প্রধানমন্ত্রীগী লোইশঙ
প্রধান মন্ত্রীনা শ্রী রাম চন্দ্র মিসনগী ৭৫শুবা থৌরম পাকথোকপদা ৱা ঙাংখ্রে
ইমুং-মনুংগী ওইনা লৌশিং অমসুং য়োগা-আয়ুর্বেদানা কোরোনা থেংনবদা য়াম্না চাওরবা থৌদাং অমা লৌখি: প্রধান মন্ত্রী
ইন্দিয়াগী হকচাং ফনবগী ৱাখল্লোন অসিনা শুপ্নতগী লায়না ফহনবদগী হেন্দোক্তুনা চৎলি: প্রধান মন্ত্রী
য়োগা অমসুং আয়ুর্বেদা অসি মালেম অসিদা মখোয়না খঙগদবা লোল অমদা পীগদবনি: প্রধান মন্ত্রী
ইন্দিয়া অসি লাইনিং লাইশোল অমসুং হরচাং ফনবগী লম কোইফম হব ওইহন্নবা হায়রি
Posted On:
16 FEB 2021 5:28PM by PIB Imphal
প্রধান মন্ত্রীনা শ্রী রাম চন্দ্র মিসনগী ৭৫শুবা থৌরম পাকথোকপদা ৱা ঙাংখ্রে। প্রধান মন্ত্রীনা মীয়ামগী মরক্তা ৱাহন্থোক য়াম্না থোকপা, শান্তি, হকশেল অমসুং লাইনিং লাইশোলগী ওইবা অসিগী মিসন অসিদা থাগৎপা ফোংদোকখ্রে। মহাক্না য়োগা অসিবু মশক খঙহনবগীদমকশু থাগৎপা ফোংদোকখি। প্রধান মন্ত্রীনা হায় মদুদি ঙসিগী য়াংনা চেল্লিবা খোঙজেল অমসুং অৱাবনা থল্লবা পুন্সি মহিং অসিদা মালেম অসিনা পুন্সি মহিংগা মরী লৈনবা লায়না অমসুং লায়চৎ অসিদা য়োগা অসিনা আশা অমা ওইরি।
ইন্দিয়ানা কোরোনা লান্থেংনরিবা অসিদা প্রধান মন্ত্রীনা হায় মদুদি ইন্দিয়ন করোর ১৩০না মিকুপ নাহুম শিংনা লৈবা অসি মালেম অসিদা খুদম অমা ওইরি। ইমুং-মনুংগী ওইনা লৌশিং অমসুং য়োগা-আয়ুর্বেদানা মসিদী য়াম্না চাওরবা থৌদাং অমা লৌখি
শ্রী মোদীনা হায় মদুদি ইন্দিয়া অসি মালেমগী ওইবা চিঞ্জাক পীনবা মীওইবা অমগী থৌদাং অদু চংশিল্লি। মসিগী মীওইবগী ওইবা থৌদাং চংশিল্লিবা অসি অফবা হকশেলগী ওইবা, হকচাং ফনবা অমসুং নুঙাইনবনি। চহি তরক অসিদা, ইন্দিয়ানা মালেম অসিদা মালেমগী খ্বায়দগী চাওবা মীয়ামগী ওইবা য়াইফ-নুঙাইগী থৌরমদা শরুক য়ারি। মসিগী হোৎনরিবা অসিনা পান্দম থম্লিবা অসি লায়রবশিংগী পুন্সি খুদোংচাবা অমা পীনবনি। সেনিতেসন্দগী সোসিএল ৱেলফিয়র স্কীম ফাওবা। মৈখু থাংদবা চখুমদগী বেঙ্ক লৈতবদা বেঙ্ক পীবা। মীপুম খুদিংদা য়ুম পীবা ফাওবা। ইন্দিয়াগী মীয়মগী ওইবা স্কীমশিং অসিনা পুন্সি কয়া অমা কান্নবা ফংহল্লি, হায়না প্রধান মন্ত্রীনা হায়।
ইন্দিয়াগী হকশেলগী পাম্দম অসিদা ৱা ঙাংলদুনা প্রধান মন্ত্রীনা হায় মদুদি, ইন্দিয়াগী হকচাং ফনবগী ৱাখল্লোন অসিনা শুপ্নতগী লায়না ফহনবদগী হেন্দোক্তুনা চৎলি। হকশেলগী চেকশিন থৌরাংগীদমক অহেনবা থবক কয়া অমা পায়খৎলি। ইন্দিয়াগী মরুওইবা হকশেলগী ওইবা স্কীমশি অসি তাক্লদুনা শ্রী মোদীনা হায় মদুদি, আয়ুশমান ভারত্না আমেরিকা অমসুং য়ুরোপিয়ন লৈবাকশিংদা লৈরিবা মীশিংদগী হেন্না বেনিফিসরী লৈরি। মসি মালেমগী ওইনা খ্বায়দগী চাওবা হকশেলগী স্কীমনি। হিদাক অমসুং হিদাক্কী মচাংশিংগী মমল হন্থরক্লি।
প্রধান মন্ত্রীনা হায় মদুদি ভারত্না মালেমগী ওইবা বেক্সিনেসন্দা মরুওইবা থৌদাং অমা লৌরি। ঐখোয়গী হকচাং ফনবগী পান্দম অসি ইরমদম অসিদা লৌখৎলিবা অসুম্না মালেমগী ওইনসু লৌরি। ইন্দিয়ানা হকশেল অমসুং হকচাং ফনবা লমদা য়াম্না চংশিল্লি। ইন্দিয়া অসি লাইনিং লাইশোল অমসুং হরচাং ফনবগী লম কোইফম হব ওইহন্নবা মহাক্না হায়রি। ঐখোয়গী য়োগা অমসুং আয়ুর্বেদা অসিনা মালেমগী হকশেলগীদমক থৌদাং কয়া অমা লৌরগনি। মালেম অসিদা মসিবু খঙহন্নবা লোল অমা পীবা অসি ঐখোয়গী পান্দম্নি, হায়না প্রধান মন্ত্রীনা হায়রি।
শ্রী মোদীনা হায়রি মদুদি মালেম অসিনা য়োগা অমসুং মেদিতেসন অসিদা লুম্না লৌরক্লি। মহাক্না হায়খি মদুদি মসিগী ৱাখলগী লায়নাশিং অসি হায়রিবা প্রোগ্রামশিং অসিনা ফহনবদা মতেং পাংগনি। “অনা-অয়েক লৈতবা নাগরিক, ৱাখল ফনা লৈবা নাগরিক অমনা ইন্দিয়া অসি অনৌবা মতোন য়ৌবা ঙমগনি” হায়দুনা প্রধান মন্ত্রীনা লোইশিনখি।
****
(Release ID: 1698515)
Visitor Counter : 191
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam