ঙাকশেল মন্ত্রী শ্রী রাজনাথ সিংহনা ফেব্রুৱারী ১৫, ২০২১দা নই দিল্লীদা রিপব্লিক দে পরেদ ২০২১গী খ্বাইদগী অথোইবা মার্কচিং কেন্তিঞ্জেন্তশিংদা ত্রোফীশিং খৎশিন্নখ্রে। ত্রাই-সর্ভিসেসকী ওইনা জাত রেজিমেন্তল সেন্তরনা খ্বাইদগী অথোইবা মার্চিং কন্তিঞ্জেন্তগী ত্রোফী ফংখ্রে, অমরোমদনা সেন্ত্রেল আর্মদ পুলিস ফোর্সেস (সি.এ.পি.এফ.) অমসুং অতোপ্পা ওজিলিয়রী সর্ভিসেসকী ওইনা দিল্লী পুলিসনা খ্বাইদগী অথোইবা মার্চিং কন্তিঞ্জেন্তগী মনা ফংবা ঙমখ্রে। জাত রেজিমেন্তল সেন্তরগী মহুৎ শিনদুনা ব্রিগেদিয়র অদার্শ কে বুতেল অমসুং সুবেদার মেজত (ওনররী কেপ্তেন) বিরেন্দ্রনা ত্রোফী অদু লৌখি অমসুং দিল্লী পুলিসকী মহুৎ শিনদুনা স্পেসিএক কম্মিসনর ওফ পুলিস শ্রী রোবিন হিবু অমসুং এসিস্তেন্ত কম্মিসনর ওফ পুলিস শ্রী বিবেক ভগৎ, কম্মান্দরনা ত্রোফী লৌখি। কন্তিঞ্জেন্ত অনি অসি জজশিংগী পেনেল অনিগী এসেসমেন্তদা য়ুম্ফম ওইরগা খনখিবনি।

থৌরম অসিদা ৱা ঙাংলদুনা ঙকশেল মন্ত্রীনা ত্রোফীশিং অসি লৌবদা জাত রেজিমেন্তল সেন্তর অমসুং দিল্লী পুলিসপু থাগৎপা ফোঙদোকখ্রে, অমসুং ফংলিবা ইকাই খুম্নবা মখোয়না কন্না হোৎনবা অমসুং কত্থোকপা অদুগী খুদম অমনি হায়খ্রে। মহাক্না জজশিংগী পেনেলশিংনা রাজপথতা পাঙথোকখিবা রিপব্লিক দে পরেদকী মনুংদা অশোইবা য়াওদনা চপ মান্না নীংথিজনা মার্চ তৌখিবা কন্তিঞ্জেন্ত পুম্নমক্কী মরক্তগী অথোইবা কন্তিঞ্জেন্ত অনি খনবগী অরুবা থৌদাং লৌখিবদা থাগৎপা ফোঙদোকখ্রে। মহাক্না জাত রেজিমেন্তল সেন্তরগী মথৌনা-মরিংজেল অদু থাগৎখ্রে লোইননা দিল্লী পুলিসশিংনা অহেনবা থৌদাংশিং অসি মপুং ফানা পাঙথোকখিবগীদমকসু থাগৎখ্রে।

শ্রী রাজনাথ সিংহনা হায়, “দিল্লী অসি রিপব্লিক ওফ ইন্দিয়াগী মরু ওইবা সেন্তরনি মরম অসিনা ঐখোয়গী মায়োক্তা লৈরিবা মীওইশিংগী তার্গেৎ ওইরি। ইন্তর্নেল অমসুং এক্সতর্নেল থ্রেৎশিংদগী লৈবাক্কী কোনুং অসিবু ঙাকশেল পীবা অমসুং অশোই-অঙাম থোকহনদনবা হোৎনবা অসিগী মথক্তা দিল্লী পুলিসনা লেপ্তনা অথোইবা মার্চিং কন্তিঞ্জেন্তগী ত্রোফী ফংবা অসি শীংথানিংঙাই ওই।”

খ্বাইদগী অরিবা অমসুং অচৌবা দেমোক্রেসী ওইরিবা ভারত অসি  নাৎ অমসুং ধর্ম মখল কয়াগী লম অমনি হায়না ফোঙদোক্লদুনা ঙাকশেল মন্ত্রীনা হায় রিপব্লিক দে পরেদ মনুংদা তোঙান তোঙানবা কন্তিঞ্জেন্তশিংনা মার্চ পাস্ত চৎখিবা অসিনা লৈবাক অসিগী য়ুনিতী ইন দাইভর্সিতীগী মশক তাক্লি অমসুং সেক্যুরিতী ফোর্সশিংনা লৈবাক অসিগী চাউথোকচরিবা অমসুং শেমশারিবা অদুগী ৱাখল্লোন তাক্লি। দিফেন্স ফোর্সশিং অসিনা ‘শান্তি লৈবা মতমদা নখোয়না  অৱাবগী হুমাং তারবদি, লানগী মতমদা ঈ তাবা হন্থগনি’ হায়বা লাইৱা অসি ময়েক শেংনা খংঙি হায়না ফোঙদোক্লদুনা শ্রী রাজনাথ সিংহনা হায়, “ঐখোয়গী ফোর্সশিংনা মতম পুম্বদা শান্তি অমসুং ইংচিকপা অমদি য়ুনিতী অমসুং ইন্তিগ্রিতী লৈহন্নবা হোৎনখি।”

ঙাকশেল মন্ত্রীনা হায় কোবিদ-১৯ শন্দোরকপনা মরম ওইরগা থমখিবা অথিংবশিং লৈজরবসু ফোর্সশিংনা থৱায় য়াওনা অমসুং পুক্নিং লুপ্না রাজপথতা মার্চ তৌখিবা অসি লৈবাক অসিগী চাউথোকচনবা হিরম অমনি।

দিফেন্স স্তাফকী চীফ জেনরেল বিপিন রাৱৎ, নেভেল স্তাফকী চীফ এদমিরে করম্বির সিংহ, এয় স্তাফকী চীফ এয়র চীফ মর্শেল আর. কে. এস. ভাদৌরিয়া, আর্মী স্তাফকী চীফ জেনরেল এম.এম. নরাবনে, দিফেন্স সেক্রেতরী দা. অজে কুমর, দিপার্তমেন্ত ওফ দিফেন্স আর এন্দ দিগী সেক্রেতরী অমসুং চিয়রমেন দিফেন্স রিসর্চ এন্দ দিবেলপমেন্ত ওর্গনাইজেসন (দি.আর.দি.ও.)গী দা. জি. সথিশ রেদ্দী অমসুং ঙাকশেম মন্ত্রালয়গী মকোক থোংবা সিবিল অমসুং মিলিতরী ওফিসিএলশিং অমসুং গৃহ মন্ত্রালয়গী মকোক থোংবা ওফিসরশিংনা থৌরম অসিদা শরুক য়াখ্রে।

*****