কেন্দ্রগী হকশেল সেক্রেতরী শ্রী রাজেশ ভুশন্না ঙসি ভিদিও কনফরেন্সকী থোংদা রাজ্যশিং অমসুং য়ু.তি.শিংগী হকশেল সেক্রেতরীশিং অমসুং এন.ঐচ.এম.গী এম.দি.শিংগা লোইননা কোবিদ বেক্সিনেসনগী ফীভম অমসুং থবক্কী খোঙজেল য়েংশিনখ্রে। মালেমগী ওইনা খ্বাইদগী অচৌবা এক্সর্সাইস অমা ওইরিবা কোবিদ১৯ বেক্সিনেসন লৈবাক শিনবা থুংনা ইকাই খুম্নরবা প্রধান মন্ত্রীনা চয়োল অহুমগী মমাং, জনুৱারী ১৬, ২০২১দা হৌদোকখি।

অহৌবদা কেন্দ্রগী হকশেল সেক্রেতরীনা রাজ্য অমসুং য়ু.তি.না থোইদোক হেন্দোক্না অমদি শিংথানিংঙাই ওইনা কোবিদ১৯ বেক্সিনেসন পাঙথোকখিবা অসিবু থাগৎখ্রে। ভারতনা মালেমগী ওইনা পন্দুপ অমা লানখিবা অসিদা মহাক্না হায় ভারতনা কোবিদ১৯ বেক্সিনেসন অসি শুপ্নগী নুমিৎ ২১দা মশিং মিলিয়ন ৫ য়ৌদুনা খ্বাইদগী খোঙজেল য়াংবা লৈবাক ওইখ্রে। নুমিৎ ৬০গী মমাংদগী হৌখিবা অতোপ্পা লৈবাক কয়ানা তার্গেৎশিং অসি য়ৌবদা মতম শাংনা লৌখি, হায়না মহাক্না ফোঙদোকখ্রে।

কেন্দ্রগী হকশেল মন্ত্রীনা রাজ্যশিং অমসুং য়ু.তি.শিংদা বেক্সিনেসনগী খোঙজেল চাউনা য়াংখৎনবা হায়খ্রে। লৈবাক অসিনা বেক্সিনেসন দ্রাইভকা লোইননা মাংদা চংশিনদুনা কভরেজ হেনগৎহন্নবা রাজ্যশিং/য়ু.তি.শিংদা হায়খ্রে।

সেসন অমদা চাংচৎ ওইনা বেক্সিন কাপ্লিবা অসিগী মশিংদা চাউনা হেনগৎহনবা য়াবগী ওইথোকপা লৈ হায়না ফোঙদোখ্রে। রাজ্যগী হেল্থ সেক্রেতরীশিংদা বেক্সিন কাপখিবগী চাংচৎ অসিদা নুংতিগী খেন্নরিবা অসি য়েংশিনদুনা মখোয়বু হেনগৎহন্নবা তঙাই ফদবা খোঙথাংশিং লৌখৎনবা মখোয়দা খঙহনখ্রে। রাজ্যশিং/য়ু.তি.শিংদা কোৱিন দিজিতেল প্লেৎফোর্মদা রেজিস্তর তৌখিবা মীওই খুদিংমক ১০০% কাপথোক্নবা খঙহনখ্রে। মখোয়দা ওইথোক্লবদি হেল্থ ফেসিলিতীদা নোংমদা অমুক্তদা মশিং কয়াগী বেসিনেসন সেসনশিং পাঙথোক্নবা খঙহনখ্রে। পান্দম অসি য়ৌনবা রাজ্যগী ওইবা অখন্নবা লালোং অমা য়াৎনবা রাজ্য/য়ু.তি. অমমমদা খঙহনখ্রে।

অমরোমদা রাজ্য অমসুং য়ু.তি. ১২দা হেল্থকিয়র ৱার্করশিং ৬০% নত্ত্রগা হেন্না কভর তৌখ্রে, অদুবু রাজ্য অমসুং য়ু.তি.কয়ানা পেরামিতর অসিদা মখোয়গী পর্ফোর্মেন্স হেনগৎপা মথৌ তাবনা পুম্নমক্কী ওইনা বেক্সিন কাপখ্রবা বেনিফিসরীশিং কভর তৌবগী পর্সেন্তেজ হেনগৎনবা পাউতাক পীখ্রে। রাজ্যশিং/য়ু.তি.শিংদা রাজ্য, জিলা অমসুং ব্লোক তাস্ক ফোর্সকী য়েংশিন মীফম চাং নাইনা পাঙথোক্তুনা থোরকপা খুদোংচাদবশিং কোকহন্নবা, লৈরিবা গ্রাউন্দ ইসুশিং খঙদোক্নবা অমসুং চান্নবা থাকশিংদা মদু খুদক্তা কোকহন্নবা পাউতাক পীখ্রে।

রাজ্য/য়ু.তি. খুদিংমক্না ফেব্রুৱারী ২০, ২০২১গী মমাংদা হেল্থকিয়র ৱার্কর পুম্নমক য়ামদ্রবদা অমুক্তা বেক্সিন কাপনবা মতম লেপথোক্নবা অমদি মদুগী হেক মতুংদগী মখোয়বু বেক্সিন কাপ্নবা মোপ-অপ রাউন্দশিং পাঙথোক্নবা খঙহনখ্রে। মসিগা চপ মান্না মার্চ ৬, ২০২১গী মমাংদা ফ্রন্তলাইন ৱার্কর পুম্নমক য়ামদ্রবদা অমুক্তা বেক্সিন কাপনবা মতম লেপথোক্নবা অমদি মদুগী হেক মতুংদগী মখোয়বু বেক্সিন কাপ্নবা মোপ-অপ রাউন্দশিং পাঙথোক্নবা খঙহনখ্রে। মোপ-অপ রাউন্দদা পোতেন্সিএল বেনিফিসরীশিং বেক্সিন কআপহৌদবা তারবদি মখোয়বু চহিগা চান্নবা বেক্সিনেসন কেতগোরীদা মশা মতোম্মতা হাপচখ্রগনি। জনুৱারী ১৬, ২০২১দা বেক্সিন কাপখ্রবা মীওইশিংগী বেক্সিনগী অনিশুবা দোজ ফেব্রুআরী ১৩দগী হৌনবা মতম লেপখ্রে।

হকশেল সেক্রেতরীনা অহানবা দোজ কাপ্পা লোইবদা প্রোবিজনেল দিজিতেল বেক্সিনেসন সর্তিফিকেৎ অমা অমসুং অনিশুবা দোজ কাপ্পা লোইরবা মতুংদা অরোইবা সর্তিফিকেৎ পীবা মথৌ তাবা; বিনিফিসরীশিংগী ওথেন্তিকেসনগৌ তঙাই ফদবা অমসুং মতম চানা কোৱিন এপ্তা দেতা খোমজিনবদা অদুদা মীৎয়েং চংবা তঙাই ফদে হায়না নৌহৌননা ফোঙদোকখ্রে।

মহাক্না মখা তারদুনা হায় কোৱিন ২.০. ভর্জন অথুবদা রিলিজ তৌরগনি।

য়েংশিন মীফম অসিদা রাজ্যশিং অমসুং য়ু.তি.শিংদগী লাকপা ফীদবেল কুপ্না খন্নখ্রে অমসুং চান্নবা পাউতাক পীখ্রে।

****