آج کووڈ -19 ویکسین لگوانے والے طبی کارکنوں اور فرنٹ لائن ورکروں کی کُل تعداد 68.26 لاکھ تک پہنچ گئی ہے۔ آج شام 6 بجے تک عارضی  رپورٹ کے مطابق  142455 سیشن کے ذریعے 6826898 فیض یافتگان کو ٹیکہ لگایا جا چکا ہے۔ ان میں 5665172طبی کارکن ( 57.4) فیصد اور 1161726 فرنٹ لائن ورکر(13.2فیصد) شامل ہیں۔

کووڈ-19 ٹیکہ کاری کی ملک گیر مہم کے 26ویں دن آج شام 6 بجے تک کُل 215133 فیض یافتگان کو ٹیکہ لگایا گیا۔ ان میں 54834طبی کارکنوں اور 160299 فرنٹ لائن ورکر شامل ہیں۔دن کی حتمی رپورٹ دیر رات تک مکمل ہو جائے گی۔ آج شام 6 بجے تک 7707 سیشن منعقد کئے گئے۔

آج 33 ریاستوں ؍ مرکز کے زیر انتظام علاقوں میں کووڈ ٹیکہ کاری کی گئی۔

13 ریاستوں ؍مرکز کے زیرانتظام علاقوں میں رجسٹر طبی کارکنوں میں سے 65 فیصد سے زیادہ کو ٹیکہ لگایا جا چکا ہے۔ یہ ہیں بہار، تریپورہ، مدھیہ پردیش، اڈیشہ، اتراکھنڈ، ہماچل پردیش، لکش دیپ، کیرالہ، میزورم، چھتیس گرھ، اترپردیش، انڈمان نکوبار جزائراور راجستھان ۔

دوسری طرف 7 ریاستوں ؍ مرکز کے زیر انتظام علاقوں میں رجسٹرڈ طبی کارکنوں میں سے 40فیصد سے کم کو ٹیکہ لگایا جا چکا ہے۔ یہ ہیں، پنجاب، میگھالیہ، چنڈی گڑھ، تمل ناڈو، منی پور، ناگالینڈ اور پڈوچیری۔

جن 10 ریاستوں میں سب سے زیادہ ٹیکہ کاری ہوئی، وہ ہیں: گجرات، مدھیہ پردیش، مہاراشٹر، کرناٹک، چھتیس گڑھ، راجستھان، مغربی بنگال، اڈیشہ، تمل ناڈو اور بہار۔ اب تک کل 30 افراد کو اسپتال میں داخل کرایا گیا ہے۔

اب تک 30 لوگوں کو اسپتال میں داخل کرانا پڑا ہے، جو کُل ٹیکہ کاری کا 0.0004فیصد ہے۔ جن 30 لوگوں کو اسپتال میں داخل کرایا گیا تھا، ان میں سے 19 کو علاج کے بعد چھٹی دی جا چکی ہے، جبکہ 9 لوگوں کی موت ہوئی ہے اور 2 کا علاج جاری ہے۔ پچھلے 24 گھنٹے میں اینا فلیکسز سے متاثر ایک شخص  کو پڈوچیری کے جے آئی پی ایم ای آر  ہاسپٹل میں داخل کرایا گیا ہے اور اس کی حالت مستحکم ہے۔  

اب تک کُل 23 اموات ہوئی ہیں۔ یہ کُل کووڈ -19 ٹیکہ کاری کا 0.0003فیصد ہے۔ 23 میں 9 لوگوں کی موت اسپتال میں جبکہ 14 اموات اسپتال سے باہر ہوئی ہیں۔

پچھلے 24 گھنٹے میں کوئی نئی موت نہیں ہوئی ہے۔

آج تک منفی اثرات کے تعلق سے سنگین معاملات یا موت کا کوئی بھی معاملہ ٹیکہ کاری سے جڑا ہوا نہیں ہے۔

*************

( ش ح ۔ف ا۔  ک ا)

U. No. 1603