نوجوانوں کے امور اور کھیلوں کے مرکزی وزیر جناب کرن رجیجو نے کیمیائی جانچ کے لیے اینٹی ڈوپنگ کے شعبے میں نیشنل ڈوپ ٹیسٹ لیبارٹری (این ڈی ٹی ایل) اور نیشنل انسٹی ٹیوٹ آف فارما سیوٹیکل ایجوکیشن اینڈ ریسرچ (این آئی پی ای آر) گواہاٹی کی جانب سے تیار کردہ پہلے حوالہ جاتی مواد کا افتتاح کیا۔

اس حوالہ جاتی مواد (آر ایم) کو این ڈی ٹی ایل نے عالمی سطح پر نایاب آر ایم کے طور پر شناخت کیا ہے اور اسے تمام ورلڈ اینٹی ڈوپنگ ایجنسیوں (واڈا)) سے شناخت شدہ لیبارٹریوں میں اینٹی ڈوپنگ کے اقدامات کو مضبوط کرنے کے لیے استعمال کیا جائے گا۔ این ڈی ٹی ایل اور این آئی پی ای آر گوہاٹی کے درمیان اگست 2020 میں مفاہمت نامے پر دستخط کیے گئے تھے جس کی رو سے  3 سال کی مدت کے دوران 20 نایاب حوالہ جاتی مواد (آر ایم) تیار کرنے کی تجویز ہے۔ یہ مواد بنیادی طور پر کوالٹی کنٹرول کے مقاصد کے لیے ڈوپ ٹیسٹنگ کے دوران استعمال کیے جاتے ہیں اور اس وجہ سے عالمی سطح پر ان کی دستیابی کھیلوں میں ڈوپ ٹیسٹ کے لیے بہت اہمیت کی حامل ہے۔

ان آر ایم کی دستیابی سے اینٹی ڈوپنگ لیبارٹریوں کی جانچ کرنے کی صلاحیت کو مضبوط بنانے میں مدد ملے گی۔ اس سے کھیلوں میں ایمان داری برتنے کے عظیم مقصد میں مدد ملے گی۔

جناب کرن رجیجو نے کہا،  "یہ ہم سب کے لیے ایک خاص لمحہ ہے۔ یہ مواد چھوٹا سا ہے لیکن اس کے اثرات بڑے ہیں۔ سپورٹس مین شپ کا تقاضا ہے کہ کھیل ایمان دارانہ اور دھوکہ دھڑی سے پاک ہو۔ میں این ڈی ٹی ایل اور این آئی پی ای آرجی کے تمام میں سائنس دانوں کو 20 حوالہ جاتی موادوں میس ایک کی تیاری پر مبارکباد دیتا ہوں۔"

یہ بھی طے کیا گیا کہ دیسی طور پر تیار شدہ اس حوالہ جاتی مواد کی 5 ملی گرام مقدار واڈا سے شناخت شدہ لیبارٹریوں کو پوری دنیا میں پہلی بار مفت بھیجی جائے۔ اس سے نہ صرف ڈوپنگ کی لعنت سے نمٹنے کے لیے بھارت کے عزم کا اظہار ہوگا بلکہ سب کے درمیان اتحاد و یکجہتی کا احساس بھی پیدا ہوگا۔ اپنے فخر کا اظہار کرتے ہوئے جناب رجیجو نے کہا کہ " مصنوعات کو مفت تقسیم کرنے کا خیال بہت عمدہ ہے، اس سے خیر سگالی کے جذبات پیدا ہوں گے۔ ہم تمام واڈا لیبارٹریوں کے تئیں اخلاقی اتھارٹی اور جائز مقام رکھتے ہیں  وسو دیوا کٹمبکم یعنی ساری دنیا ہمارا کنبہ ہے، کی روایت کے تحت  اس پر عمل پیرا ہیں۔"

این ڈی ٹی ایل نے بھارت میں بڑے سائنسی اداروں کے اشتراک سے اپنی تحقیقی سرگرمیوں کو مستحکم بنانے کے لیے مزید کئی اقدامات کیے ہیں اور کولون، ٹوکیو، روم میں دوسری واڈا سے منظور شدہ لیبارٹریوں کے ساتھ بحی تعاون شروع کیا ہے اور اینٹی ڈوپنگ کی کوششوں اور خیالات کو آگے بڑھانے کا کام کیا ہے ۔ جناب رجیجو نے اس تقریب کے دوران این ڈی ٹی ایل کا نیوز لیٹر بھی جاری کیا۔

*****************

ش ح۔ ع ا۔ ت ع

U NO: 927