এগ্রীকলচর অমসুং ফার্মরস ৱেলফিয়র, রুরেল দিবলপমেন্ত, পঞ্চায়েত রাজ অমসুং ফুদ প্রোসেসিং ইন্দস্ত্রীগী য়ুনিয়ন মিনিস্তর শ্রী নরেন্দ্র সিংহ তোমারনা হায় মদুদি ইন্দিয়া অসি মালেমসিদা খ্বায়দগী য়াম্না পলসেস পুথোকপা অমসুং চাবা লৈবাক্নি অমসুং মশানা কোন্ননবা পুথোকচরি। হৌখিবা চহি মঙা-তরুক অসিদা, ইন্দিয়ানা পলসেস পুথোকপা অসি তোন লাখ ১৪০দগী তোন লাখ ২৪০ হেন্না পুথোক্লি। ২০১৯-২০গী চহিদা, ইন্দিয়ানা পলসেস তোন মিল্লিয়ন ২৩.১৫ পুথোকখি, মসি মালেমগী ওইনা ২৩.৬২% নি। মিনিস্তরনা রোমদা পাংথোকপা মালেমগী ওইবা পলসেস নুমিৎকী ইন্তর্নেস্নেল ওইবা থৌরম অমদা ভর্চুএল ওইনা শরুক য়াখি।

পলসেসকী মরুওইবা অসিগী মতাংদা ৱা ঙাংলদুনা শ্রী তোমারনা হায় মদুদি পলসেস অসি মচি য়াম্না য়াওবা অমসুং প্রোতিন মরাং কাইনা য়াওই, মসি ইন্দিয়াগুম্বা মনা-মশীং চাবা লৈবাক্কীদমক য়াম্না মরু ওইবা চিঞ্জাক অমনি। পলসেস অসি ঈশিং য়াম্না চংদবা অমসুং নোং লিক্না তাবা অকংবা মফমদা চুন্নৈ। মসিনা নাইত্রোজেন পুথোক্তুনা লৈহাও ফগৎহল্লি, হার য়াম্না চংহন্দে অমসুং মরম অসিনা গ্রীনহাউস গ্যাস পুথোকপা হন্থৈ।

শ্রী তোমার সিংহনা হায় মদুদি হৌজিক ভারত সরকারনা পলসেস থান্নবা লৌখৎলিবা খোঙথাং অসি লৈবাক অসিদা মসিগী অৱাৎপা অসি লৈতনবনি। পলসেসনা ইন্দিয়নশিংগী প্রোতিনগী অৱাৎপা অসি মেনখৎলিবা মরম্না, মসি ইন্দিয়গী এগ্রীকলচরদা চাওরবা মচাক অমা ওইহল্লি। মহাক্না অমুশু হায় মদুদি, “পলসেসনা ঐখোয়গী নেস্নেল ফুদ সেক্যুরিতিগী মিসন অমসুং অতৈ মপুং ওইবা মহৈ-মরোংগী পাম্বৈ ওইগনি”।

এগ্রীকলচরগী লৌরিবা খোঙথাং অসিদা ৱা ঙাংলদুনা শ্রী তোমারনা হায় মদুদি ইন্দিয়া অসি অপিকপা অমসুং অখন্নবা লৌমী ৮৬%খক্তা ওই, এফ.পি.ও.না মখোয়দা অঙম্বা মতেং পীরি। সরকার অসিনা চহি মঙা অসিদা অনৌবা এফ.পি.ও. ১০,০০০ অমা লুপা করোর ৬,৮৫০ চংনা শেমগৎকদৌরি। খোঙথাং অসিনা লৌমীশিংদা মরু পুথোকপা, লৈবা অমসুং হেন্না ফবা তেক্নোলোজি শিজিন্নবা ঙমগনি। লৈহাও ফগৎহনবতা নত্তনা ভারত সরকারনা ঈশিং মতিক চানা শিজিন্নবা প্রধান মন্ত্রী শ্রী নরেন্দ্র মোদীগী লৌখৎলিবা খোঙথাংদা পুক্নিং থৌগৎলি।

ইন্দিয়ন কাউন্সিল ওফ এগ্রীকলচরেল রিসর্স (আই.সি.এ.আর.)বু থাগৎপা ফোংদোক্তুনা মিনিস্তরনা হায় মদুদি আই.সি.এ.আর.না লৌখৎলিবা রিসর্স অমসুং চাওখৎপগী থৌওংশিং অসিনা পলসেস পুথোকপা হেনগৎপদা চাওরবা থৌদাং কয়া অমা লৌরি। মহৈ-মরোং পলসেস্তা রিসর্স তৌবা অসিনা অনৌবা স্পাইসেস অমা পুথোকপদা অনৌবা মাইওন অমসুং অমুক্তা থোকখিদ্রিবা অমা ওইরি। চহি মঙা অসিদা শেমগৎলবা পোত্থোক ফরবা স্পাইসেস ১০০ হেন্না পুথোকখ্রে।

পলসেস অসিগী মরুওইবা অসি পুথোক্লদুনা শ্রী তোমারনা হায় মদুদি ইন্দিয়াদা পলসেস অসি নেস্নেল ন্যুত্রীসন মিসনগী মখাদা আঙ্গানৱাদী সেন্তর করোর ১.২৫ লোমদা য়েন্থোক্লি। দোকদাউন্দ মনুংদা সরকারনা মীওই করোর ৮০রোমদা পলসেস য়েন্থোকখি। মিনিস্তরনা হায় মদুদি কোবিদকী লুরবা তাঞ্জা অসিদা মালেমদা চিঞ্জাক্কী পোৎলম কয়া অমা য়েন্থোকখি। মমাং চহিগা চপ মান্ননা চাংদম্নদুনা য়েংবদা ২০২০গী এপ্রিলদগী দিসেম্বর ফাওবদা ইন্দিয়ানা পলসেস পুথোকপা ২৬% হেনগৎখি। মসিদা শিং, অমুবা পিপর, এলাইচি, য়াইঙংনচিংবা অসি ইন্দ্রী ফগৎহনবা মরম্না মপাল লমদা পুথোকপা য়াম্না হেনগৎখি। সরকার অসিনসু লৌউবা অসি য়াম্না লুম্না লৌরি। মরম অদুনা এগ্রীকচরগী বজেৎ অসি লৈবাক অসিদা শরুক ৫ থোক্না হেনগৎলি, হায়রিবা অসিনা হৌজিক লুপা করোর ১.২৫ ওইরি।

মিনিস্তরনা হায় মদুদি সরকার অসিনা এগ্রীকলচর সেক্তর অসি চাওখৎনবা মাইকৈ খুদিংদগী খোঙথাং কয়া অমা লৌখৎলি। পি.এম. কিসান সামান নিধি য়োজনাগী মখাদা লৌমী করোর ১০.৫ হেনবগী বেঙ্ক একাউন্তদা লুপা করোর ১.১৫ হাপখ্রে। অত্মানির্ভর ভারত আভিয়ানগী মখাদা এগ্রীকলচর ইনফ্রাস্ত্রকচর ফন্দ ওইনা লুপা করোর লাখ ১ ৱেয়রহাউস, কোলদ স্তোরেজ, চিঞ্জাক লিনবগীদমক লিংখৎখ্রে।

মালেমগী ওইবা পলসেস নুমিৎ অসি ২০১৬ চহিগী য়ুনাইতেৎ নেসন চার্তরগী মতুং ইন্না পাংথোকপনি। পোপ ফ্রান্সিস, ক্যু.য়ু. দোংয়ু, এফ.এ.ও.-য়ু.এন. দাইইরেক্তর জেনেরেল, শ্রী তাঙ রেনজেৱ, মিনিস্তর ওফ এগ্রীকলচর অমসুং রুরেল এফিয়র্স, রিপব্লিক ওফ চাইনা, শ্রী জুলিন দেনোরমেদি, মিনিস্তর ওফ এগ্রীকলচর অমসুং ফুদ, গবর্নমেন্ত ওফ ফ্রান্স, মিনিস্তর ওফ এগ্রীকলচর, গবর্নমেন্ত ওফ আর্জেন্তিনা দাঃ আগ্নিস কালিবাতা শিংনা থৌরম অসিদা শরুক য়াখি।

********