নই দিল্লীগী, ৱাইল লাইফ ক্রাইম কন্ত্রোল ব্যুরো (দবল্যু.সি.সি.বি.)গী অমুক্তা তৌখিদ্রিবা মওংদা চৎথবা ইন্তিলিজেন্স ওপরেসন অমদা, আইন্না য়াদবা লমলক্কী শা-উচেকশিং লল্লোন-ইতিক তৌবা মফম অনি জম্মুগী মফমদা মদুদি শ্রীনগর ভেল্লি অমসুং মনৱালদা ফাগৎখ্রে।

দিল্লীদগী পাইখিবা দবল্যু.সি.সি.বি. ওফিসরশিংগী অপুনবা ওপরেসন অমদা, জম্মু অমসুং কাশ্মীরগী চীফ ৱাইললাইফ ৱার্দেন অমসুং পুলিসনা, ২৯.০১.২০২১দা মফম অনিদা অমুক্তদা খুদক্তা ফাজিনখিবনি।   

ত্বীত মেসেজ অমদা, য়ুনিয়ন এনভাইরোনমেন্ত মিনিস্তর, শ্রী প্রকাশ জাবাদেকরনা দবল্যু.সি.সি.বি.বু ৱাইললাইফ ক্রাইম অসিবু লোইশিন্নবা ফিরেপ অমা লৌদুনা চংশিল্লিবা অসিদা থাগৎপা ফোংদোকখ্রে।

অনন্তনাগকী রেইদ অসিদা, কবোকৈগী মউন ৮, শাওমগী মশিংখা ৩৮, মুস্ক পোদ ৪ অসি শের্পুরা, অনন্তনাগ লৈবা মিস্তর গুল মোহামদ গেনীদগী ফংখি।  

কবোকৈগী মউন ৫, কবোকৈগী খুজিন ৭, হুইয়া ৮, য়াপং ২, কবোকৈগী শরু মকোক ২, অমসুং কবোকৈগী শরু (খদাংগী শরু ৪, শরু মচেৎ ১৪০), মুস্ক ১অসিনা জম্মুগী কিঙ্গরিয়ালদা লৈবা মিস্তর কুশাল হুসেইনদগী জম্মুগী মনৱাল মফমদগী ফাগৎখি। অহানবা হৌদোকপা থি-হুম্বগী থবক্তা মফম অনিদগী ফাগৎলবা মরাল লৈরবা অনি অসি আইন্না য়াদবা ৱাইললাইফকী লল্লোন-ইতিক তৌবদা মপাং ওইবনি হায়বা অসি খঙখি।

মখা তানা থি-হুম্ব অসিদা আইন্না য়াদবা থবক্তা থবক অসিদা মখোয় অনি কয়া কুইনা লোইনরকপগে, কদাই ফাওবা তৌবগে, কনা-কনা পুনবগে হায়বা খঙলগনি। 

হৌজিক ফাগৎলিবা অসিনা হৌখিবা মতম খর অসিদা খ্বায়দগী চাওবা অফা-অপুন্নি। মুস্ক দীয়র অমসুং হিমালায়ানগী অমুবা শাওম অসি মুৎখিগিদৌরবা শা মখল অমনি অমসুং মখোয় অসি মুস্ক পোদ, শাওম মশিংখাগীদমক তাল্লি, হায়রিবা অসি ত্রেদিসনেল চাইনিজ মেদিসিনস (তি.সি.এম.)গীদমক শিজিন্নৈ। মসিগী আইন্না য়াদনা শা-তাল্লিবা মখোয় অদুদি – কবোকৈ, শাওম অমসু মুস্ক দীয়রনি অমসুং মখোয় অসি ৱাইললাইফ (প্রোতেক্সন)এক্ত, ১৯৭২গী শেদ্যুল ১গী লিস্ততা য়াওরি। প্রোবিজন এক্তকী মতুং ইন্না, মসিগী শাশিং অসি তানবা অমসুং মখোয়গী পার্তশিং লল্লোনবদা য়ামদ্রবদা চহি অহুম অমসুং শাংদোক্লবদা চহি ৭ ফাদোক পীবা য়াই।

কেস অমা অনন্তনাগ পুলিস স্তেসন্দা রেজিস্তর তৌখ্রে। 

***