য়ুমলৈ-কৈরৈ মন্ত্রালয়

য়ুনিয়ন হোম মিনিস্তর শ্রী অমতি সাহনা লুচিংবা হায় লেবেল কমিতিনা রাজ্য/য়ু.তি মঙাদা লুপা কোতি ৩,১১৩.০৫গী কেন্দ্রগী অহেনবা শেন্থং পীবা অয়াবা পীরে

২০২০ মনুংদা থোকখিবা ঈশিং-ইচাউশিং/নোংলৈ-নুংশিৎশিং/তিল-কাংনা লান্দারকপগী ফন্দশিং অন্ধ্র প্রদেস, বিহার, তামিল নাদু, পুদুচেরি অমসুং মৈধ্য প্রদেসনা ফংগনি

Posted On: 13 FEB 2021 10:53AM by PIB Imphal

য়ুনিয়ন হোম মিনিস্তর শ্রী অমতি সাহনা লুচিংবা হায় লেবেল কমিতিনা নেসনেল দিজাস্তার রেন্সপোন্স ফন্দগী মখাদা ২০২০ মনুংদা ঈশিং-ইচাউশিং/নোংলৈ-নুংশিৎশিং(নিভার অমসুং বুরেভি)/তিল-কাংনা লান্দারকপদগী অৱাবা নংলবা রাজ্য মঙাদা কেন্দ্রগী অহেনবা শেন্থং পীবা য়ারে। কেন্দ্রগী অহেনবা শেন্থং অসি অয়াবা পীরদুনা, শ্রী অমিত সাহনা হায়খি প্রধান মন্ত্রী শ্রী নরেন্দ্র মোদীগী লমজিং মখাদা হায়রিবা মহৌশাগী অমাং-অতাশিং থেংনখিবা অন্ধ্র প্রদেস, বিহার, তামিল নাদু, পুদুচেরি অমসুং মৈধ্য প্রদেসকী মীয়ামদা মতেং পাংনবা ৱারেপ লৌখিবনি।

কমিতি অসিনা নেসনেল দিজাস্তার রিক্স মেনেজমেন্ত ফন্দ (এন দি আর এম এফ)দগী লুপা কোতি ৩,১১৩.০৫গী কেন্দ্রগী অহেনবা শেন্থং পীনবা অয়াবা পীখিবনি। অকুপ্পশিং মখাদা লৈরে:

  • অন্ধ্র প্রদেস-সাউথ ৱেস্ত মোন্সুন-২০২০দা ইচাউ থোকখিবগী লুপা কোতি ২৮০.৭৮
  • বিহার- সাউথ ৱেস্ত মোন্সুন-২০২০দা ইচাউ থোকখিবগী লুপা কোতি ১,২৫৫.২৭
  • তামিল নাদু- নোংলৈ-নুংশিৎ ‘নিভার-২০২০’গী লুপা কোতি ৬৩.১৪ অমসুং নোংলৈ-নুংশিৎ ‘বুরেভি-২০২০’গী লুপা কোতি ২৩৩.৭৭। অপুনবা লুপা কোতি ২৮৬.৯১
  • য়ু.তি পুদুচেরি- নোংলৈ-নুংশিৎ ‘নিভার-২০২০’গী লুপা কোতি ৯.৯১
  • মৈধ্য প্রদেস-কালেন লৌরোক-২০২০দা তিল-কাংনা লান্দারকপগী লুপা কোতি ১,২৮০.১৮

অৱাবা নংলবা রাজ্য সরকারশিংদগী মেমোরেন্দম ফংবা ঙাইদনা কেন্দ্র সরকারনা অৱাবা তারবা রাজ্যশিংদা খুদক্তা ইন্তর-মিনিস্ত্ররিয়েল সেন্ত্রেল তিমশিং থাখি।

শেনবা চহি ২০২০-২১ মনুংগী মথক্তা, হৌজিক ফাওবদা, কেন্দ্র সরকারনা স্তেৎ দিজাস্তার রিক্স মেনেজমেন্ত ফন্দদগী রাজ্য ২৮দা লুপা কোতি ১৯০৩৬.৪৩ পীখে অমসুং এন.দি.আর.এম.এফতগী রাজ্য ১১দা লুপা কোতি ৪,৪০৯.৭১ পীখ্রে।

***



(Release ID: 1697698) Visitor Counter : 4