অৱাং নোংপোক লমদমগী চাউখৎ-থৌরাং মন্ত্রালয়
অৱাং-নোংপোক লমদমদা পায়খৎলিবা প্রোজেকশিং হন্না য়েংশিনবা
Posted On:
04 FEB 2021 12:39PM by PIB Imphal
সিবিল সোসাইতি ওর্গনাইজেসনশিংগী মেম্বরশিং, কেন্দ্রগী মিনিস্ত্রিশিং/দিপার্তমেন্তশিং অমসুং মরী লৈনবা য়ুনাইতেদ নেসন্স এজেন্সিশিংনা সব-গ্রুপশিংগী মেম্বরশিং ওইনা শরুক য়াবা হিরম ১৭গী সব-গ্রুপ ১৭ নিতি অয়োগনা শেম্লে। হায়রিবা সব-গ্রুপশিং অসিগী পান্দমদি হিরম ১৭দা থবক পাংথোকপনি অমসুং এক্সন প্লানশিংগী তুংইন্না থবক পাংথোকপনি। ফাইনান্স মিনিস্ত্রগী পাউতাকশিংগী মতুংইন্না, মিনিস্ত্রিশিং/দিপার্তমেন্তশিংনা ১৪শুবা ফাইনান্স কমিসনগী ৱাংমদা স্কিমশিং মখা চৎথনবা তোখাইনা য়েংশিনবা অমা দরকার ওইরি। নোর্থ ইস্তর্ন কাউন্সিলনা পায়খৎলিবা স্কিমশিং য়েংশিনবা লোইরে। দোনর মিনিস্ত্রিনা পায়খৎপা স্কিমশিংগী থবকশিং য়েংশিনবা লোইরে।
কোবিদ-১৯ লাইচৎনা ওইহল্লকপা ফিবমশিং অসি য়েংলগা মশাগী ওক্নবা পুথোকচবা ঙম্বা লৈবাক অমা শেমগৎনবা সরকারনা অত্মানির্ভর ভারত অভিয়ান লাউথোক্লে অমসুং লৈবাক অসিদা পোৎ-চৈ শাবা, লৈবাক অসিদা কৈথেল অমসুং লমদম অসিদা পোৎ-চৈশিং ফংহনবগী থবকশিংদা মিৎয়েং চঙলে। লাউথোকখিবগী মতুংইন্না মিনিস্ত্রিশিং/দিপার্তমেন্তশিংনা স্কিমশিং শেম্নবা খঙহনখ্রে। মরুওইবা থবকশিংগী মনুংদা অত্মানির্ভর ভারত রোজগার য়োজনা; এম.এস.এম.ইশিং,ললোন-ইতিকশিং, মুদ্রাগী শেন লৌরিবশিংদা ইমর্জেন্সি ক্রেদিদ লাইন গরেন্তি স্কিমশিং মখা চৎথবা; প্রধান মন্ত্রী অৱাস য়োজনা(সহর) অমসুং প্রধান মন্ত্রী গরিব কলয়ান য়োজনাগী অহেনবা শেনফম কাইথোকপা; য়ুম শাগৎলিবশিং অমসুং য়ুম লৈরিবশিংদা ইনকম তেক্স কোমথোকপা; নেসনেল ইনভেস্তমেন্ত এন্দ ইনফ্রাস্ত্রকচর ফন্দগী দেব প্লেতফোর্মদা ইকুইতি ইনভেস্তমেন্ত য়াওরি।
কোবিদ-১৯গী ফিবম হন্না য়েংশিল্লে অমসুং দোনর মিনিস্ত্রিনা মরী লৈনবা থবকশিং পায়খৎলে। অৱাং-নোংপোক্কী রাজ্য ৮দা কোবিদ-১০ লাকশিন্নবা দোনর মিনিস্ত্রি/এন.ই.সিনা লুপা কোতি ২৫ কাইথোকখ্রে। কোবিদ-১৯না মরম ওইদুনা ময়ুমদা হল্লক্লবা শিন্মীশিং হিংনবা লম্বী পীনবা অৱাং-নোংপোক রাজ্যশিংগী লুপা কোতি ২৫গী প্রোজেকশিংশু অয়াবা পীখ্রে।
নোর্থ ইস্তর্ন স্পিসিএল ইনফ্রাস্ত্রকচর দিবলপমেন্ত স্কিম(এন ই এস আই দি এস)গী মখাদা অরুনাচল প্র্রদেস, অসাম, মেঘলয়, মিজোরম অমসুং নাগালেন্দা কোবিদ-১৯ লাকশিন্নবা হকশেলগী মচাক-মথুমশিং ফগৎহন্নবা লুপা কোতি ১৯৩.৩২গী প্রোজেক ৫ অয়াবা পীখ্রে। মেদিকেলগী পোৎলমশিং ফংহনবা অমসুং তেস্ত তৌনবা মচাক-মথুমশিং শেমগৎপগা মরী লৈনবা খুদোংচাদবশিং কোকহন্নবা কেন্দ্রগী মিনিস্ত্রিশিং/দিপার্তমেন্তশিংগা লোয়ন্না দোনর মিনিস্ত্রিনা থবক পায়খৎলে।
ৱাফম অসি ঙসি রাজ্য সভাদা হংলকপা ৱাহং অমগী পাউখুম অইবা ওইনা পীবদা দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ফোঙদোকখিবনি।
*****
(Release ID: 1695088)
Visitor Counter : 109