লৌউ-শিংউববু মেকাইনাইজ তৌবা অসি থৌওং অসিনা লৌউ-শিংউগী পোত্থোক পুথোকপদা শিজিন্নরিবা পোৎলমশিংবু নীংথিনা অমসুং মওং-মরিল চুম্না শিজিন্নবা হেনগৎপদা তেংবাংবনা মরম ওইদুনা পোত্থোক পুথোকপগী চাংসু হেনগৎহনবনিনা সেক্তর অসিগী ওইনা য়াম্না মরু ওইবা থৌওং অমা ওই। মসিনা তোঙান-তোঙানবা লৌগী থবকশিংদা থেংনবা অৱাবা থবক কয়া অমসু হন্থহল্লি।

মথক্কী হীরমশিং অসি খন্নবদা য়াওরদুনা, লৈবাক অসিদা ফার্ম মেকানাইজ তৌববু হেন্না খুমাং চাউশিলহন্নবগীদমক্তা ভারত সরকারনা ইং ২০১৪-১৫দা ‘সব মিসন ওন এগ্রিকলচরেল মেকানাইজেসন’ (এস.এম.এ.এম.) কৌবা অখন্নবা স্কিম অমসু হৌদোকখি। স্কিম অসিনা কস্তম হাইয়রিং সেন্তর (সি.ঐচ.সি.) লিংখৎপা, অৱাংবা থাক্কী তেক্নোলোজী অমসুং মগুন লৈবা ফার্মগী খুৎলায়শিংগী হব শেম্বা অমসুং ফার্ম মেছিনরী বেঙ্ককী খুত্থাংদা অপিকপা অমসুং তোখায়না লৈবা লৌমীশিংদা হান্না য়ৌবা ঙম্লমদবা ফার্মগী খুৎলায়শিংবু অহোঙবা মমলদা ফংহন্নবা পান্দম থম্লি। মমল হন্থরবা তোঙান-তোঙানবা লৌউ-শিংউগী খুৎলায়শিংবু লৌমীশিংদা য়েন্থোক্তুনা ফংহনবগী থবকশিংসু স্কিম অসিগী মখাদা পাংথোকপা থৌওংশিংগী মনুংদগী অমনি। এস.এম.এফ.শিংগীদমক্তা ফার্মগী খুৎশু-খুৎলায়শিং লৈশিনবা অসি শেল-থুমগী হীরমদা য়েংলুবদা খুদোংচাদবা কয়া লৈবনা মরম ওইদুনা হায়রিবা খুৎলায়শিং অসিবু এস.এম.এফ.শিংনা ৱাইবা য়ানবা খুদোংচাবা অমসু পীরি। মেছিনশিং শিজিন্নবগী থৌওং উত্তুনা তাকপগী খুত্থাংদা স্তেকহোলদরশিংদা মরী লৈনবা ই-পাউ খঙহনবা অমসুং লৌমী অমদি নহাশিংগী স্কিল লৈহন্নবা হোৎনবগী থৌওংশিং অসি এস.এম.এ.এম.গী থৌওংশিংগী মনুংদা চনবশিংগী মরক্তা য়াওরি। লৈবাক্কী মফম শিনবা থুংনা লৈবা তেস্তিং সেন্তরশিংদা থবক্কী চাংয়েং অমসুং মেছিনগী সর্তিফিকেসন তৌবনা হায়রিবা খুৎলায়শিং অসিনা মথৌ নীংথিনা তৌরি হায়বা শোইহন্দে।

ইং ২০১৪-১৫দগীনা ২০২০-২১ ফাওবগী মনুংদা, স্কিম অসিগী মখাদা রাজ্য অমসুং মসিবু থবক ওইনা পাংথোকহনবা অতোপ্পা ইন্সতিত্যুসনশিংদা লুপা করোর ৪৫৫৬.৯৩গী শেনফম থাদখ্রবনি। হৌজিক ফাওবগী ওইনদি, লৌউ-শিংউগী মেছিন লাখ ১৩ হেন্না য়েন্থোকখ্রে অমসুং খুৎ ৱাইফম লিশিং ২৭.৫ হেন্না লিংখৎখ্রে। ইং ২০২১-২২গী ওইনদি, এস.এম.এ.এম.গীদমক্তা লুপা করোর ১০৫০গী শেনফম কায়থখ্রে অমসুং মসিনা মমাংগী চহিদগীসু হেনবা ওইরে।

ভারত সরকারনা ফার্ম্বু মেকানাইজ তৌনবগীদমক্তা পায়খৎপা প্রোগ্রাম অমসুং স্কিমশিং অসিনা মাই-পাকপা মহৈ ফংদুনা লৌউবগী তোঙান-তোঙানবা থবকশিং পাংথোক্নবা অকক্নবা মফম অমদা ফার্ম পাৱর ফংবগী চাংদা হেনগৎপা ঙম্লে। ফার্ম পাৱর ফংবগী চাং অসি ইং ২০১৬-১৭তা ২.০২ কে.দবল্যু./ঐচ.এ. ফংলম্বা অদুদগী ইং ২০১৮-১৯দা ২.৪৯ কে.দবল্যু./ঐচ.এ. ফংদুনা হেনগৎলে। হৌখিবা মতমশিং অসিদা লৌউ-শিংউগী মেছিন শিজিন্নবগী চাংদসু মশক থোক্না হেনগৎলে অমসুং মসিনা মরম ওইদুনা লৌউবগী মফম, লৌ কুংনা উবা অমসুং লৌউবগী পোত্থোক্তা মশক থোক্না হেনগৎপসু ঙম্লে।

*****