২০২১গী ফেব্রুৱারী ১দা পার্লিয়ামেন্তদা শেল-থুমগী মন্ত্রী শ্রমতি নির্মলা সিথারমন্না পুথোকখিবা ২০২১-২২ ফাইনান্সিয়েল চহী অসিগী য়ুনিয়ন বজেৎ অসিনা দিফেন্স কেপিতেল আউতলে অসি চাদা ১৮.৭৫ হেনগৎহন্দুনা দিফেন্স মোদর্নাইজেসন্দা অচৌবা ইতিহাসিক্কী ওইরবা শাফু অমা পীখ্রে৷

২০২১-২২ ফাইনান্সিয়েল চহী অসিগী ওইনা দিফেন্স এলোকেসন বজেৎ অসি লুপা কোতি ৪,৭৮,১৯৫.৬২দা হেনগৎখ্রে৷ ২০২১-২২ ফাইনান্সিয়েল চহী অসিগী ওইনা পেন্সন য়াওদনা দিফেন্স মন্ত্রালয়গী মখাদা দিফেন্স সর্ভিসশিং অমসুং অতোপ্পা ওর্গনাইজেসনশিং/দিপার্তমেন্তশিং অসিগীদমক থাদরিবা অপুনবা শেনফম অসি লুপা কোতি ৩,৬২,৩৪৫.৬২নি, হায়রিবা শেনফম অসি ২০২০-২১ এফ.ৱাই. চহী অসিদা থাদখিবা শেনফম অদুগী লুপা কোতি ২৪,৭৯২.৬২ হেন্না ৱাংই৷

আর্ম ফোর্সেস মোদর্নাইজেসন তৌবগী অমসুং ইনফ্রাস্ত্রকচর দিভেলপমেন্তগীদমক থাদখিবা শেনফম অসি য়াম্না চাওনা হেনগৎখ্রে৷ এফ.ৱাই. ২০২১-২২দা থাদরিবা শেনফম লুপা কোতি ১,৩৫,০৬০.৭২ অসিনা এফ.ৱাই. ২০২০-২১ অসিদগী চাদা ১৮.৭৫ হেন্না ৱাংবা হেল্লি অমসুং এফ.ৱাই. ২০১৯-২০ অসিদগীনা চাদা ৩০.৬২ হেন্না ৱাংবা হেল্লি৷ মসিনা হৌখিবা চহী ১৫ অসিদা দিফেন্সতা থাদখিবা শেনফমশিং অসিগী মনুংদা খ্বাইদগী ৱাংবনি৷

ওপরেসন তৌবদা নন-সেলরী রেভিন্যুগী মখাদা শিজিন্নখিবা শেনফম অসি লুপা কোতি ৫৪,৬২৪.৬৭ য়ৌনা হেনগৎখ্রে৷ মসি এফ.ৱাই. ২০২০-২১ অসিগা য়েংনবদা চাদা ৬ হেন্না হেনগৎলকখ্রে৷

দি.আর.দি.ও.গীদমক থাদখিবা কেপিতেল এলোকেসন অসি লুপা কোতি ১১,৩৭৫.৫০ য়ৌনা হেনগৎখ্রে৷ মসি ২০২০-২১ চহী অসিদগী চাদা ৮ হেন্না ৱাংবা হেল্লি অমসুং ২০১৯-২০ অসিদগীনা চাদা ৮.৫ হেন্না ৱাংবা হেল্লি৷ বোর্দর রোদস ওর্গনাইজেসন(বি.আর.ও.)গীদমক কাইথখিবা শেনফম অসি লুপা কোতি ৬০০৪.০৮ য়ৌনা হেনগৎখ্রে অমসুং মসি এফ.ৱাই ২০২০-২১ অসিদগী চাদা ৭.৪৮ হেন্না ৱাংবা হেল্লি অমসুং এফ.ৱাই. ২০১৯-২০ অসিদগীনা চাদা ১৪.৪৯ হেন্না ৱাংবা হেল্লি৷

ফাইনান্সিয়েল চহী ২০২১-২২(এফ.ৱাই ২১-২২) অসিগী ওইনা কেপিতেল এক্সপেন্দিচরগী শেনপম লুপা কোতি ১.৩৫ য়াওনা দিপেন্স বজেৎ অসি লুপা কোতি লাখ ৪.৭৮ য়ৌনা হেনগৎলকখিবা অসিগীদমক রক্সা মন্ত্রী স্রী রাজনাথ সিংহনা প্রধান মন্ত্রী স্রী নরেন্দ্র মোদী অমসুং শেল-থুমগী মন্ত্রী শ্রীমতি নির্মলা সিথরমনবু থাগৎপা ফোংদোকখ্রে৷ মসি দিফেন্স কেপিতেল এক্সপেন্দিচরদা চাদা ১৯গী চাংদা হেনগৎলকখ্রে৷ হৌখিবা চহী ১৫ অসিদা মসিনা দিফেন্সতা থাদখিবা শেনফমশিং অসিগী মনুংদা খ্বাইদগী ৱাংবা ওইরি৷

শ্রী রাজনাথ সিংহনা ত্বীত কয়ামরোম তৌদুনা অসুম্না ফোংদোকখ্রে, “ভারতকী লৌমীশিং, লৌউ-শিংউবা, ইনপ্রাস্ত্রকচর অমসুং হ্যুমেন রিসোর্চকী রিইনবিগো রেসন অসিদা মতেং পাংনবা তোঙান তোঙানবা অনৌবা পোলিসীশিং অমসুং প্রোগ্রামশিংসু লাওথোকখ্রে৷ বজেৎ অসিনা লৈবাক অসিদা অনৌবা সাইনিক স্কুল ১০০ হাংদোক্নবা থাংগৎলকখিবা প্রপোজেল অসি ঐ ঙকপা ফাওই৷”  হায়রিবা স্কুলশিং অসি রাজ্যশিং, নন-গভর্মেন্ত ওর্গনাইজেসনশিং(এন.জি.ও.শিং) অমসুং প্রাইভেৎ ইন্সতিত্যুসনশিং অসিগা খুৎশম্নরগা শেমগৎলগনি৷

******