ప్రస్తుత ఆర్థిక సంవత్సరంలో ఇప్పటివరకు రూ.68,145.91 కోట్లు పోస్ట్ డివల్యూషన్ రెవెన్యూ డెఫిసిట్ గ్రాంట్‌గా అర్హత ఉన్న రాష్ట్రాలకు విడుదల చేశారు. ఈ నెలలో విడుదల చేసిన గ్రాంట్ కి సంబంధించిన రాష్ట్రాల వివరాలు మరియు 2020-21లో రాష్ట్రాలకు విడుదల చేసిన పోస్ట్ డెవల్యూషన్ రెవెన్యూ డెఫిసిట్ గ్రాంట్ మొత్తం జతచేయబడింది.

రాజ్యాంగంలోని ఆర్టికల్ 275 ప్రకారం రాష్ట్రాలకు పోస్ట్ డెవల్యూషన్ రెవెన్యూ లోటు గ్రాంట్లు అందించబడతాయి. అధికార పంపిణీ తరువాత రాష్ట్రాల రెవెన్యూ ఖాతాలలో అంతరాన్ని తీర్చడానికి పదిహేనవ ఆర్థిక కమిషన్ సిఫారసుల ప్రకారం ఈ నిధులను నెలవారీ వాయిదాలలో విడుదల చేస్తారు. 14 రాష్ట్రాలకు పిడిఆర్‌డి గ్రాంట్లను కమిషన్ సిఫారసు చేసింది.

ఈ గ్రాంట్ ను స్వీకరించడానికి రాష్ట్రాల అర్హత మరియు గ్రాంట్ పరిమాణం, 2020-21 ఆర్థిక సంవత్సరానికి అంచనా వేసిన నిధుల వాటాలను పరిగణనలోకి తీసుకున్న తరువాత రాష్ట్ర ఆదాయ మరియు అంచనా వ్యయాల మధ్య అంతరం ఆధారంగా కమిషన్ నిర్ణయించింది. పదిహేనవ ఫైనాన్స్ కమిషన్ మొత్తం పోస్ట్ డెవల్యూషన్ రెవెన్యూ డెఫిసిట్ గ్రాంట్‌ను 2020-21 ఆర్థిక సంవత్సరంలో 14 రాష్ట్రాలకు రూ.74,341 కోట్లు సిఫార్సు చేసింది. ఇందులో రూ. 68,145.91 కోట్లు (91.66%) ఇప్పటివరకు విడుదలైంది.

పదిహేనవ ఆర్థిక కమిషన్ పోస్ట్ డెవల్యూషన్ రెవెన్యూ డెఫిసిట్ గ్రాంట్‌ను సిఫారసు చేసిన రాష్ట్రాలు: ఆంధ్రప్రదేశ్, అస్సాం, హిమాచల్ ప్రదేశ్, కేరళ, మణిపూర్, మేఘాలయ, మిజోరాం, నాగాలాండ్, పంజాబ్, సిక్కిం, తమిళనాడు, త్రిపుర, ఉత్తరాఖండ్, పశ్చిమ బెంగాల్.

రాష్ట్రాల వారీగా విడుదల చేసిన పోస్ట్ డెవల్యూషన్ రెవెన్యూ డెఫిసిట్ గ్రాంట్:

(Rs. In crore)

****