শ্রী পিয়ুশ গোয়ল, রেলৱেজ, কম্মর্স অমসুং ইন্দস্ত্রী অমসুং কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসনগী মন্ত্রীনা ব্যুরো ওফ ইন্দিয়ন স্তেন্দর্দ (বি.আই.এস.)কী থবকশিং য়েংশিনবদা “লৈবাক অমা, স্তেন্দর্দ অমা”গী মিসনগীদমক্তা খোঙশানবগী অমসুং ভারতপু স্তেন্দর্দ থম্বগী মতাংদা মালেমগী ওইনা য়েংনফম ওইবা লুচিংবা অমা ওইহনবগী মতম য়ৌরে হায়না হায়খ্রে।

শ্রী পিয়ুশ গোয়লনা হায়খিবদা, মসিগী লৈবাক্কী ওইবা মিসন অসিদা পোত্থোক পুথোকপা অমসুং মদুগী সেবাগী হীরমশিং অসি মনুং চলহনবগা লোয়ননা, মীয়ামদগী পোত্থোক লৈশিনবগী হীরম খুদিংগী মগুনশিংদা লৈবাক্কী ওইনা মান্নবা থাক্তা লৈহনবা অমসুং তেন্দর তৌবগী থৌওংবু খুদক্তা পীবা য়াহনগনি হায়খি।

শ্রী গোয়লনা লৈবাক অমগী মপাঙ্গল অমসুং লমচৎ অসি মসিনা মখোয়গী পোত্থোক অমসুং সেবাশিংদা পীরিবা মগুনশিং অদুনা অয়াম্বা মতমদা তাকই হায়খি। হৌজিক্কী মতম অসি ভারতনা খ্বাইদগী ফবা নত্তনা অতোপ্পা অমত্তা তৌদবগী মতম লাক্লবনি।

থৌরম অসিদা ৱা ঙাংবদা, মহাক্না বি.আই.এস.না হীরম অসিদা নীংথিজনা থবক পাংথোকপা ঙম্নবগীদমক্তা মালেমগী থাক্তা খোঙলোই ওইমিন্নবা অমসুং তেংবাংনবগী থবকশিং য়েংথোক্কদবনি হায়খি।

থৌরম অসিদা ৱা ঙাংবদা, শ্রী গোয়লনা ভারত্তা লৈরিবা তেস্তিং লেবশিং অসি মালেমগী থাক্তা লৈগদবনি হায়খ্রে। মতমগা চান্নবা খুৎশু-খুৎলাই অমসুং খ্বাইদগী অনৌবা তেক্নোলোজীসু মফমশিং অসিদা শিজিন্নগদবনি। মহাক্না বি.আই.এস. অমসুং সরকারগী মরক্তা লৈরিবা অহাঙবা অসি খ্বাইদগী হান্না পাংথোকপা থৌওং অমা ওইনা য়েংশিনগদবনি হায়নসু মখা তানা হায়খি।

শেন্নবগী হীরমদা, অহাঙবা য়েংশিনবা হায়বদি, থবক ওইনা তসেংনা পাংথোকপা অমসুং পাংথোকপা ঙম্বগী মতিক্কা চাংদম্নবা হায়বনি।

তোঙান-তোঙানবা ইন্সতিত্যুসন অমসুং পি.এস.য়ু.শিংনা চাং মান্নদবা মগুন কয়া অমা লৈরিবা হীরম অসিগী মতাংদা পল্লদুনা, মহাক্না অসিগুম্বা মগুনশিং অসিবু য়ারিবমখৈ চাং মান্নহন্নবা হোৎনগদবনি হায়খি।

মন্ত্রীনা হায়খিবদা, ইন্দস্ত্রীশিংবু মিসন অসিগী মতাংদা ৱারী-ৱাতাই শান্ননবা, শরুক য়ানবা অমসুং তেংবাংমিন্ননবগীদমক্তা পাউজেল পীফম থোকই হায়খি। সর্তিফিকেসন পীবগী থৌওং অসিসু য়ারিবমখৈ লাইহনগদবনি অমসুং থবক অমবু চপ মান্নবগী থৌওংসু য়ারিবমখৈ থোকহল্লোইদবনি।

শ্রী গোয়লনা হায়ক্ষিবদা, ঐখোয়না ইন্দিয়ন স্তেন্দর্দকী মখাদা ইন্দস্ত্রীগী পোত্থোক খ্বাইদগী য়াম্না লৈবা মালেমগী লুচিংবা লৈবাক অমা ওইনবা পান্দম থমগদবনি অমসুং মীওই অমত্তনা মগুন লৈবা সর্তিফিকেসন ফংনবগীদমক্তা মপান লমদা চৎপগী তঙাই ফদবা লৈহল্লোইদবনি হায়খি।

মীফম অদুদা অতোপ্পা বিভাগকী মীওইশিংগা লোয়ননা কঞ্জ্যুমর এফিয়র্স অমসুং বি.আই.এস.কী সেনিয়রশিংনা শরুক য়াখি। তোঙান-তোঙানবা থবকশিংদা হৌজিক ফাওবগী মাই-পাকপা ফংখিবশিংগী মতাংদা বি.আই.এস.না অকুপ্পা প্রজেন্তেসন অমসু উৎখি।

****