সরকারগী বেঙ্কশিং(রিজনেল রুরেল বেঙ্কশিং য়াওনা) অমসুং মরুওইবা লনাই বেঙ্ক ১৪না জনুৱারি ২৭,২০২১দা পীরকপা পাউগী মতুংইন্না প্রধান মন্ত্রী জন ধন য়োজনাগী মখাদা অপুনবা একাউন্ত কোতি ৪১.৭৫ হাংদোক্লে অমসুং মসিগী মনুংদা একাউন্ত কোতি ৩৫.৯৬ মথৌ পাংথোক্লি।

ৱাফম অসি ঙসি লোক সভাদা অইবা ওইনা পীবা পাউখুম অমদা ফাইনান্সকী রাজ্য মন্ত্রী শ্রী অনুরাগ সিংহ থাকুরনা ফোঙদোকখিবনি।

প্রধান মন্ত্রী জন ধন য়োজনাগী মখাদা ব্রাঞ্চ অমতদা হেক্ত, নত্রগা লনাইগী বেঙ্কশিংগী বিজিনেস করেসপোন্দেন্তশিংদা বেঙ্ক একাউন্ত অমা হাংদোকপা য়াগনি।

মিনিস্তরনা মখা তানা হায়খি সরকারগী বেঙ্কশিং(রিজনেল রুরেল বেঙ্কশিং য়াওনা) অমসুং মরুওইবা লনাই বেঙ্ক ১৪শিংদা হাংদোক্লিবা প্রধান মন্ত্রী জন ধন য়োজনাগী একাউন্ত মশিং অসি মথংশিৎনা কোতি ৪০.৪৮ অমসুং কোতি ১.২৭নি।

মিনিস্তরনা হায়খি প্রধান মন্ত্রী জন ধন য়োজনাগী মখাদা হাংদোক্লিবা একাউন্তশিং অসি বেসিক সেভিং বেঙ্ক দিপোজিৎ(বি এস বি দি) একাউন্তশিংনি। জুন ১০, ২০১৯গী আর.বি.আইগী চৎন-কাংলোনশিংগী মতুংইন্না, দরকার ওইবা খ্বাইদগী য়ামদবা বেলেন্স থমদনা একাউন্ত হাংলিবশিংদা মখাগী খুদোংচাবশিং অসি লেম্না পীগনি:

• বেঙ্ক ব্রাঞ্চশিং অমসুং এ.তি.এমশিং/সি.দি.এমশিংদা শেন থমজিনবা
• ইলেকত্রোনিক চেন্নেল অমগী মখাদা শেন লৌবা/পীবা নত্রগা কেন্দ্র/রাজ্য সরকারগী এজেন্সিশিং অমসুং দিপার্তমেন্তশিংনা পীবা চেকশিং থমজিনবা/খোমজিনবা
• থা অমগী মনুংদা থম্বা য়াবা শেনফম অমসুং কয়ারক থোক্না থম্বা য়াবগী অকক্নবা মশিং লৈতে
• থা অমদা এ.তি.এমদগী শেন মরিলক লৌথোকপা য়াগনি।
• এ.তি.এম কার্দ নত্রগা এ.তি.এম-কম-দেবিদ কার্দ

*****