চাওখৎ থৌরাংশিং অসি থিন্থবা তৌদনা অমসুং অরানবা মওংদা শিজিন্নদনা মীয়ামশিং অসিদা য়ৌহন্নবা মীয়ামগী মীহুৎশিং অমসুং সরকার অসিদা উপ রাস্ত্রপতি শ্রী এম. ভেনকাইয় নাইদুনা ঙসি হায়খ্রে৷ মীয়ামশিং অসিগী চাওখৎ থৌরাংগী থবকশিং অসিদা মখোয়দা লৈরিবা চাওখৎ থৌরাংগী অৱাৎপা তঙাই ফদবশিং অসিদা মীয়ামশিং অসিবু এম.পি.শিং অসিনা লমজিংবিবা মহাক্না পামখি৷

“পার্লিয়ামেন্তরী মেসে়ঞ্জর ইন রাজস্থান” হায়বা লাইরিক অসি ফোংলবা মতুংদা ভর্চুয়েল থৌরম অসিদা ৱা ঙাংলদুনা লৈরিবা খুঙ্গংশিং অসি মোদেল খুঙ্গংশিং ওইনা শেমগৎনবা সনসদ অধার্শ গ্রাম য়োজনাগীদমক এম.পি.এল.এ.দি.এস. ফন্দশিং অসি শিজিন্ননবা পার্লিয়ামেন্তরিয়নশিং অসিদা উপ রাস্ত্রপতি অসিনসু তকশিনখ্রে৷ লাইরিক অসি দা. কে.এন. ভন্দারিনা ইবনি অমসুং লাইরিক অসি ২০০৬তগী ২০১৮ ফাওবা চহী ১২ হেন্না রাজস্থান রাজ্যদা দা. অভিশেক সিঙ্গভিগী মীৎয়েং মখাদা এম.পি.এল.এ.দি.এস. স্কিম অসিগী মখাদা পাংথোকখিবা হকশেল অমসুং এদজুকেসন ইনিসিয়েতিবশিং অসিদা মীৎয়েং থম্মী৷

মীয়ামগী মীহুৎশিং অসিনা মখোয় মখোয়গী কন্সতিত্যুয়েন্তশিং অসি শেমগৎ শাগৎপদা মীহুৎশিং অসিদা এম.পি.এল.এ.দি.এস. স্কিম অসিনা মতেং পাংনবা মীৎয়েং থম্লি হায়না পল্লদুনা স্কিম অসি ১৯৯৩দা চৎনরকখিবা মতমদগী হৌদুনা থবক কোতি ১৯ অমসুং লিশিং ৪৭ হেন্না মপুং ফানা পাংথোকখ্রে অমসুং স্কিম অসিনা লৈবাক অসি শিনবা থুংনা এসেতশিং শেম্বদা মতেং পাংখ্রে হায়না শ্রী নাইদুনা ফোংদোকখ্রে৷

এম.পি.এল.এ.দি.এস. থবকশিং অসি ময়েক শেংনা পাংথোকপরা হায়বা অসি য়েংশিন্নবা অহুমশুবা পার্তী মফম চানা থম্নবা সরকার অসিনা ৱারেপখিবা অসিগী মতাংদা মহাক্না অপেনবা নুংঙাইবা ফোংদোকখ্রে৷ “এম.পি.শিং অসিগী হৈ-শিংবা অমসুং অহুমশুবা পার্তী অসিনা কুপ্না য়েংশিল্লিবা অসিনা স্কিম অসিগী খুৎথাংদা এসেতশিং শেম্নবা থৌওং অসি নিংথীনা খোঙজেল য়াংনা চৎহনবদা মতেং পাংলগনি হায়বা অসি ঐনা থাজৈ”, হায়না মহাক্না মখাতানা ফোংদোকখ্রে৷

ফন্দশিং অসি মতম চানা থাদোকপা অমসুং মফম চানা শিজিন্নবা, থবকশিং অমসুং প্রোজেক্তশিং অসিগী ক্বালিতী য়েংশিনবা অমসুং মতম চানা থবক অদু লোইশিনহনবা অমসুং এম.পি.শিং অমসুং এদমিনিস্ত্রেতিব ওথোরিতীশিং অসিগী মরক্তা অফবা কোওর্দিনেসনগী মরী থমদুনা স্কিম অসি মখাতানা চৎননবা পার্লিয়ামেন্তরী কম্মিতীশিং অসিনা পুথোরকখিবা তোঙান তোঙানবা সজেসনশিং অসি উপ রাস্ত্রপতি অসিনসু পুথোরক্তুনা ফোংদোকখ্রে৷

পাংথোক্লিবা এম.পি.এল.এ.দি.এস. প্রোজেক্তশিং অসি এম.পি.শিং অসিগী রিকম্মেন্দেসনশিং অসি ইন্দুনা মতম চানা পাংথোক্নবা রাজ্য সরকারশিং অমসুং লোকেল ওথোরিতীশিং অসিদা শ্রী নাইদুনা হায়খ্রে৷

হাউস্তা দিবেৎকী লেবেল অসি হন্থরকপা অমসুং মীয়ামশিংনা পোলিতিসিয়নশিং অসি থাজবা ৱাৎলকপা অসি উরদুনা এম.পি.শিং অসিনা মখোয় মখোয়গী ইজৎ অমসুং ইকাই খুম্নবা অসি মাংহন্দনা মখোয় মখোয়গী থবকশিং অসি পুকচেল শেংনা পাংথোকপা উপ রাস্ত্রপতি অসিনা পাম্মী৷ “অতোপ্পা পব্লিক রিপ্রজেন্তেতিবশিং অসিগীদমক পার্লিয়ামেন্তগী মেম্বরশিং অসিনা রোল মোদেলশিং ওইগদবনি ”, হায়না মহাক্না ফোংদোকখ্রে৷

দা. অভিশেক সঙ্গভিনা উকিল অমা ওইনা অমসুং পার্লিয়ামেন্তরিয়ন অমা ওইনা থৌ পুরিবা অসিগীদমক মহাকপু থাগৎলদুনা চহী কয়া অমা লো অমসুং জস্তিজকী পার্লিয়ামেন্তরী স্তেন্দিং কম্মিতীগী চিয়রমেন ওইরমখিবা য়াওনা মহাক্না লৌরম্বা থৌদাংশিং অসি শ্রী নাইদুনা পনখ্রে৷ এম.পি.এল.এ.দি.এস. ফন্দশিং অসি নিংথীজনা পান্দম অমগা লোইননা শিজিন্নদুনা মীয়ামগী য়াইফনবা তৌনবগী শক্তি অদু লাইরিক অসিনা উৎলগনি হায়না মহাক্না ফোংদোকখ্রে অমসুং এম.পি.এল.এ.দি.এস. অসিগী মখাদা তৌরিবা চাওখৎ থৌরাংগী থবকশিং অসিদা য়াওরিবা স্তেকহোল্দর পুম্নমক লাইরিক অসিনা লমজিংলগনি হায়না মহাক্না থাজৈ৷

রাজ্য সভাগী দিপুতী চিয়রমেন শ্রী হরিবনশি জি, কেন্দ্রগী মন্ত্রী শ্রী থৱরচান্দ গেহলোত জি, রাজ্য সভাগী ওপোজিসনগী লিদর শ্রী ঘুলম নবি অজাদ, দা. অভিশেক সিঙ্গভি অমসুং অতোপ্পা এম.পি.শিংনা ভর্চুয়েল থৌরম অসিদা শরুক য়াখি৷

*****