ভারত সরকার, নাগালেন্দ সরকার অমসুং ৱর্ল্দ বেঙ্কনা নাগালেন্দা লৈরিবা স্কুলশিংগী চল্লাইবগী মওং ফগৎহন্নবা লোইননা অখন্নবা স্কুলশিংদা তাকপী-তম্বীবগী থবকশিং অমসুং তাকপী-তম্বীবগী লৈরিবা অকোইবগী ফীভমশিং ফগৎহন্নবা মিলিয়ন ৬৮কী প্রোজেক্ত অমা ঙসি খুৎয়েক পীনখ্রে।

“নাগালেন্দ: এনহেন্সিং ক্লাসরুম তীচিং এন্দ রিসোর্সেস প্রোজেক্ত” অসিনা মহৈরোইশিং অমসুং ওজাশিংদা ব্লেন্দেদ অমসুং ওনলাইন লর্নিং হেন্না এক্সেস তৌহন্নবা লোইননা পোলিসীশিং অমসুং প্রোগ্রামসিং হেন্না মোনিতর তৌবা য়াহন্নবা ক্লাসরুম ইনফ্রাস্ত্রকচর ফগৎহনগনি; ওজাশিংগী প্রোফেস্নেল দিবেলপমেন্তগী খুদোংচাবশিং ফংহনগনি; অমসুং তেক্নোলোজি সিস্তেমশিং শেমগৎকনি। অসিগুম্বা ইন্তিগ্রেতেদ এপ্রোচ অমনা কনভেন্সনেল দেলিবরী মোদেলশিংদা মতেং পাংশিনগনি অমসুং কোবিদ-১৯না থোকহনবা খুদোংচাদবশিং হন্থহনবদা মতেং পাংগনি। নাগালেন্দগী সরকারগী এজুকেসন সিস্তেমদা লৈরিবা মহৈরোই ১৫০,০০০ অমসুং ওজা ২০,০০০না স্কুলশিংগী ওইনা রাজ্য শিনবা থুংনা পুরক্কদবা রিফোর্মশিংদগী কান্নবা ফংলগনি।

ভারত সরকারগী শেলথুম মন্ত্রালয়গী দিপার্তমেন্ত ওফ ইকনোমিক এফিয়র্সকী এদিস্নেল সেক্রেতরী শ্রী সি.এস. মোহাপত্রানা হায় চাউখৎ-থৌরাংগী লালোং অমা হেক্তদা হ্যুমেন রিসোর্সেস দিবেলপমেন্তনা মরু ওইবা থৌদাং অমা লৌরি অমসুং ভারত সরকারনা ভারতকী এজুকেস্নেল লেন্দস্কেপ অসিদা অওনবা পুরক্নবা মখল কয়াগী অচৌবা খোঙথাংশিং লৌখৎখ্রে। মহাক্না হায় নাগালেন্দগী এজুকেসন প্রোজেক্ত অসিনা মহৈরোইশিং অমসুং ওজাশিংনা থেংনরিবা অৱাৎপশিং অসি কোকহল্লগনি অমসুং রাজ্য অসিগী চাউখৎ-থৌরাংদা মরু ওইবা থৌদাং অমা লোইরগনি।

এগ্রীমেন্ত অসি ভারত সরকারগী মহুৎ শিন্দুনা শ্রী মোহাপত্রানা;  নাগালেন্দ সরকারগী মহুৎ শিন্দুনা দিপার্তমেন্ত ওফ এজুকেসনগী প্রিন্সিপল দিরেক্তর মিস্তর শানাভস সি; অমসুং ৱর্ল্দ বেঙ্ককী মহুৎ শিন্দুনা ভারতকী কন্ত্রী দিরেক্তর মিস্তর জুনেদ অহমদনা খুৎয়েক পীনখি।

ঙসি নাগালেন্দনা স্কুল ইনফ্রাস্ত্রকচর মপাঙ্গল ৱাৎপা, ওজাশিংগী প্রোফেস্নেল দিবেলপমেন্তগী খুদোংচাবশিং লৈতবা অমসুং স্কুল সিস্তেমগা লোইননা কান্নগদবা মওংদা কাংলুপশিংগা পার্তনর ওইবদা কেপাসিতী ৱাৎপগী শিংনবশিং মায়োক্নরি। কোবিদ-১৯ লাইচৎ অসিনা শিংনবশিং অসি হেন্না হেনগৎহনখি অমসুং রাজ্যগী স্কুল এজুকেসন সিস্তেমদা অহেনবা অৱাংবা অমসুং অপনবশিং থোকহনখি।

ৱর্ল্দ বেঙ্ককী ভারতকী কন্ত্রী দিরেক্তর মিস্তর জুনেদ অহমদনা হায় হৌখিবা চহি খরা অসিদা ভারত্তা স্কুল কাবা অঙাংশিংগী মশিং হেনগৎলবসু লেবর মার্কেৎ অমসুং ফ্যুএল ফ্যুচর গ্রোথ অসিগী দিমান্দশিং থুংহন্নবা লর্নিং আউৎকমশিং চাউনা হেনগৎহন্নবগী মথৌ তাবা হেনগৎলক্লিৱ। প্রোজেক্ত অসি নাগালেন্দ সরকারনা হৌজিক রাজ্য অসিদা মপাঙ্গল কনবা এজুকেসন সিস্তেম অসি ফগৎহন্নবা অমসুং শেমগৎনবগী হোৎনরিবশিং অসিদা মতেং পাংনবা দিজাইন তৌখি।

নাগালেন্দগী এজুকেসন মেনেজমেন্ত এন্দ ইনফোর্মেসন সিস্তেম (ই.এস.আই.সি.)গী পাঙ্গল কনখৎহনবা অসিনা এজুকেসন রিসোর্সেস চাউনা এক্সেস তৌবা; ওজাশিং অমসুং এজুকেসন মেনেরশিংগী প্রোফেস্নেল দিবেলপমেন্ত অমসুং পর্ফোর্মেন্স ইভাল্যুএসন সিস্তেমশিং মতেং পাংবা; স্কুলগী লীদরশিপ অমসুং হেন্না অফবা মওংদা মেনেজমেন্ত তৌবা; অমসুং একজামিনেসন রিফোর্মশিং মতেং পাংবা ঙমহনগনি।

এজুকেসন স্পেসিএলিস্ত অমসুং ৱর্ল্দ বেঙ্ককী প্রোজেক্ত অসিগী তাস্ক তীম লীদর, মিস্তর কুমার বিবেকনা হায় প্রোজেক্ত অসিনা রাজ্যনা রিফোর্ম পুরক্নবা হোৎনরিবশিং অমসুং স্কুলশিং চাইল্দ-সেন্তর্দ ওইনবা; মোর্দন, তেক্নোলোজী-ইনেবল ওইবা তাকপী-তম্বীবা অমসুং লর্নিং এপ্রোচ মতেং পাংবা ঙম্নবা; অমসুং ফ্যুচর শোকশিংদগী ঙাকথোকপা ঙম্বা লর্নিং এনভাইর্মেন্ত অদু ফগৎহনগনি।  

লালোং অসিগী শরুক ওইনা চাউরাক্না নাগালেন্দগী হায়র সেকেন্দরী স্কুল ৪৪গী মনুংদা প্রোজেক্ত পিরিয়দ মনুংদা ১৫দা লর্নিং এনভাইর্নমেন্ত ওইহন্নবা স্কুল কম্প্লেক্সশিং ওইনা শেমগৎকনি।

ইন্তরনেস্নেল বেঙ্ক ফোর রিকনস্ত্রক্সন এন্দ দিবেলপমেন্ত (আই.বি.আর.দি.)দগী ফংবা মিলিয়ন দোলর ৬৮কী লোন অসি গ্রেস পিরিয়দ চহি ৫ (মঙা) য়াওনা চহি ১৪.৫কী অরোইবা মেচ্যুরিতী লৈ।

****