ঙসি তোঙান তোঙানবা মফমশিংদা মশক নাইরবা মীওইশিংনা শরুক য়াদুনা পাংথোক্লিবা থৌরমশিং অসিদা রেলৱেজ, কম্মর্জ অমসুং ইন্দস্ত্রী অমসুং কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী কেন্দ্রগী মন্ত্রী শ্রী পিয়ুশ গোয়লনা ভিদিও কনফরেন্সিংগী খুৎথাংদা তোঙান তোঙানবা ইনফ্রাস্ত্রকচর দিভেলপমেন্ত অমসুং পেসেঞ্জর এমিনিতীশিং অসিগা মরী লৈনবা থবকশিং অৱাং থংবা বেঙ্গলগী শরুক্তা শাদুনা লৈবাক অসিদা কৎখ্রে৷ ভারত সরকারগী ৱুমেন অমসুং চাইল্দ দিভেলপমেন্তগী ইকাই খুম্নরবা রাজ্যগী মন্ত্রী শ্রীমতি দেবশ্রী চৌধুরিনা তোঙান তোঙানবা মফমশিংদা পাংথোক্লিবা থৌরম অসিদা মশক নাইরবা মীওইশিংগা লোইননা মহাকসু শরুক য়াখি৷

থৌরম অসিদা ৱা ঙাংলদুনা শ্রী পিয়ুশ গোয়লনা অসুম্না ফোংদোকখ্রে, “কা হেন্না নিংথীবা মওং অমদা রেলৱেনা লৈবাক অসিগী থবক তৌরি৷  সোনর বঙ্গলাগী মিসন অসিদা চাওনা শরুক য়ানবা রেলৱেজনা হোৎনখ্রে৷ ৱেস্ত বেঙ্গলদা চহী ৩গী মনুংদা রেলৱেজ মপুং ফানা ইলেক্ত্রিফাইদ তৌরগনি অমসুং হৌজিক চত্থরিবা প্রোজেক্ত পুম্নমক হেক য়ারিবমখৈ থুনা লোইশিল্লগনি৷”

ঙসি হাংদোকখিবা কি.মি. ১২৬ রুত শাংবা ন্যু জলপাইগুরিদগী ন্যু কুচবেহর ফাওবা শাংলিবা অনৌবা ইলেক্ত্রিফাইদ সেক্সন অসি ইন্দিয়ন রেলৱেজ নেতৱার্ক ১০০% ইলেক্ত্রিফিকেসন তৌনবা হৌজিক চত্থরিবা রেলৱে ইলেক্ত্রিফিকেসন অসিগী শরুক অমনি৷ মসিগী সেক্সন অসি অৱাং নোংপোক থংবা মাইকৈরোমদা ত্রেন চেন্থোক চেঞ্জিন তৌবা মতমদা য়াম্না মরু ওই৷

বঙ্গলাদেশকী ঙমখৈদা লৈরিবা হাল্দিবরি স্তেসন অসি মতুং তারকপা মতমদা মফমশিং অসিদা শেল-থুমগী ফিভম চাওখৎহন্নবগী তঙাই ফদবা অসি য়েংলগা শাখিবনি৷ নৌনা শারিবা স্তেসন অসিদা কোচ কেপাসিতী ২৬ অমসুং গুদস লাইন ২গা লোইননা পেসেঞ্জর প্লেতফোর্ম ৩ লৈ৷ হাল্দিবরিদা শারিবা অনৌবা স্তেসন অমসুং অতোপ্পা থবকশিং খুদম ওইনা অনৌবা সর্কুলেতিং এরিয়া শারিবা, রন্নিং রুমশিং, সিগ্নেলিং সিস্তেম অসি চাওরাক্না লুপা কোতি ৮২.৭২. চংনা শাখিবনি৷ হাল্দিবরি অমসুং জলপাইগুরি স্তেসনশিং অসিদসু ইলেক্ত্রোনিক ইন্তরলোক্কিং লৈহনখ্রে, মসিনা সেক্সন অসিদা ত্রেন ওপরেসনশিং তেক্ত কাইদনা চলাইবা য়ারগনি৷

১৭.১২.২০২০দা পাংথোকখিবা পি.এম. লেভেল ভর্চুয়েল বাইলেতরেল সম্মিত অসিদা ইকাই খুম্নরবা ভারতকী প্রধান মন্ত্রী শ্রী নরেন্দ্র মোদী অমসুং বঙ্গলাদেশকী ইকাই খুম্নরবা প্রধান মন্ত্রী শেখ হসিনানা ভারততা লৈরিবা হাল্দিবরি অমসুং বঙ্গলাদেশতা লৈরিবা চিলাহতিগী মরক্তা শেম্লিবা রেলৱে লিঙ্ক অদু হাংদোকখ্রে৷

গঙ্গারমপুর অসি ৱেস্ত বেঙ্গলগী খা থংবা দিনাজপুর জিলাদা য়াম্না মরু ওইবা শহর অমা ওই৷ মফম অসিদা লৈরিবা স্তেসন অসি চাওরাক্না লুপা কোতি ০৯.০৯ থাদদুনা মফম অসিদা লৈরিবা মীয়ামশিংনা মতম কুইনদগী অশা তৌদুনা লাক্লিবা হাই লেবেল প্লেতফোর্ম অমসুং মোদর্ন ইলেক্ত্রোনিক ইন্তরলোক্কিং হাপ্তুনা ক্রোসিং স্তেসন অমদা ওন্থোকখ্রে৷

পেসেঞ্জরশিং অসিদা খুদোংচাবা অমসুং অফবা এমিনিতীশিং ফংহন্নবগী পান্দমদা ওপরেস্নেল রিক্বেয়রমেন্ত অসি ফংবা ঙম্নবা অলিপুরদুয়র স্তেসন অসি অমুক হন্না শেমগৎখ্রে৷ লোকেল কল্চরগা মরী লৈননা হেন্না ফজরবা লৈতেং য়াওরিবা অনৌবা স্তেসন অসি লুপা কোতি ৮.১১ চংনা শাখিবনি৷

লৈবাক অসি শিনবা থুংনা লৈরিবা মরু ওইবা স্তেসন পুম্নমক্তা ইন্দিয়ন রেলৱেজনা অৱাংবা মাস্ত ফ্লেগশিং ইন্সতোল্দ তৌরি৷ ন্যু কুচবেহর স্তেসনদা ইন্সতোল্দ তৌরিবা অসিগুম্বা অৱাংবা মস্ত ফ্লেগ অমা লৈবাক অসিদা দেদিকেৎ তৌখ্রে৷

*****