এন.জি.ওশিং/লনাই স্কুলশিং/রাজ্যশিংগা খুৎশম্নদুনা অনৌবা সাইনিক স্কুল ১০০ লিংখৎনবা শেনবা চহি ২০২১-২২গী য়ুনিয়ন বজেত্তা পুখৎলে। ফেব্রুৱারি ১, ২০২১দা ফাইনান্স মিনিস্তর শ্রীমতি নিরমালা সিতারমন্না সংসদতা বজেত পুথোকখি। থৌরাং অসিনা সরকার/লনাই স্কুলশিং/এন.জি.ওশিংগা পুন্না থবক তৌমিন্নদুনা ‘সি.বি.এস.ই প্লস’ মওংগী লাইরিক তম্বগী খুদোংচাবশিং পীনবা পান্দম থম্লি অমসুং মখোয়গী হান্নগী মওং অদুগা সাইনিক স্কুলশিংগী চৎনবীশিং, গুনশিং অমসুং লৈবাক্কী চাউথোকচবা অদুগা পুন্না চৎমিন্নবা ঙমগনি। হৌজিক লৈরিবা স্কুলশিং/লিংখৎকদৌরিবা স্কুলশিং অদু সাইনিক স্কুলশিংগী করিকুলমগা মান্ননবা পান্দম থম্লি।

লিংখৎনবা থৌরাং তৌরিবা স্কুল ১০০ অদু সাইনিক স্কুল সোসাইতিদা এফিলিয়েত তৌগনি। অসিগুম্বা এফিলিয়েত তৌরবা সাইনিক স্কুলশিং অদু মখোয়গী থবকশিং শৌগৎপা ওইনা শেনগী মতেং পীগনি।

সাইনিক স্কুলশিং লিংখৎনবগী পান্দমদি অঙাংশিং নেসনেল দিফেন্স একাদেমিদা চঙনবা লাইরিক-লাইশু, হকচাং ফবা অমসুং পুক্নিং-ৱাখল থৌরাং তৌবনি অমসুং নুপামচাশিং অফবা অমসুং কান্নবা মীওইশিং ওইনবা অফবা হকচাং, পুক্নিং-ৱাখল অমসুং লমচৎ-শাজৎ শেমগৎপনি।

হৌজিক লৈবাক অসিদা সাইনিক স্কুল ৩৩ লৈরি। একাদেমিক সেসন ২০২১-২২দগী সাইনিক স্কুল ৩৩দা ক্লাস ৬তগী নুপীমচাশিং মিংচনবা য়ারে।

******