কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

ফার্স্ত জেনরেসন (১জি) ইথানোল পুথোক্নবা লৈবাক অসিগী ইথানোল দিস্তিলেসনগী কেপাসিতী হেনগৎহন্নবা স্কীম ইমপ্লিমেন্ত তৌনবা রাজ্যশিং অমসুং ইন্দস্ত্রী এসোসিএসনশিংগা লোইননা ফুদ এন্দ পব্লিক দিস্ত্রিব্যুসন বিভাগনা মীফম পাঙথোকখ্রে

Posted On: 29 JAN 2021 12:18PM by PIB Imphal

সরকারনা ফ্যুএল গ্রেদ ইথানোল পেত্রোলগা ১০% ব্লেন্দিং ২০২২ ফাওবদা অমদি ২০% ব্লেন্দিং ২০১৫ ফাওবদা তৌনবা পান্দম অমা থমখি। হায়রিবা অসি লৌউ-শিংউগী শেন্মীৎলোন ফগৎহন্নবা, মপালদগী পুশিল্লকপা ফোসিল ফ্যুলগী মীপাল তাংবা হন্থহন্নবা, ক্রুদ ওইল ইম্পোর্ত বিলদা ফোরেন এক্সচেঞ্জ চৎহনদনবা অমসুং এয়র পোলুসন হন্থহন্নবা ৱাখল্লোনগা লোইনা তৌখিবনি। ইথানোলগী মথৌ তাবা অসু থুংহন্নবা সরকারনা জনুৱারী তাং ১৪, ২০২১দা থোকখিবা নোতিফিকেসনগী মতুং ইন্না “প্রোজেক্ত প্রোপোনেন্তশিংদা মখোয়গী ইথানোল দিস্তিলেসন কেপাসিতৌ হেনগৎহন্নবা নত্ত্রগা ফুদ কোর্পোরসন ওফ ইন্দিয়দা লৈরিবা চু, চেংগুম্বা ফীদ স্তোকশিং, গেহু অসিনচিংবদগী ফার্স্ত জেনরেসন (১জি) ইথানোল পুথোক্নবা শেলগী তেংবাং পীনবা স্কীম লৈহনখ্রে”।

রাজ্য সরকারশিংনা ওন্তোপ্রিনোরশিং অমসুং কোওপরেসনশিংনা মশীং য়াম্না শরুক য়াহন্নবা ৱাখল্লোনগা লোইননা ফুদ এন্দ পব্লিক দিস্ত্রিব্যুসন বিভাগকী সেক্রেতরীনা চিয়রমেন ওইদুনস জনুৱারী ২৭, ২০২১দা ভিদিও কনফরেন্সকী খুত্থাংদা মীফম অমা পাঙথোকখ্রে। মীফম অদুদা রাজ্য সরকারশিং, ইন্দস্ত্রী এসোসিএসনশিং মদুদি আই.এস.এম.এ., এ.আই.দি.এ., এ.এস.এস.ও.সি.ঐচ.এ.এম, সি.আই.আই. অসিনচিংবা অমসুং কেন্দ্র সরকারগী মরী লৈনবা বিভাগশিংনা স্কীম অসিগী অকুপ্পা মরোলগী মতাংদা খঙহনখি মরমদি মসিনা স্কীম অসিদা থৱায় য়াওনা শরুক য়ান্নবা অমসুং কান্নবা ফংহন্নবা মখোয়গী রাজ্যশিং/এসোসিএসনশিংগী ওন্তোপ্রিনোরশিং সেন্সিতাইজ তৌবা য়াগনি।

রাজ্য সরকারশিংদা মখোয়গী রাজ্যশিংদা লৈরিবা ওন্তোপ্রিনোরশিংদা স্কীম অসি প্রমোৎ তৌনবা অমসুং মখোয়বু স্কীম অসিদা শরুক য়ান্নবা থৌগৎতুনা সরকারনা থম্লিবা পান্দম অসি মাগী তাইমলাইনগী মনুংদা ফংবা ঙমহন্নবা খঙহনখ্রে। রাজ্য সরকারশিংদা মখোয়না ওন্তোপ্রিনোরশিংদা প্রোজেক্ত অসিগীদমক লম শিল-লাংনবা, অথুবদা এনভাইর্নমেন্ত ক্লিয়রেন্স ফংহনদুনা দিস্তিলরীশিং লিংখৎবা য়ান্নবা খঙহনখ্রে। মখোয়বু মতেং পাংনবা রাজ্য সরকারশিংদা রাজ্যশিং/য়ু.তি.শিংদা নোদেল দিপার্তমেন্ত থম্নবা অমসুং নোদেল ওফিসর খন্নবা খঙহনখ্রে।

স্কীম ইমপ্লিমেন্ত তৌবা অসি থা খুদিংগী য়েংশিন্নবা অমসুং করিগুম্বা ওন্তোপ্রিনোরশিংনা মখল অমা হেক্তগী অপনবশিং থেংনরবদি মদু অকক্নবা মতমগী মনুংদা কোকহন্নবা স্তেৎ এক্সসাইজ ওথোরিতী, স্তেৎ পোলুসন কন্ত্রোল বোর্দ, ইন্দস্ত্রী বিভাগ, ইন্দস্ত্রী এসোসিএসনশিং, ওন্তোপ্রিনোরশিং অমসুং কেন্দ্র সরকারগী ওফিসরশুং য়াওবা চীফ সেক্রেতরীগী চিয়রমেনশিপ মখাদা স্তীরিং কম্মিতি অমা শেম্নবা রাজ্য খুদিংমক্তা খঙহনখ্রে।

শরুক য়ারিবশিংদা পেত্রোল প্রোগ্রামগা ইথানো ব্লেন্দ তৌবগী কান্নবশিংগী মতাংদা খঙহনখ্রে। অহেনবা চিনা তন লাখ ৬০রোম ইথানোল শুংবদা শিজিন্নহনদুনা সুগর মিলশিংনা চুগী শেন্দোনশিং লৌমীশিংদা মতম চানা থিদোকপদা মতেং পাংলগনি, অহেনবা চেং লন লাখ ১৩৫রোম অসি শিজিন্নবনা লৌমীশিংগী ইনকম হেনগৎহনবদা মতেং পাংলগনি, ওন্তোপ্রিনোরশিংনা ইনবেস্তমেন্ত তৌবনা খুঙ্গংগী মফমশিংদা থবক ফংহনবদা মতেং ওইরগনি, চাইথোক্তুনা ইথানোল শুংবনা ইথানোল পুথোক পুশিন তৌবদা চংবা শেল হন্থহনবদা মতেং ওইরগনি অমসুং ক্রুদ ওইল মপালদগী পুশিল্লকপা হন্থহনবনা ভারতবু পেত্রোলিয়ম সেক্তরদা আত্মানির্ভর ওইহনবদা মতেং ওইরগনি হায়না পাউদমখ্রে।

ওন্তোপ্রিনোরশিং অমসুং রাজ্যশিংনা শরুক য়ারকপনা লৈবাক অসিদা ইথানোল পুথোকপগী চাং অসি হৌজিক লৈরিবা লিতর করোর ৬৮৪দগী ২০২৫ ফাওবদা মথৌ তারিবা লিতর করোর ১৫০০গী চাং অসিদা হেনগৎহনদুনা ব্লেন্দিংগী পান্দম অসি মাইপাকপা ঙমগনি হায়না থাজবা থমখি। চু, মলাসেস, অতোইবা চেং, এফ.সি.আই.গী চেং, গেহু অসিনচিংবা রো মেতরিএল মরাং কাইনা লৈ। চুহি, বি-হেভী মলাসেস, এফ.সি.আই.দা লৈরিবা চেং, অতোইবা চেং অমসুং গেহু য়াওনা তোঙান তোঙানবা ফীদ-স্তোকশিংদগী ইথানোলগী মতিক চাবা মমলশিং লেপখ্রে। ইথানোলগী মমল অসি ক্রুদ ওইলগী মমলদা অদু নত্তবদা রো মেতরিএলশিংগী মমলদা য়েংলগা লেপখ্রে। ও.এম.সি.না ইথানোলগী এস্যুর্দ বয়র ওইবনা মথংগী চহি ১০ ফাওবা দিস্তিলরীশিংদগী লাইনা ইথানোল লৈবা য়াহনখ্রে। দিস্তিলরীশিং, বেঙ্কশিং অমসুং ও.এম.সি.শিংগী মরক্তা নকল অহুমগী ওইবা য়ান্নচেরোল পীনখিবনা বেঙ্কশিংদগী শেল পুহনবদা লাইথোকহল্লি। রাজ্য সরকার খরনা ইথানোল প্রোজেক্তশিং অসি মরু ওইবা সেক্তরগী মখাদা লৈহনবা য়াওখ্রে। অসুম্না তৌগদৌরিবা ইথানোল প্রোজেক্তশিং অসি মসিনা ওইথোকহল্লগনি।

****

 



(Release ID: 1693243) Visitor Counter : 18