ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଦକ୍ଷିଣ ଆଫ୍ରିକା ରାଷ୍ଟ୍ରପତି ମହାମହିମ ମାଟେମେଲା ସିରିଲ ରାମଫୋସାଙ୍କ ସହ କଥା ହେଲେ ପ୍ରଧାନମନ୍ତ୍ରୀ
Posted On:
04 FEB 2021 9:19PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଦକ୍ଷିଣ ଆଫ୍ରିକା ରାଷ୍ଟ୍ରପତି ମହାମହିମ ମାଟେମେଲା ସିରିଲ ରାମଫୋସାଙ୍କ ସହ ଟେଲିଫୋନ ଯୋଗେ ବାର୍ତ୍ତାଳାପ କରିଛନ୍ତି ।
ଦୁଇ ନେତା କୋଭିଡ-19 ମହାମାରୀ ଦ୍ଵାରା ଜାରି ରହିଥିବା ଆହ୍ଵାନଗୁଡିକ ଉପରେ ଆଲୋଚନା କରିଥିଲେ ଏବଂ ଏହି ପରିପ୍ରେକ୍ଷୀରେ ନିଜ ନିଜ ଦେଶରେ ଟୀକାକରଣ ଅଭିଯାନ ଚାଲିଥିବା ଦର୍ଶାଇଥିଲେ ।
ଦକ୍ଷିଣ ଆଫ୍ରିକା ରାଷ୍ଟ୍ରପତିଙ୍କୁ ପ୍ରଧାନମନ୍ତ୍ରୀ ପୁନର୍ବାର କହିଥିଲେ ଯେ, ଔଷଧ ପ୍ରସ୍ତୁତି କାର୍ଯ୍ୟ ଏବଂ ଟୀକା ପାଇଁ ଭାରତର ଯଥେଷ୍ଟ ଉତ୍ପାଦନ କ୍ଷମତା ରହିଛି, ଯାହା ଆଫ୍ରିକୀୟ ଦେଶ ସମେତ ସମସ୍ତ ଦେଶର ଆବଶ୍ୟକତାକୁ ପୂରଣ କରିପାରିବ ।
ଉଭୟ ନେତା ବିଭିନ୍ନ ଅନ୍ତର୍ଜାତୀୟ ମଞ୍ଚରେ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ସହଯୋଗର ସମ୍ଭାବନା ଉପରେ ଆଲୋଚନା କରିଥିଲେ, ଯାହାଫଳରେ ଟୀକା ଏବଂ ଔଷଧର ସୁଲଭତା ଏବଂ ସାମର୍ଥ୍ୟ ବୃଦ୍ଧି ପାଇପାରିବ ।
ଉଭୟେ ସହମତ ହୋଇଥିଲେ ଯେ ଦୁଇ ଦେଶର ଅଧିକାରୀମାନେ ଆଗାମୀ ଦିନରେ ଅଧିକ ଯୋଗାଯୋଗରେ ରହିବେ ଏବଂ ମହାମାରୀ ବିରୋଧରେ ମିଳିତ ପ୍ରୟାସର ସମ୍ଭାବନା ଉପରେ ଅନୁସନ୍ଧାନ କରିବେ ।
**********
TRP
(Release ID: 1695782)
Visitor Counter : 167
Read this release in:
English
,
Urdu
,
Marathi
,
Hindi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam