पंतप्रधान कार्यालय
पंतप्रधान 17 फेब्रुवारीला तामिळनाडूतील इंधन व वायू क्षेत्रातील महत्वाच्या प्रकल्पांची पायाभरणी व राष्ट्रार्पण करणार
Posted On:
15 FEB 2021 10:21PM by PIB Mumbai
नवी दिल्ली, 15 फेब्रुवारी 2021
पंतप्रधान तामिळनाडूतील इंधन व वायू क्षेत्रातील महत्वाच्या प्रकल्पाची पायाभरणी व राष्ट्रार्पण 17 फेब्रुवारी रोजी संध्याकाळी 4.30 वाजता दूरस्थ पद्धतीने करणार आहेत. पंतप्रधान यावेळी रामनाथपुरम-थुथूकुडी चेन्नई पेट्रोलियम कॉर्पोरेशन लिमिटेडचा नैसर्गीक वायू पाईपलाईन व गॅसोलाईन डिसल्फरायझेशन युनिट, मनाली हे राष्ट्राला अर्पण करतील. तसेच नागपट्टीनम कावेरी बेसिन रिफायनरी प्रकल्पाची पायाभरणी देखील करतील.
या प्रकल्पांमुळे लक्षणीय सामाजिक आर्थिक लाभ होतील व देशाची उर्जा आत्मनिर्भरतेकडे वाटचाल सुकर होईल. तामिळनाडूचे राज्यपाल व मुख्यमंत्री व केंद्रीय पेट्रोलियम आणि नैसर्गीक वायू मंत्रीही या समारंभाला उपस्थित असतील.
प्रकल्पाची माहिती
एन्नोर-थिरुवल्लूर-बंगळुरू-पुद्दुचेरी- नागापट्टनम- मदुराई-तुतीकोरीन यामधील रामनाथपुरम-थूथुकुडी विभागात (143 किमी) 700 कोटी रुपये खर्चून गॅस पाईपलाईन टाकली जाणार आहे. यामुळे ONGC वायू क्षेत्रातून नैसर्गीक वायू घेणे व उद्योग तसेच व्यावसायिक ग्राहकांना कच्चा माल म्हणून पुरवणे शक्य होईल.
चेन्नई पेट्रोलियम कॉर्पोरेशन लिमिटेडचे गॅसोलीन डीसल्फरायझेशन युनिट (CPCL), मनाली 500 कोटी रुपये खर्चून उभारले आहे. त्यातून लो सल्फर ( 8 ppm पेक्षा कमी), पर्यावरणस्नेही गॅसोलिन यांचे उत्पादन होईल.
नागापट्टणम येथील कावेरी खोरे तेलशुद्धीकरण कारखाना हा वार्षिक 9 दशलक्ष मेट्रिक टनाची क्षमता असलेला कारखाना आहे. IOCl व CPCL च्या संयुक्त भागीदारीत उभारलेल्या या प्रकल्पाची अंदाजित किंमत 31,500 कोटी रुपये आहे. BS-VI नियमांनुकुल स्पिरिट व डिझेलचे उत्पादन येथे होईल व त्याशिवाय पॉलिप्रोपीलीनचेही उत्पादन घेता येईल.
M.Chopade/V.Sahjrao/P.Malandkar
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(Release ID: 1698282)
Visitor Counter : 223
Read this release in:
Assamese
,
English
,
Urdu
,
Hindi
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam