কোবিদ১৯দগী ঙাকথোক্নবা বেক্সিন কাপখিবা হেল্থকিয়র অমসুং ফ্রন্তলাইন ৱার্করশিংগী মথং মথং হেনগৎলক্লিবা মশিং অসি ঙসি লাখ ৮৫ হেনখ্রে। প্রোবিজনেল রিপোর্তকী মতুং ইন্না ঙসি নুমিদাং পুং ৬ ফাওবা সেসন ১,৮৩,৬৬৪গী খুত্থাংদা বেনিফিসরী ৮৫,১৬,৭৭১ বেক্সিন কাপখ্রে। মসিদা অহানবা দোজ কাপখিবা ঐচ.সি.দবল্যু. ৬০,৫৭,১৬২ অমসুং অনিশুবা দোজ কাপখিবা ঐচ.সি.দবল্যু. শুখ্রে লোইননা এফ.এল.দবল্যু ২৩,৬১,৪৯১ (অহানবা দোজ) য়াওখি। অমরোমদনা ২০২১গী জনুৱারী ১৬তা লৈবাক শিনবা থুংনা বেক্সিনেসন দ্রাইভ রোল আউৎ তৌখি, এফ.এল.দবল্যু.গী বেক্সিনেসন্না ২০২১গী ফেব্রুৱারী ২দগী হৌখি।

লৈবাক শিনবা থুংনা পাঙথোকপা কোবিদ১৯গী বেক্সিনেসন প্রোগ্রামগী কুনথ্রা মাথোইশুবা নুমিৎ ওইরিবা ঙসিগী নুমিদাং পুং ৬ ফাওবা পুন্না বেনিফিসরী ২,৩১,৪৭৬ বেক্সিন কাপখ্রে। প্রোবিজনেল রিপোর্তকী মতুং ইন্না, মসিগী মনুংদা বেনিফিসরী ১,৫৭,৯১৯ অহানবা দোজ কাপখ্রে অমসুং ঐচ.সি.দবল্যু. ৭৩,৫৫৭ অনিশুবা দোজ কাপখ্রে। অরোইবা রিপোর্ত ঙসি নুমিদাং অথেংবদা মপুং ফংগনি।

ঙসিগী নুমিদাং পুং ৬ ফাওবা সেসন ৯,৯৩৫ পাঙথোকখ্রে। 

ঙসি কোবিদ বেক্সিনেসন অসি রাজ্য/য়ু.তি. পুম্নমক্তা পাঙথোকখি।

রাজ্য/য়ু.তি. ১৪দা রেজিস্তর তৌখিবা ঐচ.সি.দবল্যু.শিংগী ৭০%দগী হেন্না বেক্সিন কাপখ্রে। মখোয় অদুদি –বিহার, লক্ষদীপ, ত্রিপুরা, ওরিশা, মধ্য প্রদেশ, উত্তরাখন্দ, হিমাচল প্রদেশ,  ছত্তিসগর, উত্তর প্রদেশ, ঝার্খন্দ, কেরেলা, রাজস্থান, মিজোরাম অমসুং সিক্কিমনি।

নাকল অমরোমদনা, রাজ্য/য়ু.তি. মঙাদা রেজিস্তর তৌখিবা ঐচ.সি.দবল্যু.শিংগী ৪০% দগী তানা কভর তৌবগী রিপোর্ত তৌরকখ্রে। মখোয় অদুদি তামিল নাদু, পঞ্জাব, চান্দিগর, নাগালেন্দ অমসুং পুদুচেরীনি।

বেক্সিন কাপখিবা বেনিফিসরীশিংগী মশিং খ্বাইদগী ৱাংনা রিপোর্ত তৌরকখিবা রাজ্য ১০ অদুদি উত্তর প্রদেশ, জম্মু অমসুং কাশ্মির, ৱেস্ত বেঙ্গল, কর্নাতকা, মহারাস্ত্র, গুজরাত, চত্তিসগর, ঝার্খন্দ, তামিল নাদু অমসুং মধ্য প্রদেশনি।

হৌজিক ফাওবদা পুন্না মীওই ৩৫ হোস্পিতালদা পুখৎখ্রে। মসি বেক্সিন কাপখ্রবা মীওইগী অপুনবগী ০.০০০৪% ওইরি। হোস্পিতালদা পুখৎলকখিবা কেস ৩৫গী মনুংদা ২১ লায়েং চত্থরবা মতুং দিসচার্জ তৌখ্রে অমরোমদা মীওই ১১ লৈখিখ্রে অমসুং ৩না লায়েং চত্থরি। হৌখিবা পুং ২৪দা সেন্ত্রেল রেতিনেল বেন ওকক্ল্যুসন নাবা মীওই অমা এম.পি., ইন্দোরগী বোম্বে হোস্পিতালদা বি.পি. ৱাংবনা মরম ওইদুনা পুখৎলকখ্রে।

ঙসি ফাওবদা পুন্না লৈখিদবা ২৮ রেকোর্দ তৌখ্রে। মসি বেক্সিন কাপখ্রবা মীওইগী অপুনবগী ০.০০০৩% ওইরি। মীওই ২৮ অসিগী মনুংদা মীওই ১১ হোস্পিতালদা লৈখিদে অমরোমদা লৈখিদবা ১৬না হোস্পিতালদা ওইখিদে হায়না রেকোর্দ তৌরকখ্রে।

ঙসি ফাওবদা বেক্সিনেসনগা মরী লৈনবা অরুবা/অকনবা এ.ই.এফ.আই./লৈখিবগী কেস অমত্তা লৈতে।

হৌখিবা পুং ২৪দা য়ু.পি.গী দিওরিয়াদগী চহি ৫৩শুরবা মীওই অমা লৈখিদবগী রিপোর্ত তৌরকখ্রে। মীওই অসি অনিশুবা দোজকী বেক্সিন কাপখ্রবা মতুংদা খঙহৌদনা শ্বর হোনবা ৱারকপা অমসুং থবাক নারকখি অমসুং হোস্পিতালদা শীরগা পুখৎলকখি। মহাক্কী পোস্ত-মোর্তেম পাঙথোকখ্রে অমসুং রিজল ঙাইরি।

****