সাইন্স অমসুং তেক্নোলোজী মন্ত্রালয়

দা. হর্শ ৱর্ধননা ভর্চুৱল প্লেতফোর্মগী খুত্থাংদা ফরিদাবাদ দি.বি.তি.-তি.ঐচ.এস.তি.আই.গী সি.ই.পি.আই. সেন্ত্রেলাইজ্দ নেতৱর্ক লেব শঙ্গাখ্রে


ফরিদাবাদকী দি.বি.তি.-তি.ঐচ.এস.তি.আই.কী সি.ই.পি.আই. সেন্ত্রেলাইজ্দ লেবোরেতরীগুম্বা লেব অসি ভারত্তা অহানবনি অমসুং মালেমদনা তরেত শুবনি

দা. হর্শ ৱর্ধননা কোবিদ-১৯গীদমক্তা এস. অমসুং তি. সোল্যুশন্স মতাংদা দি.বি.তি.গী ই-বুক ফোংখ্রে; ৱিশাখপতনমগী এ.এম.তি.জেদ.না দি.বি.তি.গা খুৎশম্নদুনা মাইপাক্না দাইগ্নোস্তিক কিত করোর অমা পুথোকখিবগী মতাংদসু লাউথোকখি

দা. হর্শ ৱর্ধননা হায়খি-কোবিদ-লাইনা অসিবু থেংননবা অমসুং মসিগী মরমদা কান্নবা মহৈ ফংনবা দি.বি.তি. অমসুং বায়োতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.)না হৌখিবা থা ১০দগী লেপ্তনা হোৎনরক্লি

তি.ঐচ.এস.তি.আই.গী ভেক্সিনবু মালেমগী থাক্তা পাম্নবা অমসুং ভেক্সিনগী ক্বালিতী হেনগৎহনবদা সি.পি.আই.না মরু ওইবা থৌদাং লৌগনি: দা. হর্শ ৱর্ধন

Posted On: 05 JAN 2021 5:27PM by PIB Imphal

সাইন্স অমসুং তেক্নোলোজী, হেল্থ অমসুং ফেমিলী ৱেলফেয়র অমসুং অর্থ সাইন্সেসকী মন্ত্রী, দা. হর্শ ৱর্ধননা ভর্চুৱল প্লেতফোর্মগী খুত্থাংদা ফরিদাবাদতা লৈবা ত্রান্সলেশনেল হেল্থ সাইন্স এন্দ তেক্নোলোজী ইন্সতিত্যুত (তি.ঐচ.এস.তি.আই.)দা লৈবা কোলিসন ফোর এপিদেমিক প্রিপেয়র্দনেস ইনোভেসন্স (সি.ই.পি.আই.)গী  সেন্ত্রেলাইজ্দ নেতৱর্ক লেব হায়না কৌবা মালেমদা তরেত খক লৈবদা অমা ওইরিবা অসি ঙসি ন্যু দিল্লীদা শঙ্গাখ্রে। তি.ঐচ.এস.তি.আই. অসি দিপার্তমেন্ত ওফ বায়োতেক্নোলোজী (দি.বি.তি.)গী ইন্সতিত্যুত অমনি। ভারত্তা অসিগুম্বা লেবোরেতরী অসি অহানবনি অমসুং নেস্নেল এক্রেদিসন বোর্দ ফোর তেস্তিং এন্দ কেলিব্রেসন লেবোরেতরিস (এন.এ.বি.এল.) (আই.এস.ও.১৭০২৫:২০১৭)না এক্রেদিত তৌরবা লেবোরেতরীনি।


https://static.pib.gov.in/WriteReadData/userfiles/image/image003FDCL.jpghttps://static.pib.gov.in/WriteReadData/userfiles/image/image00422OI.jpghttps://static.pib.gov.in/WriteReadData/userfiles/image/image005GNJ2.jpg

থৌরম অসিদা দি.বি.তি.গী সেক্রেতরী দা. রেনু স্বরুপ; দি.বি.তি.গী জেনরেল সেক্রেতরী অমসুং বি.আই.বি.সি.ও.এল.গী এম.দি., শ্রী চন্দ্র প্রকাস গোয়ল; এদিস্নেল সেক্রেতরী অমসুং ফাইনেন্সিয়েল এদভাইজর ৱিস্বজিত সহায়; দি.বি.তি.গী এদভাইজর, দা.অল্কা শর্মা; তি.ঐচ.এস.তি.আই.গী এক্সিক্যুতিব দাইরেক্তর (ওফিসর ইঞ্চার্জ), এন.আই.এ.বি.গী দাইরেক্তর দা. সুবির. এস. মজুমদার; ৱিসাখাপতনমগী অন্ধ্রা মেদ তেক জোন (এ.এম.তি.জেদ.)গী এক্সিক্যুতিব দাইরেক্তর, দা. জিতেন্দ্র শর্মা; দি.বি.তি.গী সাইন্তিস্ত 'ই' দা. জ্যোতি এম. লোগানিনা শরুক য়াখি অমসুং দি.বি.তি. অমসুং তি.ঐচ.এস.তি.আই.গী অতোপ্পা সাইন্তিস্ত অমসুং ওফিসিয়েলশিংনা থৌরম অসিদা ওনলাইনগী খুথাং শরুক য়াখি।

দা. হর্শ ৱর্ধননা থৌরম অসিদা ৱা ঙাংবদা দি.বি.তি. অমসু বি.আই.আর.এ.সি.বু “কোবিদ-লাইনা অসিবু লান্থেংননবগীদমক্তা মসিদগী কান্নবা মহৈ ফংনবা হৌখিবা থা ১০দগী লেপ্তনা হোৎনরকপগীদমক” থাগৎখি। মহাক্না হায়খি, “ভেক্সিন অসিবু মালেমগী থাক্তা পাম্নবা অমসুং ভেক্সিনগী ক্বালিতী হেনগৎহনবদা তি.ঐচ.এস.তি.আই.গী মতিক হেনগৎহনবদা সি.পি.আই.না মরু ওইবা থৌদাং লৌগনি”।

মন্ত্রী অসিনা ভারতকী সাইন্তিস্তশিংগী থবকসু থাগৎখি অমসুং মখোয়না হৌখিবা চহিদা অরুবা মতমদসু মালেমগী থাক্কি কিত অমসুং মসিগা মরী লৈনবা পোৎচৈশিং ইম্পোর্ত তৌরম্বদগী এক্সপোর্ত তৌবা হৌগৎখি হায়না হায়খি। সাইন্তিস্তশিং, ফ্রন্তলাইন ৱার্করশিং অমসুং মীচমনা লুরবা মতম অসিদা পুক্নিং চংনা অমসুং থৌনা ফনা লাইনা অসি মায়োক্নখি। মহাক্না হায়খি, “ঙসি, লৈবাক অসিনা কোবিদ-১৯গী ভেক্সিন শাবদা মাং থারি,” অমসুং মহাক্না মখা তারকখি "ভেক্সিন ৩০গী মরক্তা অনিদি দ্রগ কনত্রোলরনা শিজিন্নবগী অয়াবা পীখ্রে” অমসুং অতোপ্পশিংদুনা খুমাং চাউশিন্দুনা েদভান্স স্তেজতা লৈরে।

সি.ই.পি.আই. অসি তুংদা থোকলক্কদবা লাইচৎশিং থিংনবা ভেক্সিন পুথোক্নবা ২০১৭দা দাৱোসতা পব্লিক, প্রাইভেত, ফিলানথ্রোফিক অমসুং সিবিল ওর্গনাইজেসনশিংগী মরক্তা খুৎশম্নদুনা শেম্বা অনৌবা পার্তনরশিপ অমনি। ভারত সরকারগী সাইন্স অমসুং তেক্নোলোজী মন্ত্রালয়গী দিপার্তমেন্ত ওফ বায়োতেক্নোলোজীনা ‘ইন্দিয়া সেন্ত্রিক এপিদেমিক প্রিপেয়র্দনেস থ্রু রেপিদ ভেক্সিন দিবেলপমেন্ত: সপোর্তিং ইন্দিয়ন ভেক্সিন দিবেলপমেন্ত এলাইনদ ৱিদ দ গ্লোবল ইনিসিয়েতিব ওফ কোলিশন ফোর এপিদেমিক প্রিপেয়র্দনেস ইন্নোভেশন্স (সি.ই.পি.আই.)’ হায়না মীংথোনবা ইন্দ-এস.ই.পি.আই. মিশন ইমপ্লিমেন্ত তৌরগনি। ইন্দি- সি.ই.পি.আই. মিশন  অসিগী পান্দম অসি ভারত্তা লাইচৎ থোকপা মতমদা মতেং ওইনবা ভেক্সিন শাবগী মায়কৈদা থবক তৌবনি লোইন-লোইননা ভারত্তা হৌজিক হৌজিক লৈরিবা অমসুং থোরক্লিবা লৌনগনবা লাইনাশিংদগী খুদোংথিবশিং অদুবু য়েংশিন্নবা ভারতকী পব্লিক হেল্থ সীস্তেম অমসুং ভেক্সিন ইন্দস্ত্রীগী মরক্তা খুৎশম্নদুনা মসিগীদমক্তা শেম শাদুনা লৈবশুনি। হৌজিক্কী ওইনা মরু ওইবা মীৎয়েং থম্লিবসি পুথোক্লিবা ভেক্সিন অসি মালেম অসিনা চিংনবা লৈতনা শিজিন্নবা য়ানবা অমসুং মতিক চাবা মহৈ ফংনবা স্তেন্দার্দ এনালাইসিস অমসুং লেবোরেতরীশিংদা চপ মান্নবা রিএজেন্তশিং শিজিন্নদুনা কোবিদ-১৯গী ভেক্সিনগী চাং য়েংবদা মতেং পাংবনি।

মসিগী কোলাবোরেতিব নেতৱার্ককীদমকতা খনগৎলববা ক্লিনিকেল সেম্পল তেস্তিং লেবোরেতরীশিং অদুদি: নেক্সেলিস (কনাদা) অমসুং পব্লিক হেল্থ ইংগলেন্দ (পি.ঐচ.ই. ; য়ু.কে.), ৱিসমেদেরি এস.আর.এল (ইতালী), ভাইরোক্লিনিক্স বায়োসাইন্সেস বি.ভি. (দ নিদরলন্দ্স), ক্যু২ সোল্যুলসন্স (য়ু.এস.এ.), ইন্তর্নেস্নেল সেন্তর ফোর দাইওরিয়েল দিজীজ রিসর্চ বাংলাদেশ (আই.সি.দি.দি.আর-বি, বাংলাদেশ), নেস্নেল ইন্সিত্যুত ফোর বায়োলোজিকেল স্তেন্দার্দস এন্দ কন্ত্রোল (এন.আই.বি.এস.সি., য়ু.কে.) অমসুং ত্রান্সলেস্নেল হেল্থ সাইন্সেস এন্দ তেক্নোলোজীকেল ইন্সতিত্যুত (তি.ঐচ.এস.তি.আই. ইন্দিয়া) নেতৱার্কনি। সি.ই.পি.আই.না নেতৱার্ক অসিগীদমক অমেরিকন দোলর মিলিয়ন ১৬ এপ্রুভ তৌখ্রে। কোবিদ-১৯গী ভেক্সিন শেম্বা পুম্নমক্না মখোয়গী ভেক্সিন কেন্দিদেত্তা ময়াম্না চৎনবা নিয়মগী মতুং ইন্না প্রিক্লিনিকেল ফেজ Iদগী ফেজ III ফাওবগী ত্রায়েলশিংগী ক্লিনিকেল ত্রায়েলগী সেম্পল শিজিন্নদুনা ইম্যুনোজেনিসিতী নেতৱার্ক অসি শেল অমত্তা চংদবিদা শিজিন্নবা য়াগনি।

দা. হর্শ ৱর্ধননা মসিগী লাইচৎ অসিদগী ফগৎহন্নবগীদমক্তা দিপার্তমেন্ত ওফ বায়োতেক্নোলোজীনা লৌখৎখিবা অনৌবা খোংথাংশিং অদুবু উৎলিবা কোবিদ-১৯গীদমক্তা এস. অমসুং তি. সোল্যুশনশিংগী মতাংদা ই-বুকশু ফোংখি। লৈবাক অসিদা শাবা ভেক্সিনশিংদগী হৌদুনা চৎনবীগী লৌশিংদা য়ুম্ফম ওইবা  লাইয়েংবগী থৌওংশিং অমসুং লাইয়েংবগী ফোর্মুলেশনশিং, রিসর্চ রিসোর্সশিং  লিংখৎপা অমসুং সার্বিসশিং পীবতা নত্তনা দিপার্তমেন্ত অসিনা খুনাই অসিগী ওইনা মরু ওইবা ইন্নোভেতিব ওইবা পোৎচৈশিং পুথোক্নবগী মায়কৈদা আত্মনির্ভর ওইহন্নবগী ইকোসীস্তেম অমা শেমগৎপদা মীৎয়েং থম্লি।  ই-বুক অসিনা দি.বি..তি.না সপোর্ত তৌবা ইনিসিয়েতিবশিংনা পুথোকপা লৈবাক অসিদা শাবা কোবিদ-১৯গী পোৎচৈশিংগী মরমদা খংহল্লি।

বেকগ্রাউন্দ নোতকীদমক অসিদা ক্লিক তৌবীয়ু

*****



(Release ID: 1693676) Visitor Counter : 236