কেরলাগী রাজ্যপাল শ্রী আরিফ মোহম্মদ কান, কেরলাগী মুখ্য মন্ত্রী শ্রী পিনারায়ি বিজায়ন, ঐহাক্কী কেবিনেৎকী লোয়ন্নরিবা শ্রী ধর্মেন্দ্র প্রধান, স্তেতকী মিনিস্তর শ্রী মনসুখ মন্দাবিয়া জি, স্তেতকী মিনিস্তর শ্রী মুর্লিধরন জি,

দিগ্নিতরি ওফ দ দাইস,

মরুপশিং,

নামাস্করম কোচি। নামাস্করম কেরলা। আরাবিয়ান শমুদ্রগী রানি অসি মতম লৈবা খিবিক্তা ফজদুনা লৈরি। অদোম পুম্বগী মরক্তা লৈবা ফংবা অসি য়াম্না নুঙাইজৈ। ঙসিদি ঐখোয় মফম অসিদা চাওখৎ থৌরাংগীদমক পুল্লি। কেরলা অমসুং ইন্দিয়াগী চাওখৎ থৌরাংগীদমক। ঙসি হৌদোক্লিবা থবকশিং অসিনা পাক-চাওরবা মফম কয়া অমা কল্লি। মখোয় অসিনা ইন্দিয়াগী চাওখৎপগী লম্বীদা শক্তি পীরি।

মরুপশিং,

চহি অনিগী মমাংদা ঐহাক্না কোচিগী রিফাইনরীদা চৎলুই। মসি ইন্দিয়াগী মতমগা খ্বায়দগী চুনরবা রিফাইনরীনি। ঙসি, কোচিদগী অমুক হন্না, ঐখোয়না জাতিদা কৎলি: কোচিগী রিফাইনরীগী প্রোপিলিন দিরাইবেতিবস পেত্রোকেমিকেলস কম্প্লেক্স। মসিগী প্রোজেক্ত অমা অসিনা ঐখোয়গী খোঙচৎ আত্মানির্ভর ওইহনবদা শক্তি পীবদা মতেং পাংগনি। মসিগী কম্প্লেক্স অসিদা থাগৎপা ফোংদোকচরি, মীরমগী একচেঞ্জ কল্লগনি। ইন্দস্ত্রী কয়া অমা লিংখৎলগনি অমসুং থবক্কী খুদোংচাবা কয়া অমসু ফংলগনি।

মরুপশিং,

কোচি অসি ত্রেদ অমসুং কম্মর্সকী সহরনি।সহর অসিগী মীওইশিংনা খঙই মদুদি মতম অসি মশানা পুজবনি। মখোয়না মফম চানা লম্বী ফাওনবগীদমক থাগৎপা ফোংদোক্লি। মরম অদুনা রো-রো ভেসেল অসি জাতিগী ওইনা মরু ওই। কিলোমিতর ৩০ শাংবা লম্বী অসি ঈশিং লম্বীদা কিলোমিচর ৩.৫ খক্তমক ওইরি। মসিনা তাকপদি: খুদোংচাবা হেনগৎলক্লি। কম্মর্স মথক কারক্লি। কেপাসিতি বিল্দিং হেনগৎলক্লি। চিনবা কোম্লক্লি। পোল্লুসন হন্থরক্লি। পোৎ হোনবগী মমল তারক্লি।    

মরুপশিং,

লমকোইবশিংনা কোচিদা লাক্লিবা অসি কেরলাগী মফমশিং অসি চৎনবা খক্তা নত্তে। মসিগী  চৎনবি, চিঞ্জাক, শমুদ্র মপাল, মার্কেৎকী মফমশিং, পুৱারীগী ওইবা মফমশিং অমসুং লাইনিং-লাইশোনগী ওইবা মফমশিং মুন্না খঙলি। ভারত সরকারনা মফম অসিগী তুরিজমগী ওইবা ইনফ্রাস্ত্রকচর চাওখৎনবা য়াম্না কন্না হোৎনরি। কোচিদা ইন্তর্নেস্নেল ক্রইস তর্মিনেল সাগারিকা হৌদোকপা অসিনা খুদম অমনি। সাগারিকা ক্রইস তর্মিনেল অসিনা নুঙাইবা অমসুং খুদোংচাবা অনিমক পীরি।

মরুপশিং,

ঐহাক্না থা খর অসিদা করিগুম্বা খর উবা ফংলি। মীওই কয়া অমনা ঐঙোন্দা মখোয়গী লোকেলগী ওইবা কোইরুবশিং ইরক্লি অমসুং পিকচরশিং থারক্লি। মালেমগী ওইবা লায়চৎ অসিনা মরম ওইদুনা ইন্তর্নেস্নেলগী ওইবা লমকোইবা থিংখিবদগী, মীয়াম্না মনাক নকপা মফমশিংদা চৎনরক্লি। মসিনা ঐখোয়দা অচৌবা খুদোংচাবা অমা ওইরি। মসিনা অমরোমদা, লোকেল তুরিজমদা পুন্সি মহিং হেনগৎহল্লি। অমরোমদা মসিনা ঐখোয়গী নহাশিংগা অমসুং ঐখোয়গী চৎনবিগা মরী ফগৎহল্লি। মসিদা য়াম্না য়েংগদবা, তমগদবা অমসুং পুথোক্কদবা ময়াম অমা লৈরি। ঐহাক্না ঐখোয়গী নহাশিংদা তকশিল্লি মদুদি তুরিজমগা মরী লৈনবা পোৎশিংদা অনৌবা কয়াঅমা পুথোক্নবা। অদোম্না মসি খঙবদা য়াম্না হরাওগনি মদুদি চহি মঙা অসিদা ইন্দিয়াদা তুরিজম সেক্তর অসিদা য়াম্না চাওখৎপা পুরক্লি। মালেমগী ওইনা য়েংনবদা ইন্দিয়ানা ৬৫শুবা মফমদগী ৩৪গী মফমদা লৈবা ঙম্লে। অদুবু তৌগদবা ময়াম অমা লৈরি অমসুং ঐহাক্না থাজৈ মদুদি হেন্না ফগৎলকখিগনি।     

মরুপশিং,

ইকোনোমিক চাওখৎনবা মওং অমা শেম্বদা মরুওইবা মচাক অনি চংই: কেপাসিতি বিল্দিং অমসুং মতমগা চুনবা ইনফ্রাস্ত্রকচর অমা তুংগীদমক শেম্বা অসিনি। মথংগী ওইবা থবক অসি থীম অসিগা মরী লৈনৈ। ‘বিগ্যান সাগর’অসি কোচি শিপয়ার্দকী অনৌবা লৌশিংগী কেম্পসনি। মসিদা ঐখোয়না ঐখোয়গী হ্যুমেন রিসোর্সকী কোনুং শেম্লি। মফম অসি মেরিন ইঞ্জিনিয়রিং তম্বা পাম্বাশিংদা মরুওইনা মতেং পাংগনি। লাক্কদৌরিবা তুংগী ওইবা কয়াদা ঐহাক্না মফম অসি লুম্না লৌই। নহা ওইরিবশিংনা মফম অসিদা খুদোংচাবা কয়া অমা লৈগনি।

মরুপশিং,

ঙসিদি, ইনফ্রাস্ত্রকচরগী ৱাহন্থোক অমসুং মিয়েং অসি ওল্লে।  মসি অফবা লম্বী খক্তা ওইদ্রে। ঐখোয়না খ্বায়দগী ফবা মচাক অমসুং মগুমশি লাক্কদৌরিবা মীরোল অসিদা য়েংলি। নেস্নেল ইনফ্রাস্ত্রকচরগী পাইপলাইন্দা, লুপা করোর চাম্মা অমসুং লাখ তরা ইনফ্রা ক্রীএসন্দা থাদরি।  মসিদা  মরুওইনা শমুদ্র মপাল, অৱাং নোংপোক অমসুং চীংগী মফমশিংদা পুক্নিং চংলি। অসুম্না ইন্দিয়ানা ব্লু ইকোনোমীদা চাওখৎনবা কন্না হোৎনরি। সেক্তর অসিদী ঐখোয়গী মিয়েং অমসুং থবকশিং অদুদি: শরুক অয়াম্বা। হৌজিক লৈরিবা হিদাংফমশিং অসিগী ইনফ্রাস্ত্রকচর শেমগৎপা। ওফ শোর ইনর্জি।শমুদ্র মপাল চাওখৎহনবা অমসুং শম্নহনবা। প্রধান মন্ত্রী মাতসায়া সাম্পাদা য়োজনা স্কীম অসি মসিগী মখল অমনি। মসিগী স্কীম অসিনা ঙা ফাবশিংদা কান্নবা পীরি। ঙা ফাবশিংনা কিসান ক্রেদিত কার্দকা শম্নরি। মসিগা মান্ননা ইন্দিয়া অসি শমুদ্রগী চিঞ্জাকশিং অসি মীরমদা থাদোক্নবগী হব অমা ওইনবা হোৎনরি। ঐহাক্না হরাওবা ফাওই মদুদি শিৱিদ থাবা অসি মমিং লৈরক্লি। ঐহাক্না রিসর্সসর অমসুং অনৌবা পুথোকপশিং মখোয়না ঙা ফাবগী লমদা ৱাখল পুথোক্নবা কৌরি।

মরুপশিং,

হন্দক্কী চহি অসিগী বজেৎ অসি কেরলাগী মশক নাইবা লল অমসুং স্কীমসিংদা কৎলগনি। মসিদা কোচি মেত্রোগী ফেজ য়াওরি। মসিগী মেত্রোগী নেতৱার্ক অসি মায় পাক্না চৎলি।

মরুপশিং,

মীওইবনা অমুক্তা উখিদ্রিবা অৱাবা চহি হৌখ্রে। ইন্দিয়ন করোর ১৩০না শক্তি পীদুনা ঐখোয়গী লৈবাক অসিনা কোবিদ-১৯ অসি লান্থেংনখি। সরকারনা গলফতা লৈরিবা ইন্দিয়া মচাশিংগীদমক খল্লি। ইন্দিয়ানা গলফতা লৈরিবা ইন্দিয়া মচাশিংগদমক চাওতোকচবা ফাওই। ঐহাক্না মখোয়গা মতম খর সাওদি আরাবিয়া, কাতার য়ু.এ.ই.দা চৎলুবদা থেংনরকপা অসিদা নুঙাইবা ফাওই। ঐহাক্না মখোয়গা লোয়ননা চাক্লেন চাম্মিন্নরকই, মখোয়গা উন্নরকই। বন্দে ভারত মিসনগী শরুক অমা ওইনা ইন্দিয়ন লাখ য়াঙ্খৈ ময়ুমদা হল্লকখি। অয়াম্বা অমা কেরলাদগীনি। অসিগুম্বা মতমদা মখোয়দা সেবা তৌবা অসি ঐখোয়গী সরকারগী ইকাই খুম্নবনি। চহি খর অসিদা সরকারনা গলফ লৈবাক কয়াদগী ইন্দিয়া মচা ফাদোক থাদোকখি। সরকার অসিনা মতম লৈবা খিবিক্তা অসিগুম্বা অসিদা ৱারী শারি। ঐহাক্না গলফকী লৈবাকশিংবু অসিগুম্বা হিরম অসিদা থাগৎপা ফোংদোক্লি। মখোয়না ইন্দিয়নশিং মফমদা হনখিবদা লুম্না লৌই।

মরুপশিং,

ঐখোয় হৌজিক্তি পুৱারী ওইবা মফম অমদা লৈরে। লাক্কদৌরিবা তুংগী ওইবা মতম কয়াদা ঐখোয়গী থবকশিং অসিনা ঐখোয়গী চাওখৎপা উৎলগনি। ঐখোয়গী প্রজানা মখোয়না তৌবা ঙম্বা অসি উৎনবগী খুদোংচাবা লৌরি। ঐখোয়না অসিগুম্বা খুদোংচাবা অসি হেন্না পুথোকশি। পুন্না ঐখোয়না আত্মানির্ভর ভারত শাগৎমিন্নরশি। অমুক হন্না, ঐহাক্না কেরলাগী মীয়ামদা ঙসি হৌদোক্লিবা অসিগী চাওখৎ-থৌরাং অসিগীদমক থাগৎপা ফোংদোক্লি।

থাগৎচরি। য়াম্না থাগৎচরি।

ওরায়িরাম নন্দি

***