রোদ ত্রান্সপোর্ত অমসুং হাইৱে মন্ত্রালয়
প্রধান মন্ত্রীনা অসামদা থোং অনিগী উরেপ উয়ুং তমখ্রে
গাদকারীনা হায়রি, প্রোজেক্ত অসিনা মফম অসিগী চহি ১০ শুরবা মীয়ামগী অপাম্বা ফংহল্লগনি
Posted On:
18 FEB 2021 3:18PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ব্রহ্মাপুত্র তুরেলগী মথক্তা মপুং ওইবা থোং অনিগী উরেপ উয়ুং তমখ্রে। মসিনা অসাম অমসুং মেঘালায়াদা লৈবা মীয়ামশিংগী কুইনা ঙাইরক্লবা অপাম্বা অমা থুংহনখ্রে।
থৌরম অসিদা ৱা ঙাংলদুনা রোদ ত্রান্সপোর্ত, হায়ৱে অমসুং এম.এস.এম.ই.গী য়ুনিয়ন মিনিস্তর শ্রী নিতিন গাদকারীনা হায় মদুদি অসামদা লম্বী অমসুং ইনফ্রাস্ত্রকচর থবকশিংদা লুপা করোর লাখ অমগী থবক পায়খৎলে।
মহাক্না হায় মদুদি, চহি তরুক অসিদা লুপা করোর ৮,০০০ চংনা কিলোমিতর ১,৩০০ শাংবা লম্বীগী থবক ৯১ স্তেত অসিদা লোইশিনখি অমসুং লুপা করোর ২০,০০০ চংবা অমনা ২০২২ ফাওবগী মনুংদা লোইশিনগনি।
মহাক্না মখা তানা হায় মদুদি লুপা করোর ৩০,০০০ চংবা প্রোজেক্তকী দি.পি.আর. চহি অসিগী মনুংদা শেম শারগনি।
রোদ ত্রান্সপোর্ত, হায়ৱে অমসুং এম.এস.এম.ই.গী য়ুনিয়ন মিনিস্তর শ্রী নিতিন গাদকারীনা ১৮.০২.২০২১দা অসামগী থোংগী উরেপ উয়ুং তম্বগী থৌরমদা ৱা ঙাংবা শ্রী গাদকারীনা হায় মদুদি থোং অমা ব্রহ্মাপুত্র তুরেলগী মথক্তা অসামদা ধুব্রি অমসুং মেঘালায়াদা ফুলবারীগী মরক্তা শাবা অসি চহি ১০গী মমাংদগী পাম্নরক্লবনি। মসিগা লোয়ননা মফম অসিগী অরাপ্পা অসি কিলোমিতর ২০৩দা তেনশিনখ্রে। মহাক্না হায় মদুদি অসাম অমসুং মেঘালায়া অসি ৱেস্ত বেঙ্গালগা লোয়ননা থোং অসিনা শম্নহল্লগনি।ৱেস্ত বেঙ্গালগী সেরাপোরদগীনা ধুব্রি, অসাম ফাওবা শারকপা কিলোমিতর ৫৫ লম্বী অসি ওক্তোবর থাদগী চৎনবা হৌরগনি। মসিনা ভুতান অমসুং বঙ্গলাদেশ মতম অমসুং অশাংবা অসি কন্থোক্লগনি।
মাজুলি ইথৎকী (ব্রহ্মাপুত্র তুরেলগী মরক্তা) তাম্না লৈবা লৈরিবা মীওইশিংগীদমক, মরম অনিনা মপুং ওইবা থোং ব্রহ্মাপুত্র তুরেলগী মাজুলি (কামালাবারি) অমসুং জোরহাত (নিমাতি ঘাত) (কিলোমিতর ৬.৮)গী মরক্তা এন.ঐচ.৭১৫ কে.দা লুপা করোর ৯২৫.৪৭ চংনা শারি। থোং অসিনা মাজুলিদা লৈবা মীয়ামশিংদা মতম পুম্বদা লায়না অসামদগী হকশেল, এজুকেসন অমসুং নুমিৎ খুদিংগী চংবা পোৎলম ফংলি।
মসিগা মান্ননা, ব্রহ্মাপুত্র তুরেলগী খা থংবা তোর্বান্দা লৈবা মেঘালায়া (ফুলবারি)গী প্রজাশিং অমসুং ব্রহ্মাপুত্র তুরেলগী অৱাংথংবা তোর্বান্দা অসাম (ধুব্রি)গী প্রজাশিংনা মেঘালায়া অমসুং অসামগী চাওখৎলবা মফমশিংদা নোংমগী চংদবা য়াদবা পোৎলম লৈনবা য়াম্না শাংনা চৎপা তাই। হায়রিবা অসিগদা ব্রহ্মাপুত্র তুরেলগী মথক্তা মরম মরি লৈবা ধুব্রি-ফুলবারি থোং অমা অসাম অমসুং মেঘালায়া স্তেত্তা এন.ঐচ.-১২৭বি. অসিদা লুপা করোর ৪৯৯৭ চংনা শাদুনা কিলোমিতর ২০৫দগী কিলোমিতর ১৯দা হন্থদুনা পুং ৬ চংলম্বা অদু মিনিত ২০দং চংলি।
- মরম অনি লৈবা মুপুং ওইবা ব্রহ্মাপুত্র তুরেলগী মথক্তা অৱাংথংবা তোর্বান্দা মাজুলি অমসুং খাথংবা তোর্বান্দা জোরহাত (কিলোমিতর ৬.৮) এন.ঐচ. – ৭১৫ কে.
প্রোজেক্তকী মরীক চুম্বা -
- থোং অসিনা জোরহাত্তগী মাজুলি শম্নগনি (নেমাতি ঘাত্তগীনা কামলাবারি ঘাত)। মাজুলি ইথৎকী প্রজাশিংনা কুইনা ঙাইজরকপা মাজুলি অমসুং জোরহাতকা শম্নবা অনৌবা এন.ঐচ. ৭১৫কে জোরহাত্তগী কমলাবারি (মাজুলি) অসি ১৭.১১.২০২০দা লাওথোকখ্রে।
- লুপা করোর ৯২৫.৪৭ অমা ০৪.০২.২০২১দা কাইথখ্রে অমসুং থবক অসি এম./এস. য়ু.পি. স্তেত ব্রীদজ কোর্পোরেসন লিমিতেৎতা ০৮.০২.২০২১দা শিন্নখ্রে। থোং অসি ২০২৫কী মার্চ ফাওবদা শাবা লোইশিনগনি।
- থোং অসিগী অশাংবা অসি পুন্না কিলোমিতর ৬.৮নি। ইনলেন্দগী চংগদবা মতুং ইন্না ৪০ পাকপা কিলোমিতর ৫ শাংবা লোয়ননা মিতর ১০ ৱাংদুনা ব্রহ্মাপুত্র তুরেলগী মথক্তা ইচাওগী থাক্তগী অমসুং ঈশিংগী ত্রান্সপোর্ত চৎথোক চৎশিন য়াহল্লি।
প্রোজেক্ত অসিগী কান্নবশিং -
- থোং অসিনা মাজুলি ইথৎকা শম্নহল্লি ।
- মাজুলিগী ইথৎকী প্রজাশিংদা হকশেল, এজুকেসন অমসুং ইকোনোমী মতম য়াম্না চংদনা ফংবা য়ানবগী খুদোংচাবা অদু ফংলি।
- থোং অসিনা মখা তানা অৱাং অসামগী অৱাং লখিমপুর দিস্ত্রীক্ত হেদক্বাতরগা শম্নহল্লি।
- থোং অসিনা ব্রহ্মাপুত্র তুরেলগী ইচাও মতমদা মাজুলিগী ইথৎকী প্রজাশিংদা শাফবা ওইহল্লি।
- মরম মরি লৈবা মুপুং ওইবা ব্রহ্মাপুত্র তুরেলগী মথক্তা ধুব্রি-ফুলবারি থোং অসাম অমসুং মেঘালায়া এন.ঐচ. – ৭১৫ কে.
প্রোজেক্তকী মরীক চুম্বা -
- কিলোমিতর ১৯ শাংবা মরম মরিগী থোং অসি লুপা করোর ৪৯৯৭ চংদুনা ২০১৯গী ফেব্রুৱারীদা অয়াবা পীখি অমসুং থবক অসি ২০২০গী নবেম্বরদা পীখি। প্রোজেক্ত অসি ২০২৮কী সেপ্তেম্বরদা লোইশিনগনি।
- প্রোজেক্ত অসি অৱাংবা মিতর ১০.৫০ ইচাওগী থাক্কী মথক্তা খাক্লি অমসুং অশাংবা কিলোমিতর ১২.৬২৫ ওইরি।
- মসিদা অথু-অকাইগী কন্ত্রোল রুম লৈরি অমসুং ইচাওগী মোনিতরিং সিস্তেম অমসুং ২৪x৭ সি.সি.তি.ভি. কেমেরা থম্লি।
প্রোজেক্ত অসিগী কান্নবশিং –
প্রোজেক্ত অসিনা ধুব্রি (অসাম) অমসুং মেঘালায়া (ফুলবারি)গা শম্নগনি। হৌজিক্কী ওইনা ধুব্রি অৱাংথংবা তোর্বান অমসুং ফুলবারিগী খা থংবা তোর্বান অনি অসি ফেরীনা লম্বী ফাওনহল্লি অমসুং হায়রিবা অসিনা মফম অসিগী মীয়াম্না কুইনা ঙাইরকপা অসি থুংলগনি।
- থোং অসিনা অহুমশুবা পাম্বৈ অমা ওইদুনা স্তেতশিং মেঘালায়া, মনিপুর, মিজোরাম, ত্রিপুরা অমসুং বরাক তম্পাককী মফমশিং অসি অতৈ অতোপ্পা লৈবাকশিংগা ফাওনহল্লগনি।
- রুরেল অমসুং আর্বান অনি অসিগী ইকোনোমী ফগৎহন্দুনা অচৎ-অওং মিল্লি.ন ২ মুক কান্নহল্লগনি।
- থোং অসিনা মফম অসিদা কান্নবা পীগনি মদুদি
- বঙ্গলাদেশতা দালু ফাওদুনা ভুতান ( মেঘালায়াগী ইন্দিয়া-বঙ্গলাদেশকী ঙমখৈদা) অমসুং
- হাতিসার ( অসামদা ইন্দিয়া-বঙ্গলাদেশকী ঙমখৈদা) তুরা, ফুলবারি, ধুব্রি, শ্রীরামপুর অমসুং সামথাইবারি।
- মসিনা লম্বীগী অশাংবা অসি কিলোমিতর ২০৫দগী কিলোমিতর ১৯দা হন্থরগনি অমসুং পুং ৬ চংলম্বা অসিদগী মিনিত ২০দা হন্থরগনি। মসিনা আর্বান মার্কেত অমসুং সপ্লাই চেনগী শম্নবা হেনগৎলগনি।
***
(Release ID: 1699188)
Visitor Counter : 128