় লাইচৎ অসি লাকশিনবদা অমসুং লায়রবশিংগী য়াইফনবা হোৎনবা অসিদা ইকাই খুম্নরবা প্রধান মন্ত্রীনা আত্মানির্ভর ভারত অমা শেমগৎনবগী অপাম্বা ফোঙদোকখি।

২০২১গী বজেৎ অসি অমুক্তা থোকখিদ্রিবা, খুমাং চাউশিনবা অমসুং গ্রোথ লৈহনগদবা অমনি হায়না ফোঙদোক্লদুনা শ্রী প্রধান্না হায় মসিনা মমাংদা অমুক ওইখিদ্রিবা মওংদা তুংলমচৎকী ইনফ্রাস্ত্রকচর শেমগৎপদা মীৎয়েং থমখি। মহাক্না হায় মসিনা শোইদনা স্তীলগী দিমেন্দ হেনগৎহল্লগনি। মেতলশিংগী দিমান্দ হেনগৎহনবগী মতিক-য়াই চেল্লিবা তেলৱেজ, রোদৱেজ অমসুং পেত্রোলিয়ম অমসুং নেচরেল গ্যাস অসিগুম্বা মরু ওইবা সেক্তরশিংদা ইনবেস্তমেন্তশিং তৌবা অসি চাউনা হেনগৎপা উবা ফংলে।

মন্ত্রীনা হায় মরু ওইনা মথৌ তারিবশুং অসি ইন্দিজিনস ওইনা থুংহন্নবা অমসুং এক্সপোর্তকী লম অসি চাউথোক্নবা এদভান্স স্তীলশিং অমসুং এল্লোইশিংগী লমশিংদা ইনতেলচ্যুএল প্রোপর্তী অমসুং তেক্নোলোজী দিবেলপ তৌবা মথৌ তাই। মহাক্না হায় ইনতেকচ্যুএল প্রোপর্তী অমসুং তেক্নোলোজীশিং শেমগৎপদা আর এন্দ দি ইস্তাব্লিশমেন্তশিং অমসুং একাদেমিক ইন্সতিত্যুতশিংগী থৌদাং মরু ওই। “ঐখোয়না স্তীল সেক্তরদা মেতল্লর্জিকেল ইঞ্জিনীয়রিং অমসুং হ্যুমেন রিসোর্সেস দিবেলপ তৌনবা মালেমগী থাক্কী ফেসিলিতী লৈহন্নবসু থবক পাইখৎলি। আই.আই.তি.শিংদা সেন্তর্স ওফ এক্সিলেন্স লিংখৎনবা অয়াবা পীখ্রে। আইরন অমসুং স্তীল সেক্তরদা জাতিগী মরু ওইবা পুন্না চুংশিন্নবা রিসর্চ প্রোজেক্তশিং থৌগৎনবা স্তীল রিসর্চ এন্দ তেক্নোলোজী মিসন ওফ ইন্দিয়া লিংখৎখ্রে।”

আই.আই.এম.দা মাগী চহি ৭০শুবগী কুমওন অসিগীদমক নুংঙাইবা ফোঙদোক্লদুনা মন্ত্রীনা হায় ভারতনা নীংখা-তমদ্রিঙৈ মমাং, ১৯৪৬তা লিংখৎখিবা ইন্সতিত্যুত অমা হৌজিকসু মতিক-মঙাল লৈনা লৈরিবা অমসুং লৈবাক অসিগী চাউখৎ-থৌরাংদা শরুক তম্লিবা অসি য়াম্না চাউথোকচনিংঙাই ওই। মহাক্না হায় ইন্দস্ত্রী, একাদেমিয়া অমসুং আর এন্দ দি হায়রিবা অসিগী য়ুম্বী অহুমগী মরক্তা কোল্লাবোরেসন, পার্তনরশিপ অমসুং সীনর্জীগী মরক্তা অফবা মরী অমা শেমগৎতুনা আই.আই.এম.না ভারতকী মেতল্লর্জীগী খোঙচৎতা মরু ওইবা থৌদাং অমা লৌখি অমসুং লৈবাক অসি শেমগৎপদা চাউনা মতেং পাংখি। মহাক্না আই.আই.এম.না তেক্নিকেলগী ওইবা অচুম্বা ফীরেপ লৌবদা, ইন্নোবেসন পুথোকপদা, স্তীল ইন্দস্ত্রীদা স্কিল লৈবা মেনপাৱর হেনগৎহনবদা মরু ওইবা থৌদাং অমা লৌনবা অপাম্বা ফোঙদোকখ্রে। মহাক্না হৌজিক লৈরিবা ইন্দিজিনাইজেসন অমসুং ইন্নোবেসনগী লালোং অসি ফগৎহনদুনা “আত্মানির্ভর ভারত”তা মতেং চাউনা পাংবা হেনগৎনবা ফোঙদোকখ্রে।

*****