তুরিজম মন্ত্রালয়গী দেখো অপনা দেশ ৱেবিনার সিরিজকী “ভোকেল ফোর লোকেল: এম্পাৱরিং লোকেল কম্ম্যুনিতীজ: গুজরাত এক্সপরিয়েন্স” হায়না মিংথোনবা ৭৬শুবা ৱাবিনার পাঙথোকখ্রে। তুরিজম সেক্তরনা লমদম অসিগী মীয়ামদা শেন্মীৎলোনগী ওইবা অচীবা খুদোংচাবা পীদুনা চাউনা কান্নবা ফংহল্লি। ওন্তোপ্রিনোর্শিপ অসিনা তুরিজমগী খুত্থাংদা থবক্কী খুদোংচাবা পীনবা, শেন্থোক লৈহন্নবা, হিংবগী মওংশিং ফগৎহন্নবা অমদি লমদম অসিগী মীয়ামগী শেন্থোক্কী লৈরিবা থাকশিং অসি ফগৎহন্নবা মরু ওইবা ফেক্তর অমনি হায়না খঙদোকখ্রে। ৱেবিনার অসিদা কেৱারিয়াগী মনাক নকপদা লৈরিবা লমদম অদুগী মীয়াম এম্পাৱরমেন্ত তৌবা, স্তেচ্যু ওফ য়ুনিতীগী মফম অমসুং তুরিজমগী প্রদক্ত ওইরিবা গুজরাতকী ফীশা-লোনশা তৌরিবশিং অসিগী মতাংদা খন্নখ্রে। রাজ্য অসিগী হেন্দিক্রসফকী লেগেসীশিংনা করম্না লমদম অদুগী মীয়ামদা থবক পীবগে হায়বগী মতাংদসু ৱারি শাখ্রে। মসিনা লমদম অদুগী মীয়ামদা থবক্কী খুদোংচাবশিং পীবা খক্তা নত্তনা চহিচা কয়াগী মমাংগী অরিবা আর্ত অমসুং ক্রাফ অসি য়োকখৎপদা মরু ওইবা থৌদাং অমা য়ারি।

ৱেবিনার অসি গুজরাত্তগী রিজনেল লেবেল গাইদ মিস্তর গৌতম বি. পোপৎনা লান্থোকখি। মিস্তর পোপৎ অসি ইন্দিয়ন এয়র ফোর্সতা চহি ২০ মথৌ তৌরকখি অমসুং তুরিজমদা ইন্তরেস্ত লৈবা মীশক অমনি। মিস্তর পোপৎনা গুজরাতকী ফীশা-লোনশা তৌরিবশিংগী অরিবা পুৱারী অমসুং ফীশা-লোনশা তৌরিবা কাংলুপ অমসুং লেগেসীগা মরী লৈনবা ৱাফমশিংগী মতাংদা ৱা ঙাংখি। কেৱারিয়া অসি লমকোইফম অমা ওইবগী অকুপ্পা মরোল অদু মিস্তর ময়ুর্সিনহ রাউলনা পাউদমখি।

কেৱারিয়া – গুজরাতকী তোপ-তোপ্পা অমসুং খ্বাইদগী খোঙজেল য়াংনা চাউখৎলক্লিবা লমকোইবশিংগী লমথুংদম অমনি। মিতর ১৮২ ৱাংবা ভারতকী আইরনমেন সরদার বল্লভভাই পতেল গী মীতম স্তেচ্যু ওফ য়ুনিতী হায়নসু খঙনবা অসি সতপুরা অমসুং বিন্ধ্যাচলগী চীংশাং পরেংশিংগী মরক্তা লৈবা নর্মদা জিলাগী কেৱারিয়াদা লৈ। মসি সরদার পতেলদা মহাক্না মীপুম খুদিংমক পুনশিন্নবা হোৎনরম্বা অদুবু মহাক্কী প্রজা মীয়ামনা ইকাই খুম্নবা উৎপগা লোইননা মহাকপু নীংশিংনবা শেম্বা মফম অমনি।  স্তেচ্যু ওফ য়ুনিতী অসিনা পাক চাউখ্রবা অমসুং নর্মদা তুরেলগী ঈশিং অমসুং শন্দোরক্লিবা সরদার সরোভর দাম অসিদা য়েংথরক্লি। কেৱারিয়া অসি রেল অমদি লম্বী থোংনা মপুং ফানা ফাউনহল্লি। অহমদাবাদতগী স্তেচ্যু ওফ য়ুনিতী ফাওবা সীপ্লেন সর্ভিস লৈ। কেৱারিয়া অসি চহি কাংলুপ খুদিংমক্কা চান্নরবা ফেমিলী দেস্তিনেসন অমা ওইনা শেমগৎখি। অৱা পোত্থফম অমসুং এদভেঞ্চরগী ওইবা এক্তিবিতীশিং অমসুং দাইনো ত্রেল, জঙ্গল সফারি, ভেলী ওফ ফ্লাৱর্স, বত্তরফ্লাই গার্দেন, ভিশ্বা ভন, কক্তস গার্দেন, এক্তা নর্জরী, সাইকল ত্রেকশিং অসিগুম্বা তোঙান তোঙানবা থিম পার্কশিং অসিনা মফম অসি হেন্না মীয়ামগী পুক্নিং চিংশিল্লি।

অনিশুবা প্রজেন্তেসনদা গুজরাতকী ফীশা-লোনশাগী মমল য়াম্লবা লেগেসী অসিগী মতাংদা ওইখি। ইন্দস ভেলী সিবিলাইজেসনদগী হৌনা তেক্সতাইল অসি ভারতকী হেরিতেজকী শরুক অমা ওইদুনা লাকখি। কচ্ছ রিজন, পতান, অহমদাবাদ, সুরেনদ্রনগর, সুরৎ, জামনগর, ৱাধৱন. ভরুছ অমসুং উদৱাদা অসি গুজরাতকী মরু ওইবা তেক্সতাইল অমসুং এমব্রোইদরী সেন্তরশিংনি। ফীশা-লোনশা তৌরিবা নত্ত্রগা তেক্সতাইল মমিং খরদি অজরাখ ব্লোক প্রিন্তিং, খারাদ ৱিভিং, বন্ধানি (তাই এন্দ দাই), অহির এমব্রোইদরী, সুফ এমব্রোইদরী, রোগান পেন্তিং, আরি এমব্রোইদরী, তঙ্গালিয়া ৱিভিং, পতলা ৱিভিং অসিনি। সরকার অমসুং এন.জি.ও.শিংনা মসিগী লোকেল হেন্দিক্রাফশিং অসি য়োকখৎনবা কন্না হোৎনরি। আর্ত অমসুং ক্রাফ অসি হেন্না খঙনবা অখন্নবা তোরশিং, ৱার্কশোপশিং পাঙথোকখি মসিনা লমদম অদুগী মীয়াম খক্তা এম্পাৱর তৌবতা নত্তনা চহি কয়াগী লিরাবা হেরিতেজ অসি য়োকখৎনবা ইনোৎ হাপখি।

দেখো অপনা দেশ ৱেবিনার সিরিজ অসি নেস্নেল ই গভর্মেন্ত দিপার্তমেন্ত, ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয়গা লোইননা তেক্নিকেল পার্তনর ওইদুনা লান্থোকখি। ৱেবিনারগী সেসনশিং অসি হৌজিক https://www.youtube.com/channel/UCbzIbBmMvtvH7d6Zo_ZEHDA/featuredদা ফংগনি অমসুং ভারত সরকারগী তুরিজম মন্ত্রালয়গী সোসিএল মীদিয়া হেন্দল পুম্নমক্তসু ফংগনি।

মথংগী এবিনার অসি ২০২১গী ফেব্রুৱারী ২০গী অয়ুক পুং ১১দা এদভেঞ্চর ত্রেবেলদা পাঙথোক্কনি।

*****