ঙাকশেল মন্ত্রালয়
আই.এ.এফ.না গ্লোবেল চীফ্স ওফ এয়র স্তাফ কনক্লেব ফেব্রুৱারী ০৩ অমসুং ০৪, ২১দা পাঙথোকখ্রে
Posted On:
05 FEB 2021 9:33AM by PIB Imphal
ইন্দিয়ন এয়র ফোর্সনা ফেব্রুৱারী ০৩ অমসুং ০৪, ২১দা নুমিৎ নিনিগী ওইবা গ্লোবেল চীফ্স ওফ এয়র স্তাফ কনক্লেব, এরো ইন্দিয়া ২১গী ২ অমসুং ৩নি শুবা নুমিত্তা ‘সিক্যুরিতী অমসুং তংদু লৈতাববা ফীভমগীদমক এরোস্পেস পৱারবু শীজিন্নবা” হায়বা হীরমদা য়ু্ম্ফম ওইদুনা পাঙথোকখ্রে। কনক্লেব অদু ইকায়খুম্নরবা ঙাকশেল মন্ত্রী শ্রী রাজনাথ সিংহদা ফেব্রুৱারী ০৩, ২১দা হৌদোকখি। মহাক্কী হৌদোকপগী ৱারোলদা ঙাকশেল মন্ত্রীনা হায়খিবদা সি.এ.এস. কনক্লেব অসিনা মালেমগী মফম শিনবা থুংবদগী এয়র ফোর্সশিংগী মকোকশিং অমসুং মথক থোংবা মীওইশিং পুনশিন্নহনখিবসি এয়র পৱার অমসুং মরী লৈনবে তেক্নোলোজীশিংদা মরুওইবা মীৎয়েঙ থম্লিবা এরো ইন্দিয়াগী মতিক চারবা শরুক অমনি। হৌদোকপগী থৌরম অদুদা চীফ ওফ দিফেন্স স্তাফ জেনেরেল বিপিন রাৱত শরুক য়াখি।
মীথুংশিংবু তরাম্না ওক্লদুনা চীফ ওফ এয়র স্তাফ, এয়র চীফ মার্সেল আর.কে.এস. ভাদৌরিয়ানা ৱাখল্লোন তাথোক তাশিন তৌনবদা অমদি শরুক য়ারিবা এয়র ফোর্সশিংগী মরক্তা তেংবাংনবগী লমদা সি.এ.এস. অদুগী মরুওইবা ৱাফমশিং থমখি। লমদমসিদা ইং চিকপা, মরা চেৎপা অমদি ঙাকশেলগী ফীভম থম্বদা এয়র পৱারনা লৌরিমা মরুওইবা থৌদাংশিং হন্না পনখি।
কনক্লেব অদু কোবিদ-১৯ লাইচৎনা মরম ওইরগা লৈরিবা অথিংবশিংনা পীরিবা খুদোংচাদবা মওং হন্থহন্নবা হাইব্রিদ মওংদা পাঙথোকখিবনি অমদি লৈবাক ৫০রোমদগী মীথুংশিংনা শরুক য়াখি। ফেব্রুৱারী ০৩ অমসুং ০৪গী মরক্তা লৈবাক ২৮গী চীফ/ এয়রফোর্সকী কম্মান্দরশিংনা কনক্লেব অদুদা শরুক য়াখি। কনক্লেব অদু এরোস্পেস দোমেন্দা মরী লৈনবা মতমগী ওইবা হীরমশিংগী মতাঙদা ৱাখল্লোনশিং অমদি খ্বাইদগী ফবা মওং মতৌ তাথোক তাশিন তৌননবা শিনখিবনি। থৌরমদুদা অমেরিকা, য়ুরোপ, মিদল ইস্ত, ৱেস্ত এসিয়া, সেন্ত্রেল এসিয়ন রিপব্লিক, সাউথ ইস্ত এসিয়া, অফ্রিকা, ইন্দিয়ন ওসীনগী মফমশিং অমসুং ইন্দো পেসিফিক্কী মফমশিংদা লৈবা লৈবাকশিংনা শরুক য়াখি।
সি.এ.এস.কী সেসন অহুমদা এরোস্পেস স্ত্রেতেজী, লান্ফমদা ইনোৎ হাপ্লিবা মচিন তুমখৎলক্লিববা তেক্নোলোজীশিং অমসুং মালেমগী ওইবা ঙাকশেল অমসুং মরা চেৎপগা মরী লৈনবা মরুওইবা ৱাফমশিং খন্ননবা ফোরমশিং পীখি। সেসনশিং অদু “দিসরপ্তিব তেক্নোলোজী অমসুং ইনোভেসন”, “এয়র পৱার ইন দি ইন্দো-পেসিফিক রিজন” অমসুং “এয়র পৱার এন্দ এরোস্পেস স্ত্রেতেজী” হায়বা হীরমশিং অসিদা খন্ন-নৈননবা থৌরাং তৌখিবনি।
সি.এ.এস.না থৌরমদুদা শরুক য়াখিবা চীফশিং, লৈবাক কয়াগী মীহুৎশিং অমসুং মীথুংশিংবু অমদি কনক্লেব অদুদা মখোয়না লৌখিবা মমল নাইদ্রবা থৌদাংশিংবু থাগৎপা ফোঙদোকখি। কনক্লেব অসিদগী তারকপা ৱাফমশিংনা এয়র ফোর্সশিংগী মরক্তা ৱাখল তামিন্নবা অমদি তেংবাংমিন্নবা হেনগৎহল্লগনি অমদি মায়কৈ কয়াগী ওইবা হেন্না ফবা মতিং শেমগৎপদা মতেং ওইরগনি হায়না মহাক্না ফোঙদোকখি।
***
(Release ID: 1695439)
Visitor Counter : 156