তুরিজম মন্ত্রালয় অমসুং এ.দি.তি.ও.আই.না পুন্না খুৎশম্নদুনা শিল্লিবা এসোসিয়েসন ওফ দোমেস্তিক তুর ওপরেতর্স ওফ ইন্দিয়াগী নুমিৎ হুমনি চংনা চত্থগদবা চহীগী ওইনা পাংথোকপা থৌরম অদু তুরিজম অমসুং কল্চরগী রাজ্যগী কেন্দ্রগী মন্ত্রী শ্রী প্রহলাদ সিংহ পতেলনা হয়েং হৌদোক্লগনি৷ হৌরকপগী থৌরমদা মহাক্না ৱা ঙাংখিবা অদু ভিদিয়ো মেসেজ অমগী খুৎথাংদা থারগনি৷

কেবাদিয়াদা স্তেচু ওফ য়ুনিতীদা ২০২১গী ফেব্রুৱারি ১২দগী ১৪ ফাওবা চহীগী ওইবা কনবেন্সন অসি শিন্ননবগীদমক ভারত সরকারগী তুরিজম মন্ত্রালয়না ইন্দস্ত্রী অমসুং মহাক্কী স্তেকহোল্দরশিং অসিগা চত্থরিবা এনগেসমেন্ত অসিগী শরুক অমা ওইনা এসোসিয়েসন ওফ দোমেস্তিক তুর ওপরেতরশিং সপোর্ত তৌরি৷ কনবেন্সন অসিদা তুরিজম মন্ত্রালয়গী সেক্রেতরী শ্রী আর্বিন্দ সিংহনা “তুরিজম অসি চাওখৎহনবদা এভিয়েসনগী থৌদাং” হায়বা সেসন অসিগী মতাংদা ৱা ঙাংলগনি৷ “তেক্নোলোজী অসি ফ্যুচরনি-ভর্চুয়েলদগী রিয়েলদা চৎলি” হায়রিবা সেসন অসিগী মতাংদা তুরিজম মন্ত্রালয়গী এদিস্নেল দাইরেক্তর শ্র্রীমতি রুপিন্দর ব্রাহনা ৱা ঙাংলগনি৷

ন্যু দিল্লীদা পাংথোক্কদৌরিবা কনবেন্সন অসিগী মতাংদা ৱা ঙাংলদুনা, মসিগী চহীগী ওইনা পাংথোকপা কনবেন্সন অসি লোকদাউনগী মতুংদা স্তেকহোল্দর এসোসিয়েসন অমনা শিল্লিবা অচৌবা ফিজিকেল ইভেন্তনি হায়না শ্রী আর্বিন্দ সিংহনা ফোংদোকখ্রে অমসুং মসিদা লৈবাক অসিগী সরকারগী ইকাই খু্ম্নরবা মীওইশিং, ইন্দস্ত্রী অসিদগী মমিং লৈরবা স্পিকরশিং, দোমেস্তিক তুর ওপরেতরশিং, এয়রলাইনশিং, হোতেলিয়রশিং, মেদিয়া য়াওনা চাওরাক্না দেলিগেৎ ৩৫০-৪০০রোম্না থৌরম অসিদা শরুক য়ারবা য়াই হায়না থাজনরি৷ থৌরম অসি ২০২১গী ফেব্রুৱারি ১২গী পুং ১৭০০দা হৌরগনি অমসুং ফেব্রুৱারি ১৩ নুমিৎতা তোঙান তোঙানবা ত্রাভেল প্রদক্তশিং উৎলিবা এগজিবিসন অমা ওইবগী মথক্তা তুরিজম, প্রদক্ত প্রজেন্তেসনশিং, ত্রাভেল, তুরিজম অমসুং হোস্পিতেলিতী পার্তনরশিং অসিগা লোইননা ফমখিবা বি২বি অসিগী মতাংদা ব্যুজিনেস সেসনশিং লৈরগনি৷

“ইন্তরনেস্নেল তুরিস্তশিং অসিদা কা হেন্না মখা পোল্লিবা লৈবাকশিং অসিগা য়েংনবদা কোবিদ-১৯গী ফিভম অসি হন্থহনবা ঙম্বা অফবা দোমেসিতিক মার্কেৎ অমা ইন্দিয়ানা লৈ হায়না শ্রী সিংহনা ফোংদোকখ্রে৷ লোকদাউনগী মতুংদা লাইনা-লাইচৎ অসি শন্দোরক্তনবা দোমেস্তিক তুরিজম অসিনা ইন্তরনেস্নেল তুরিজম অসিদগী হেন্না য়াম্না থুনা চাওখৎলকপা ঙমগনি হায়বা অসি ময়াম্না পাক শন্না য়ানরে৷ দেখো অপ্ন দেশ অসি তুরিজম মন্ত্রালয়গী ইনিসিয়েতিব অমনি; লোকেল ইকোনোমী অসি ফগৎহনবদা মতেং পাংনবা ভারততা দোমেস্তিক তুরিজম অসি হেন্না য়োকখৎনবগীদমক ২০২২ ফাওবগী মনুংদা মীওই খুদিংমক্না য়ামদ্রবদা পন্থুংফম ১৫ চৎননবা ২০১৯গী ওগস্ত ১৫দা রেদ ফোর্তকী রাম্পার্ততগী প্রধান মন্ত্রীনা পীরকপা ৱারোল অদুগী অপীল অদুগী মতুং ইন্না মসিগী ইনিসিয়েতিব অসি লৌখৎপনি৷”

“স্তেচু ওফ য়ুনিতী অসি য়ৌহন্নবা লৈবাক অসিগী তোঙান তোঙানবা মফমশিং শম্নহল্লিবা ত্রেন নিপান প্রধান মন্ত্রীনা ভিদিয়ো কনফরেন্সিংগী খুৎথাংদা ২০২১গী জানুৱারি ১৭কী অয়ুক্কী পুং ১১ তাবা মতমদা কেবাদিয়াদা থাখ্রে৷ অহমেদবাদতগী কেবাদিয়া ফাওবা থাখিবা ত্রেন অসি ভিস্তা-দুম কোচ য়াওই অমসুং মসিনা তুরিস্তশিংবু পুক্নিং চিংশিল্লগনি” হায়না শ্রী সিংহনা ফোংদোকখ্রে৷

*****