কেন্দ্রগী হকশেল অমসুং য়াইফ-য়ুম্বাল মন্ত্রালয় দা. হর্শ বর্ধন্না ঙসি ইন্দিয়ন একাদেমী ওফ পেদিএত্রিক্সকী ৫৮শুবা নেস্নেল কনফরেন্স দিজিতেল ওইনা ময়াই তাংবল লৌখ্রে।

ইন্দিয়ন একাদেমী ওফ পেদিএত্রিক্সকী থবকশিংবু থাগৎলদুনা, দা.হর্শ বর্ধন্না হায়, “চাইল্দ হেল্থকা মরী লৈনবা সমস্যা কয়াদা ইন্দিয়ন একাদেমী ওফ পেদিএত্রিক্সনা ভারত সরকারগা পুন্না থবক তৌরি হায়বা ঐহাক খঙঙি। পোলিয়ো মুত্থৎপদা, জঙ্ক ফুদশিংগী গাইদলাইনশিংদা, লাইচৎ মনুংদা সরকারগী মতেং পাংবদা, এন্তিমাইক্রোবিএল রেসিস্তেন্স, ঐখোয়গী নেস্নেল তি.বি. ইলিমিনেসন প্রোগ্রামদা ত্যুবরক্যুলোসিসকী থেংনবদা. মালন্যুত্রিসন থেংনবদা লোইননা এদোলেসসেন্ত হেল্থতা নখোয়গী থবক অমদি এদভোকেসী অসি শীংথানিংঙাই ওই। মেম্বর ৩০,০০০ হেনবগা লোইননা মশিং য়াম্বা মেম্বরশিপ অমদি রাজ্য খুদিংদা স্তেৎ ব্রাঞ্চ লোইননা সিতী ব্রাঞ্চ ৩৫০ লৈরিবা ইন্দিয়ন একাদেমী ওফ পেদিএত্রিক্স অসিনা চাইল্দ হেল্থকা মরী লৈনবা সরকারগী থবক-থৌরমশিংদা মতেং পাংনবা য়াম্না ফবা ইনফ্রাস্ত্রকচর লৈরে হায়না ঐহাক্না থাজৈ।”

একাদেমী অসিনা অঙাংগা মরী লৈনবা তোইনা থেংনবা কন্দিসন ১০০গী মতাংদা চহি অসিদা রোল আউৎ তৌখিবা পেরেন্তেল গাইদলাইনশিং অদুগীদমক নুংঙাইবা ফোঙদোক্লদুনা কেন্দ্রগী মন্ত্রীনা হায়, “য়াম্না ফবা অমসুং কান্নরবা দোক্যুমেন্ত অমা ওইরগনি অমসুং ভারত্তা লৈরিবা মমা-মপা ওইবশিংগীদমক অচৌবা কান্নবা ওইরগনি। মসি জেনরেল পব্লিক্কীদমক ভারতকী লোল অয়াম্বদা ফংহন্নবা হোৎনগদৌরিবা অসিনা হেন্না শীংথানিংঙাই ওই।”

মহাক্না মখা তারদুনা হায়, “রিভাইস তৌরবা নবজাৎ শিশু সুরক্ষা কর্য়াক্রম (এন.এস.এস.আর.) মোদ্যুলদা য়ুম্দম ওইরগা নখোয়না ওনলাইন তুলশিং দেবেলপতৌবা অসি ঐহাক্না থাগৎলি। হৌখিবা চহিশিং অসিদা ইন্দিয়ন একাদেমী ওফ পেদিএত্রিক্সনা মখোয়গী দি.আই.এ.পি. প্লেৎফোর্মগী খুত্থাংদা ওনলাইন ত্রেনিং তৌবা মপুং ফানা হৈখ্রে। ইন্দিয়ন একাদেমী ওফ পেদিএত্রিক্সনা ঐখোয়গী ইকাই খুম্নরবা প্রধান মন্ত্রী শ্রী নরেন্দ্র মোদী জিগী দিজিতেল ইন্দিয়া লোইননা আত্মানির্ভর ভারতকী মঙলান অসিদা মতেং পাংলি। এক্সপর্তাইস অসি শিজিন্নদুনা ওনলাইন তুলশিং অসিনা য়ৌশিনবা ঙমদবশিং য়ৌশিনবদা, ত্রেনিংদা চংবা শেল হন্থহনদুনা অমসুং মথৌ তাবা মেনপাৱর হন্থহনদুনা হেন্না কান্নরগনি হায়না ঐহাক্না থাজবা থম্লি।”

মধ্য প্রদেশতা ইন্দিয়ন একাদেমী ওফ পেদিএত্রিক্সনা হোৎনরিবা অসিদা দা. হর্শ বর্ধন্না হায়, “মধ্য প্রদেশকী ওইনা অখন্ননা নিওনেতেল মোর্তেলিতী হন্থহন্নবা পান্দমদা ত্রেনরশিং ত্রেনিং পীবগী অখন্নবা প্রোগ্রাম অমা পাঙথোকপদা ঐহাক্না নুংঙাইবা পোকই। মধ্য প্রদেশকী সরকারগা খুৎশম্নদুনা নখোয়না দিজাইন তৌবা প্রোগ্রাম অসিনা অহেনবা মীৎয়েং চংলিবা জিলা তরুক্তা অফবা ফলশিং পুরক্কনি হায়না ঐহাক্না আশা তৌরি অমসুং মসি রাজ্য পুম্বদা অমুক্তদা রোল আউৎ তৌগনি মতুং তারকপদা লৈবাক পুম্বদা তৌগনি। প্রোগ্রাম অসি অচৌবা মাই পাকপা অমা ওইহন্নবা ভারত সরকারগী মাইকৈদগী মপুং ফানা মতেং পাংগনি হায়না ঐহাক্না থাজবা পীরি।”

মহাক্না মখা তারদুনা হায়, “য়ুনিসেফ অমসুং দবল্যু.ঐচ.ও.না ফন্দিং তৌবা ইন্দিয়ন একাদেমী ওফ পেদিএত্রিক্সকী অতোপ্পা মরু ওইবা প্রোজেক্ত ওইরিবা অর্লী চাইল্দ দেবেলপমেন্ত অসি অনৌবা, মরু ওইবা, শীংথানিংঙাই ওই অমসুং ঐখোয়গী তুংলমচৎকী প্রজাশিংনা মপুং ফাবা পোতেন্সিএল ফংবা ঙমহনগনি।”

মহাক্কী থৌরম মপুগী ৱারোল পীবা অদু লোইশিল্লদুনা দা. বর্ধন্না ১৯৯৪দা লৈবাক অসিদা পল্স পোলিয়ো প্রোগ্রাম হৌদোক্নবা ইন্দিয়ন একাদেমী ওফ পেদিএত্রিক্সনা মখোয়গী মমল য়াম্লবা পাউতাকশিং পীখিবা, লমজিংখিবা অমসুং শরুক য়াখিবা অদুনা চহি ২০গী মতুংদা ২০১৪দা দবল্যু.ঐচ.ও.মা পোলিয়ো ফ্রী ইন্দিয়া ওইরিবা হায়বগী সর্তিফাইদ তৌহনদুনা  শীংথানিংঙাই ওইবা অমদি ইতিহাসিক ওইনা চাউনা মাই পাকপা ঙমহনখিবা অদুগীদমকসু তৌবিমল খঙবা উৎখ্রে।

*****