মহৌশাগী লায়য়েং কাংলোন অমসুং হোমিওপেথিগী লমদা মতেং পাংন্নবা অয়ুস মিনিস্ত্রিনা লৈবাক ২৫গা এম.ও.য়ুশিং খুৎয়েক পীনখ্রে। হায়রিবা লৈবাকশিং অদুদি নেপাল, বঙ্গলাদেস, হঙ্গেরি, ত্রিনিদাদ অমসুং তোবাগো, মালেসিয়া, ৱার্ল্দ হেল্থ ওর্গনাইজেসন জেনেভা, মাউরিসিয়স, মোঙ্গোলিয়া, তুর্কমেনিস্থান, ম্যান্মার, জর্মনি(জোইন্ত দিক্লারেসন), ইরান, সাউ তোমে অমসুং প্রিন্সিপ, ইকুইতোরিয়েল গুইনিয়া, কিউবা, কলম্বিয়া, জপান(এম.ও.সি) বোলিভিয়া, গাম্বিয়া, গুইনিয়া, চাইনা, সেন্ত ভিনসেন্ত অমসুং গ্রেনাদাইন্স, সুরিনাম, ব্রাজিল অমসুং জিম্বাবৱেনি।

অয়ুস লায়য়েংগী মতাংদা অপুনবা ওইনা থিজিনবগী থবকশিং পায়খৎনবা জর্মনি, য়ুনাইতেদ কিংদম, কনাদা, ৱার্ল্দ হেল্থ ওর্গনাইজেসন জেনেভা, য়ু.এস.এ, অর্জেন্তিনা, ইজরেল, ব্রাজিল, অস্ত্রেলিয়া, ওস্ত্রেলিয়া, তাজিকিস্থান অমসুং ইক্বাদোরগী তোঙান-তোঙানবা য়ুনিভর্সিতিশিংগা এম.ও.য়ু ২৩ খুৎয়েক পীনখ্রে।

মাওরিসিয়স, রুসিয়া, অর্জেন্তিনা, মালেসিয়া, বঙ্গলাদেস, লাতভিয়া, ত্রিনিদাদ অমসুং তোবাগো লৈবাকশিংগী ইন্সতিতুৎশিং/য়ুনিভর্সিতিশিংগা অয়ুস একাদেমিক চিয়রশিং লিংখৎনবা অয়ুস মিনিস্ত্রিনা এম.ও.য়ু ১৩ খুৎয়েক পীনখ্রে।

মখোয়গী স্তেৎ এন্নুয়েল এক্সন প্লান(এস এ এ পি)গী মতুংইন্না অয়ুসকী থবকশিং চাউখৎহন্নবা অমসুং য়োকখৎনবা কেন্দ্রনা শেন পুথোকপা স্কিমশিংগী খুৎথাংদা অয়ুস মিনিস্ত্রিনা রাজ্যশিং/য়ু.তিশিংগী সরকারশিংদা শেনগী মতেং পীরি। মীয়ামগী হকশেলগী থবক অসি সরকারনা পাংথোক্কদবা থবক ওইবা মরম্না, রাজ্য/য়ু.তি সরকারগী মখাদা হকশেলগী খুদোংচাবশিং শেমগৎলে।

নেসনেল অয়ুস মিসন(নাম)গী মখাদা, রাজ্য/য়ু.তি সরকারশিংদগী ফংবা প্রোপোসেলগী মতুংইন্না, নাম লিংখৎপা হৌবদগী ২০১৯-২০ ফাওবগী মনুংদা ফমুং ৫০ লৈবা অয়ুস হোস্পিতাল ৯২ লিংখৎনবা অয়ুস মিনিস্ত্রিনা অয়াবা পীখ্রে। ২০১৯-২০ মনুংদা, অয়ুস মিনিস্ত্রিনা নামগী তোঙান-তোঙানবা কম্পোনেন্তশিংগী মখাদা রাজ্যশিং/য়ু.তিশিংদা গ্রান্ত-ইন-এদ ওইনা লুপা কোতি ৪৯৪.৯১ পীখ্রে অমসুং রাজ্যশিং/য়ু.তিশিংনা লুপা কোতি ১১৭.৭৭ চাদিং তৌখ্রে হায়রি।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা অয়ুর্বেদা, য়োগা, নেচরোপেথি, উনানি,সিদধা অমসুং হোমিওপেথি মিনিস্ত্রিগী রাজ্য মন্ত্রী(অহেনবা চার্জ) শ্রী কিরেন রিজিজুনা ফোঙদোকখিবনি।

*****