नवी दिल्ली, 12 फेब्रुवारी 2021

कोविड-19 प्रतिबंधक लसीकरण मोहिमेअंतर्गत लसीकरण झालेल्या आरोग्य कर्मचाऱ्यांची आणि आघाडीवरील कर्मचाऱ्यांची संख्या आज 77.66 लाखांवर पोहोचली आहे. आतापर्यंत लसीकरणाच्या 1,63,587 सत्रांमध्ये 77,66,319 लाभार्थ्यांचे लसीकरण करण्यात आले. यामध्ये 58,65,813 आरोग्य कर्मचारी(58.9%) आणि प्रमुख आघाड्यांवर काम करणाऱ्या 19,00,506  (21.2%) कर्मचाऱ्यांचा  समावेश होता.

आजच्या 28 व्या दिवशी संध्याकाळी 6 वाजेपर्यंत एकूण 2,61,309  लाभार्थ्यांचे कोविड19 प्रतिबंधक लसीकरण करण्यात आले. यामध्ये 50,837  आरोग्य कर्मचारी आणि प्रमुख आघाड्यांवर काम करणाऱ्या 2,10,472  कर्मचाऱ्यांचा  समावेश होता. आज रात्री उशिरा लसीकरणाचा अंतिम अहवाल पूर्ण करण्यात येईल.

35 राज्ये/ केंद्रशासित प्रदेशांमध्ये आज कोविड प्रतिबंधक लसीकरणाचे आयोजन करण्यात आले.

बारा  राज्ये/ केंद्रशासित प्रदेशांनी, नोंदणी केलेल्या आरोग्य कर्मचाऱ्यांपैकी 70%  हून अधिक कर्मचाऱ्यांचे लसीकरण पूर्ण केले. ही राज्ये आहेत- बिहार, त्रिपुरा, मध्य प्रदेश, ओदिशा, उत्तराखंड, छत्तीसगड, हिमाचल प्रदेश, केरळ, लक्षद्वीप, मिझोराम, राजस्थानआणि सिक्कीम

तर दुसरीकडे आठ राज्ये/ केंद्रशासित प्रदेशांनी नोंदणीकृत आरोग्य कर्मचाऱ्यांपैकी 40 टक्कयांपेक्षा कमी कर्मचाऱ्यांचे लसीकरण केले आहे. दिल्ली ,  मेघालय, पंजाब, चंदीगड, तामिळनाडू, मणीपूर, नागालँड आणि पुदुच्चेरी ही ती आठ राज्य आहेत.

उत्तर प्रदेश, महाराष्ट्र, मध्य प्रदेश, जम्मू आणि काश्मीर,  पश्चिम बंगाल,  गुजरात, कर्नाटक, छत्तीसगड , झारखंड आणि ओदिशा,  या 10 राज्यांमध्ये सर्वाधिक लसीकरणाची नोंद झाली आहे.

आतापर्यंत 33  व्यक्तींना रुग्णालयात दाखल करावे लागले आहे. हे प्रमाण एकूण लसीकरणाच्या 0.0004% टक्के इतके आहे. या 33 व्यक्तींपैकी 21 जणांना उपचारानंतर घरी पाठवण्यात आले,  दहा जणांचा मृत्यू झाला आणि दोघांवर उपचार सुरु आहेत. गेल्या 24 तासात ऍनाफायलेक्सिसने आजारी असलेल्या एका व्यक्तीवर पश्चिम बंगालच्या मुर्शिदाबाद वैद्यकीय महाविद्यालय आणि रुग्णालय येथे उपचार करण्यात आले आणि नंतर घरी सोडण्यात आले.

आतापर्यंत एकूण 24 मृत्यूंची नोंद झाली असून हे प्रमाण एकूण लसीकरणाच्या 0.0003% आहे. या 24 पैकी 9 व्यक्तींचा रुग्णालयात तर 15 जणांचा रुग्णालयाबाहेर मृत्यू झाल्याची नोंद आहे. गेल्या 24 तासात एकही मृत्यूची नोंद झालेली नाही. आतापर्यंत लसीकरणाशी संबंधित गंभीर / तीव्र एईएफआय/मृत्यूची नोंद झालेली नाही.

राज्य / केंद्रशासित प्रदेशांना सल्ला देण्यात आला आहे की सर्व एचसीडब्ल्यू  20 फेब्रुवारी 2021 पर्यंत किमान एकदा आणि मॉप -अप फेऱ्यांद्वारे 25 फेब्रुवारी 2021 पर्यंत  लसीकरणासाठी नियोजित असावेत.

1 मार्च 2021 पर्यंत सर्व एफएलडब्ल्यूचे किमान एकदा लसीकरण नियोजित असावे  आणि 6 मार्च 2021 पर्यंत एफएलडब्ल्यूच्या मॉप -अप फेऱ्यांचा सल्ला देण्यात आला आहे.

S.Tupe/S.Kane/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com