হকশেল অমসুং য়াইফ-য়ুম্বাল মন্ত্রালয়

এন.দি.ঐচ.এম.গী মখাদা দাতা চেকশিন্না থম্মী

Posted On: 02 FEB 2021 4:22PM by PIB Imphal

নেস্নেল দিজিতেল হেল্থ মিসন(এন.দি.ঐচ.এম.)গী পাইলোত ফেস অসি য়ু.তি. ৬(আন্দামন অমসুং নিকোবর ইথৎশিং, চান্দিগর্হ, দাদর নগর হেভেলি অমসুং দামন অমসুং দ্যু, লদাখ, লক্সদ্বীপ অমসুং পুদুচেরী)দা হৌজিক হৌজিক চৎনরি৷ ২০২১গী জানুৱারি ২১ ফাওবদা হায়রিবা য়ু.তি. ৬ অসিদা হেল্থ আই.দি. ৬,৩০,৪৭৮ পীখ্রে৷

ভারত সরকার অসিগী তোঙান তোঙানবা চৎন-পথাপশিং অমসুং পোলিসীশিং অসিগী মতুং ইন্না এন.দি.ঐচ.এম.গী ভেন্দরশিং খল্লি৷

ভারত সরকারনা ২০১৯দা থাদোকখিবা নেস্নেল দিজিতেল হেল্থ ব্লুপ্রিন্ত অসিদা ফোংখিবা অদুগুম্না দাতা অসি ফেদেরেতেদ আর্কিতেকচর অমদা হাপ্তুনা থম্মী৷ মেদিকেল রেকোর্দশিং অসিগী সেন্ত্রেলাইজ দাতাবেজ লৈতে৷ অদুমওইনমক হেল্থ দাতা অসি এন.দি.ঐচ.এম.না মশা মশাগী অয়াবা য়াওরবা মতম খক্তদা মফম মতম চানা শিজিন্নহল্লি৷

মরম অসিনা ভারতকী নগরিক অমা ওইবগী মশাগী অধিকার অদুদি অকাইবা পীদ্রে৷

সরকার অসিনা দাতা সেক্যুরিতী অমসুং প্রাইবেসী অসিদা কা হেন্না মীৎয়েং চংলি৷ মসি এন.দি.ঐচ.এম.গী মওংদা শেম্লি৷ ইকাই খুম্নরবা সুপ্রিম কোর্তকী লৈরিবা লোশিং, চৎনা-পথাপশিং অমসুং জজমেন্তশিং অসি নিংথীনা মতুং ইল্লি৷ হেল্থ দাতা মেনেজমেন্ত পোলিসী অসিসু অয়াবা পীখ্রে৷ ক্লাউদ অসিদা য়াওরিবা ইভেন্ত খুদিংমক য়াম্না চেকশিনবা ফিভম অমদা লৈহন্নবা ২৪x৭ সর্ভিলেন্সকী মখাদা থম্লগনি৷

মখাতানা মশা মশাগী অয়াবা য়াওরবা নত্রগা মহাক্কী নোমীনিগী মতেংনা মেদিকেল রোকোর্দশিং অসি মীপুং খুদিংমক্না য়েংবা য়াগনি৷

মসিগী ৱারোল অসি ঙসি রাজ্য সভাদা রাজ্যগী মন্ত্রী(হকশেল অমসুং য়াইফ য়ুম্বাল) শ্রী অশৱিনি কুমার চৌবেহনা অইবা চেরোল অমা পীশিন্দুনা ফোংদোকখিবনি৷

*****



(Release ID: 1695436) Visitor Counter : 49