মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়

“অত্মনির্ভর ভারত” অমসুং “ৱেস্ত তু হেল্থদা”চাওনা কান্নবা পীরগনি; শ্রী নিতিন গদকরিনা অসামদা লৈরিবা অগবত্তি স্তিক্ত মেকিং য়ুনিত শঙ্গাখ্রে

Posted On: 18 FEB 2021 5:43PM by PIB Imphal

ভারতকী অগর্বত্তি ইন্দল্ত্রী অসি হেন্না মপাঙ্গল লৈহন্নবা খাদি অমসুং ভিলেজ ইন্দস্ত্রীস কম্মিসন(কে.ভি.আই.সি.)না হোৎনরিবশিং অসিদা অসামনা লম্বী অসি লুচিংদুনা হোৎনরুরিবশিং অসিগী মহৈ ফংবা হৌখ্রে৷ শগোলশেল নুমিৎতা এম.এস.এম.ই.গী মন্ত্রী শ্রী নিতন গদকরিনা ভিদিও কনফরেন্সিংগী খুৎথাংদা অসামগী বজালি জিলাদা “কেশারি বাইও প্রদক্তস এল.এল.পি.” হায়না মমিং থোল্লিবা অচৌবা বেম্বূ অগর্বত্তি স্তিক্ত মেকিং য়ুনিৎ অমা শঙ্গাখ্রে৷ ইকাই খুম্নরবা অসামগী মুখ্য মন্ত্রী শ্রী সর্বানন্দ সোনোৱাল অমসুং কে.ভি.আই.সি.গী চিয়রমেন শ্রী ভিনাই কুমার সক্সেনাসু থৌরম অদুদা শরুক য়াখি৷

য়ুনিত অসি অগর্বত্তি স্তিক্তশিং শাবা অসিদগী হেন্দোক্তুনা “ৱেস্ত তু হেল্থ”গী খুদম অমনি অমসুং “অত্মনির্ভর ভারত” ফংহন্নবা অচৌবা খোঙথাং অমা ওইদুনা মসিনা ৱেস্ত বেম্বু কয়া অমনা বাইও-ফ্যুল অমসুং তোঙান তোঙানবা অতোপ্পা প্রদক্তশিং শাবদা শিজিন্নৈ৷ লুপা কোতি ১০ চংনা শাদুনা অগর্বত্তি স্তিক্ত য়ুনিৎ অসিনা মীওই ৩৫০ দাইরেক্ত ওইনা থবক ফংহল্লগনি অমসুং ইন্দিরেক্ত এমপ্লোইমেন্ত ওইনা মীওই ৩০০ থবক ফংহল্লগনি৷

মোদি সরকারনা চাইনা অমসুং ভিয়েৎনামদগী রো অগর্বত্তি পুশিল্লকপদা অথিংবা থম্বা অমসুং অগর্বত্তিগীদমক রাউন্দ বেম্বূ স্তিক্তশিং পুশিল্লকপদা ইমপোর্ত দ্যুতি হেনগৎহনবা হায়বা ৱারেপ অসিগী মতুং অসিদা অসামদা অসিগুম্বা য়ুনিৎশিং হাংদোরকপা অসিনা য়াম্না চাওনা কান্নরগনি৷ লৈবাক অনি অসিদগী অগর্বত্তি অমসুং বেম্বূ স্তিক্ত চাওনা পুশিল্লক্তুনা ইন্দিয়ন অগর্বত্তি ইন্দস্ত্রীশিংবু চাওনা চৈথেং পীরিবা অসি হন্থননবগীদমক মসিগী ৱারেপ অসি তঙাই ফদনা লৌখিবনি৷

অসামদা অনৌবা বেম্বূ স্তিক্ত য়ুনিৎ হাংদোরকপা অসিনা লোকেল অগর্বত্তি ইন্দস্ত্রী অসি হেন্না মপাঙ্গল লৈহল্লগনি অমসুং মীওই কয়া থবক ফংহল্লগনি হায়না শ্রী গদকরিনা নুংঙাইবা ফোংদোকখ্রে৷  “মসিনা মীয়ামশিংবু থবক ফংহনবা অমসুং য়াম্না লাইনা পুন্সিবু হিংহনবা অসিদা মীৎয়েং থম্লিবা “অত্মনির্ভর ভারতকী”খ্বাইদগী মতিক চারবা খুদম ওই,” হায়না শ্রী গদকরিনা ফোংদোকখ্রে৷

মসিগী মেনুফেকচরিং য়ুনিত অসিনা রাজ্য অসিদা অনৌবা থবকশিং ফংহল্লগনি হায়না ইনিসিয়েতিব অসিবু ইকাই খুম্নরবা মুখ্য মন্ত্রীনসু থাগৎখ্রে৷

রো অগর্বত্তি মপান লৈবাকশিংদগী পুশিল্লকপা থিংবা অমসুং বেম্বূ অগর্বত্তি স্তিক্তশিংদা ইমপোর্ত দ্যুতী ৱাংহনবা অসিনা ইন্দিয়া লৈরিবা মীয়ামশিং চাওনা থবক্কী খুদোংচাবা ফংহল্লগনি অমসুং মসিগী অনৌবা য়ুনিতশিং অসিনা খুদোংচাবা অসি লৌনবা হোৎনরি হায়না কে.ভি.আই.সি.গী চিয়রমেন সক্সেনানা ফোংদোকখ্রে৷ “অগর্বত্তি ইন্দস্ত্রী অসিনা আর্তিসন লাখ ১০ হেন্না থবক ফংহন্দুনা ইন্দিয়াগী ভিলেজ ইন্দস্ত্রীগী য়াম্না মরু ওইবা শরুক অমা ওই৷ অনৌবা অগর্বত্তি অমসুং বেম্বূ স্তিক্ত মেকিং য়ুনিতশিং হাংদোরকপা অসিনা হৌখিবা চহী অমগা মখায় অসিদা সেগমেন্ত অসিদা অনৌবা থবক লাখ ৩ রোম ফংহনখ্রে৷ মসিগী খুদোংচাবা অসিদগী খ্বাইদগী চাওনা কান্নবা লৌননবা কে.ভি.আই.সি.না প্রধান মন্ত্রী এমপ্লোইমেন্ত জেনেরেসন প্রগ্রামগী খুৎথাংদা ইন্দিয়াগী লোকেস অগর্বত্তি প্রদক্সন অসি হেনগৎনবা খাদি অগর্বত্তি অত্মনির্ভর মিসন হায়না মমিং থোনবা প্রোগ্রাম অমা লোঞ্চ তৌখ্রে,” হায়না সক্সেনানা ফোংদোকখ্রে৷ অনৌবা অগর্বত্তি স্তিক্ত মেকিং য়ুনিত অসিনা অসামদা লৈরিবা বেম্বূদা বেজ তৌবা ইন্দস্ত্রীদা চাওনা কান্নবা পীরগনি হায়না মহাক্না মখাতানা ফোংদোকখ্রে৷

হৌজিক হৌজিক্কী ওইনা ভারততা শিজিন্নরিবা ইন্সেন্স স্তিক্তশিংগী চাং অসি নোংমদা তন ১৪৯০নি অদুবু নোংমদা শিজিন্নরিবশিং অসিগী মনুংদা লৈবাক অসিদা শাজবা অদুদি তন ৭৬০ খক্তনি৷ মরম অদুনা দিমান্দ অমসুং সপ্লাই অনি অসিগী মরক্তা লৈরিবা গেপ অসিনা মপান লৈবাকশিংদগী অগর্বত্তি পুশিল্লক্লিবনি৷ মসিগা লোইনা লোইননা রো অগর্বত্তি পুশিল্লকপগী চাং অসি ২০০৯দা ২% ওইরম্বদগী ২০১৯দা ৮০% য়ৌরে৷

                                                                                     ******



(Release ID: 1699266) Visitor Counter : 144