ঙসি ভিদিও কনফরেন্সিংগী থোংদা এম.ও.ঐচ.য়ু.এ.গী সেক্রেতরী শ্রী দুর্গ শঙ্কর মিশ্রানা তেক্নোগ্রাহিসকী এনরোলমেন্ত মোদ্যুল অমা হৌদোকখ্রে। তেক্নোগ্রাহিস অসি আই.আই.তি.শিং, এন.আই.তি.শিং, ইঞ্জিনীয়রিং, প্লানিং অমসুং আর্কিতেকচর কোলেজশিংগী মহৈরোইশিংগী, ফেকল্তী মেম্বরশিং, একাদমিসিয়নশিং অমসুং স্তেকহোল্দরশিংগীদমক্তনি। মোদ্যুল অসি হৌদোকপদা এম.ও.ঐচ.য়ু.এ.গী সেক্রেতরী শ্রী দুর্গ শঙ্কর মিশ্রানা হায় অপাম্বা কেন্দিকেৎশিংনা লর্নিং, কন্সল্তেসন, আইদিয়াশিং অমসুং সোল্যুসনশিং পুথোক্নবা, এক্সপ্রিমেন্তেসন, ইন্নোবেসন অমসুং তেক্নিকেল এৱের্নেসকীদমক্তা লৈরিববা এল.ঐচ.পি. সাইৎ তরুক অসিগী লাইফ লেবোরেতরীশিং অসিদা চংবা য়ানবা মখোয়না রেজিস্তর তৌবা য়াগনি। “মসিনা মখোয়দা শিজিন্নরিবা তেক্নোলোজীশিং অসিগী মরমদা অহানবা ওইবা খঙবদা মতেং পাংগনি অমসুং মসিনা মখোয়গী মথৌ তাবশিংগী মতুং ইন্না ‘মেক ইন ইন্দিয়া’গী এপ্রোচ অমগীদমক কনস্ত্রক্সন সেক্তরদা মতৌ তম্বা অমসুং শিজিন্নবা য়াহনগনি”, হায়না মহাক্না মখা তাখ্রে। থা ১২গী মতমগী মনুংদা এল.ঐচ.পিশিং. লোইশিনদ্রিবা ফাওবা “তেক্নোগ্রাহিস”না সাইৎশিংদগী ই-পাউ শন্দোক্নবা অপদেৎশিং চাং নাইনা লৌগনি।

শ্রী মিশ্রানা মফম অমমমদা পাইখৎলিবা প্রোজেক্তশিংগী থবক্কী ফীভম য়েংশিল্লিবা এল.ঐচ.পি. ই-ন্যুসলেত্তরসু হৌদোকখ্রে। মসি ই-ন্যুসলেত্তরগী অহানবা ভোল্যুম ওইগনি। অসিগুম্বা ই-ন্যুসলেত্র তরানিথোই থা খুদিংগী ফোঙদুনা রাইৎ-অপশিং অমসুং ফোতোগ্রাফশিংগী খুত্থাংদা চাউখৎ-থৌরাংগী থবকশিংগী মতাংদা মহৈরোইশিং, ফেকল্তী, স্তেকহোল্দরশিং অমসুং মীয়ামদা খঙহনগনি। মসিনা রাজ্য তরুক্কীমরক্তা মখোয়গী রাজ্যশিংদা ওইরিবা থবক্কী ফীভম অদুগী মতাংদা অফবা মওংদা চাংদম্ননবা থৌগৎলগনি।

রাজ্য তরুক্কী  অখন্নবা এল.ঐচ.পি. বুকলেৎশিং অসি সাইৎ অমমমগী লৈরিবা স্ত্রকচর্দ ইনফোর্মেসন পীনবনি। মখোয়না তেক্নিকেল স্পেসিফিকেসনশিং, তেক্নোলোজী অমমমগী মরমদা অমসুং অতোপ্পা অকুপ্পা মরোলশিংগী মতাংদা ই-পাউ অমা পীরি। বুকলেৎ অসি তেক্নোক্রেৎশিংনা ইনফোর্মেসন এক্সচেঞ্জ তৌনবগী ৱান-স্তোপ গাইদ ওইরগনি।

হাউসিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না তেক্নোলোজী ফিল্দদা শিজিন্নহন্নবা ফাইফ লেবোরেতরীশিং ওইনা লাইৎ হাউস প্রোজেক্ত (এল.ঐচ.পি.শিং) তরুক শেমগৎলি। মসিগী মপুং ওইবা পান্দমদি ওন-সাইৎ লর্নিংগী ওইবা তেক্নিকেল এৱার্নেস পীদুনা মীওই মশিং য়াম্না শরুক য়াহন্নবা থৌগৎপনি। ইকাই খুম্নরবা প্রধান মন্ত্রী শ্রী নরেন্দ্র মোদীনা জনুৱারী ১, ২০২১দা ইন্দোর (মধ্য প্রদেশ), তাজকোৎ (গুজরাত), চেন্নাই (তামিল নাদু), রাঞ্চি ঝার্খন্দ), অগর্তলা (ত্রিপুরা) অমসুং লকনৌ (উত্তর প্রদেশ)তা এল.ঐচ.পি.শিংগী উরেপ-উয়ুং তমখি। এল.ঐচ.পি.শিং অসি প্রধান মন্ত্রী অৱাস য়োজনা-অর্বান (পি.এম.এ.ৱাই.-য়ু)গী মখাদা লৌখৎপা গ্লোবেল হাউসিং তেক্নোলোজী চেলেঞ্জ-ইন্দিয়া (জি.ঐচ.তি.সি.-ইন্দিয়া)গী থৌরাংগী শরুক অমনি।

এল.ঐচ.পি.শিং অসি মোদেল হাউসিং প্রোজেক্তশিংনি। মফম অমমমদা চাউরাক্না য়ুম ১,০০০ এলাইদ ইনফ্রাস্ত্রকচর ফেসিলিতীশিংগা লোইননা শারি। মসিগী তেক্নোলোজীগী রিভোল্যুসন অসি শেল চংদে, অকোইবদা শোকহনদে, খুদোংথিবা থোরকপদা ঙাকথোকপা ঙম্মি অমসুং কনস্ত্রক্সন খোঙজেল য়াংখৎহল্লি। থৌরাং অসিনা ভারত্তা তেক্নিকেলগী ওইবা অহোংবা পুরকপদা চাউনা ইথিল অমা পীরগনি।

***